14-Nov-2025

ସୋନପୁର (ମନୋରଞ୍ଜନ ତ୍ରିପାଠୀ)
 ସୋନପୁର ପୁରୁଣା ମେଡିକାଲ୍ ପାର୍ଶ୍ଵ ରେ ଥିବା ପୁଷ୍ପଲତା ଏଚ ପି ଗ୍ୟାସ ଏଜେନ୍ସି ର ଆଜି ମହା ସମାରୋହ ରେ ୩୦ ବର୍ଷ ପୂର୍ତ୍ତି ପାଳନ ହୋଈ ଯାଇଛି l ଏହି ଉତ୍ସବ ରେ ମୁଖ୍ୟ ଅତିଥି ଭାବରେ ସୁବର୍ଣ୍ଣପୁର ଜିଲ୍ଲାପାଳ ଡ଼. ନୃପ ରାଜ ସାହୁ ଯୋଗ ଦେଈ ଏହି ଏଜେନ୍ସୀ ର ୩୦ ବର୍ଷ ପୂର୍ତ୍ତି ଅବସର ରେ ଜନ୍ମ ଦିନ ର କେକ୍ କାଟି ଅନୁଷ୍ଠାନ ର ସମୃଦ୍ଧି ପାଇଁ ଶୁଭ କାମନା କରି ଥିଲେ l ଦୀର୍ଘ ୩୦ ବର୍ଷ ଧରି ସୋନପୁର ଓ ମନମୁଣ୍ଡା,  କଣ୍ଟାମାଳ ଅଞ୍ଚଳ ରେ ୧୬ ହଜାର ରୁ ଉର୍ଦ୍ଧ୍ବ ଏଚ ପି ଗ୍ୟାସ ଗ୍ରାହକ ଙ୍କୁ ଉତ୍ତମ ସେବା ପ୍ରଦାନ କରି ଆସୁଥିବା ବିଷୟ ଅବଗତ ହେବା ପରେ ଜିଲ୍ଲାପାଳ ଡ଼. ସାହୁ ଏଜେନ୍ସି ର ପ୍ରୋପାଇଟର ବାସନ୍ତୀ ନାଏକ ଙ୍କୁ ପ୍ରଶଂସା କରି ଥିଲେ l  ଏହି ଅବସର ରେ ସମ୍ମାନୀତ ଅତିଥି ଭାବରେ ଜିଲ୍ଲା ଯୋଗାଣ ଅଧିକାରୀ ବିଭୁ ଭୂଷଣ, ପ୍ରତିଷ୍ଠାତା ପୁଷ୍ପଲତା ନାଏକ, ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ଅର୍ଜୁନ ମାଝୀ, ବରିଷ୍ଠ ନାଗରିକ  ଦୁଃଖୀରାମ ନାଏକ , ପୁରୁଷୋତ୍ତମ ପାଣିଗ୍ରାହୀ  ଯୋଗ ଦେଇଥିଲେ l ପରେ ପରେ ଏହି ଅବସର ରେ ଜିଲ୍ଲାପାଳ ଙ୍କ ଦ୍ବାରା ଏକ ଚକ୍ଷୁ ଚିକିତ୍ସା ଶିବିର ଉଦ୍ଘାଟନ କରାଯାଇଥିବା ବେଳେ ଏଥିରେ ୬୦ ରୁ ଉର୍ଦ୍ଧ୍ବ ଜଣ ଶିଶୁ ପୁରୁଷ ଓ ମହିଳା ଙ୍କ ଚକ୍ଷୁ, ବ୍ଲଡ ପ୍ରେସର୍, ବ୍ଲଡ ସୁଗର ର ପରୀକ୍ଷା କରା ଯାଇଥିଲା l ପାଞ୍ଚ ଜଣ  ମୋତିଆ ବିନ୍ଦୁ ରୋଗୀ ଙ୍କୁ ଅପରେସନ ପଇଁ ପରାମର୍ଶ କରାଯାଇ ଅନେକ ଲୋକ ଙ୍କୁ ଚଷମା ପ୍ରଦାନ କରାଗଲା l ଏଜେନ୍ସି ର ନିର୍ଦେଶକ ଚରଣ ନାଏକ, ଓ ଚନ୍ଦ୍ର ଶେଖର ନାଏକ ଙ୍କ ତତ୍ୱା ଵଧାନ ରେ ଏହି କାର୍ଯ୍ଯ କ୍ରମ ଅନୁଷ୍ଟିତ ହୋଇଥିଲା l ଏଠାରେ ୩୦ ବର୍ଷ ଧରି ସଚ୍ଚୋଟ ଓ ସୂଚାରୁ ରୂପେ ଦାୟିତ୍ଵ ରେ ଥିବା ମ୍ୟାନେଜର ରମାକାନ୍ତ ନାଏକ, ସୂଚନା ଲୋକ ସମ୍ପର୍କ ଅଧିକାରୀ ଶ୍ରୀ ଭୋଇ ଓ ପୁଷ୍ପ ଲତା ନାଏକ ଙ୍କୁ ଜିଲ୍ଲାପାଳ ଙ୍କ ଦ୍ଵାରା ସମ୍ବର୍ଦ୍ଧିତ କରା ଯାଇଥିଲା l ମହାନଦୀ ନେତ୍ର ଚିକିତ୍ସାଳୟ ର ଡାକ୍ତରୀ ଦଳ ଓ ଟେକ୍ନିସିଆନ ଚକ୍ଷୁ ଓ ସ୍ୱାସ୍ଥ୍ୟ ଚିକିତ୍ସା ଶିବିର ରେ ସହଯୋଗ କରିଥିବା ବେଳେ ସମାଜସେବୀ ମନୋଜ ପଣ୍ଡା ଓ ମନୋରଞ୍ଜନ ତ୍ରୀପାଠୀ ଏ ସମସ୍ତ କାର୍ଯ୍ୟ କ୍ରମ ସଂଯୋଜନା ରେ ସହଯୋଗ କରିଥିଲେ l