18-Oct-2025

ନୁଆପଡ଼ା(ପରମେଶ୍ଵର ମେହେର): ନୁଆପଡ଼ା ଜିଲ୍ଲାର ଟା ନୁଆଟରେ ଆଦିବାସୀ ସମାଜର ସମସ୍ତ ନେତା ଓ ପ୍ରତିନିଧି ମାନେ ଏକ ବିଶାଳ ସଭାରେ ଏକତ୍ରିତ ହୋଇ, ନୁଆପଡ଼ା ବିଧାନସଭା ଉପ ନିର୍ବାଚନ ରେ ବିଜେଡି ପ୍ରାର୍ଥୀ ଶ୍ରୀମତୀ ସ୍ନେହାଂଗିନୀ ଛୁରିଆଙ୍କୁ ସମ୍ପୂର୍ଣ୍ଣ ସମର୍ଥନ ଦେବାକୁ ଘୋଷଣା କରିଥିଲେ ।

ସଭାର  ଆଦିବାସୀ ନେତା  ବିହାରୀଲାଲ ବିଶ୍ୱାଳ ସଭାପତିତ୍ବ କରିଥିବା ବେଳେ ଓ ମୁଖ୍ୟ ଅତିଥି ଭାବେ ରାଜ୍ୟସଭା ସାଂସଦ ନିରଞ୍ଜନ ବିଶି ଉପସ୍ଥିତ ଥିଲେ। ବିଭିନ୍ନ ସାମାଜିକ ସଂଗଠନର ପ୍ରତିନିଧିମାନେ ମଧ୍ୟ ଏହିସଭାରେ ଯୋଗଦେଲେ।ସଭାରେ ଆଲୋଚନା ସମୟରେ ଆଦିବାସୀ ମାନେ କ୍ଷୋଭ ପ୍ରକାଶ କରି ଥିଲେ ଯେ ବିଜେପି ନେତୃତ୍ୱlଧୀନ ଓଡ଼ିଶା ସରକାର ଆଦିବାସୀ ଓ ଅନୁସୂଚିତ ଜାତି ବିରୋଧୀ ନୀତିଗୁଡିକ ଅନୁସରଣ କରୁଛି, ଯାହା ଶିକ୍ଷା, ଜୀବିକା ଓ ଅଧିକାରକୁ ଗଭୀର ଭାବେ ପ୍ରଭାବିତ କରିଛି।ସଭାରେ

ନେତାମାନେ ବିଜେପି ସରକାରଙ୍କ ଆଦିବାସୀ ବିରୋଧୀ ନିଷ୍ପତ୍ତିଗୁଡିକ ପ୍ରତି ତୀବ୍ର ଆପତ୍ତି ଜଣାଇଲେ ଯେ “ଅନ୍ୱେଷା” ସହର ଶିକ୍ଷା ପ୍ରକଳ୍ପକୁ ଜାନୁଆରୀ ୨୦୨୫ଠାରୁ ବନ୍ଦ କରା ଯାଇଛି, ଯାହା ଫଳରେ ଶତାଧିକ ଆଦିବାସୀ ଓ ଏସସି ଛାତ୍ରଛାତ୍ରୀ ଗୁଣାତ୍ମକ ଶିକ୍ଷାରୁ ବଞ୍ଚିତ ହେଉଛନ୍ତି। ଆଦିବାସୀ ଏବଂ ଅନ୍ୟାନ୍ୟ ପାରମ୍ପରିକ ବନବାସୀଙ୍କ ଜଙ୍ଗଲ ଅଧିକାର ସ୍ୱୀକୃତି ଆଇନର କାର୍ଯ୍ୟାନୁଷ୍ଠାନ ବନ୍ଦ କରାଯାଇଛି, ଯାହା ଆଦିବାସୀ ଓ ପାରମ୍ପରିକ ବନବାସୀ  ମାନଙ୍କ ଅଧିକାର କୁ ଉଲଂଘନ କରୁଛି। ବିଜେପି ସରକାର ଜିଏନଏମ ଓ ବିଏସସି ନର୍ସିଂ ପାଠ୍ୟକ୍ରମ ପଢ଼ୁଥିବା ଏସସି ଏସଟି ଛାତ୍ରଛାତ୍ରୀଙ୍କ ଆର୍ଥିକ ସହାୟତା ବନ୍ଦ କରାଯାଇଛି। ୟୁନିଫର୍ମ ସିଭିଲ କୋଡ୍  ଓ କ୍ରିମି ଲେୟର ନୀତି ଆଦିବାସୀ ବିରୋଧୀ ଓ ସଂବିଧାନିକ ସୁରକ୍ଷାକୁ କୁଠାରଘାତ କରୁଛି ବୋଲି ଆଦିବାସୀ ମାନେ ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ ।ଖଣି ଲିଜ୍ ଦେବା ସମୟରେ ପଲ୍ଲୀସଭା,ଗ୍ରାମ ସଭାର ବିନା ଅନୁମୋଦନ ରେ ତଥା ଗ୍ରାମପଞ୍ଚାୟତର ବିନା ଅନୁମତି ରେ ଖଣି ଲିଜ ଦିଆ ଯାଉଛି, ଯାହାର ଫଳରେ ଆଦିବାସୀ ପରିବାରମାନେ ବିସ୍ଥାପିତ ହେଉଛନ୍ତି l ଆଦିବାସୀ ନେତାମାନେ ମତ ଦେଲେ ଯେ ଏହି ସବୁ ନୀତି ବିଜେପି ସରକାରଙ୍କ ଆଦିବାସୀ ଓ ଅନୁସୂଚିତ ଜାତିବିରୋଧୀ ମନୋଭାବର ପ୍ରତିଫଳନ।ଅନ୍ୟପଟେ, ବିଜୁ ଜନତା ଦଳ ସରକାର ମୁଖ୍ୟମନ୍ତ୍ରୀ 

ନବୀନ ପଟ୍ଟନାୟକ ଆଦିବାସୀ  ଲୋକମାନଙ୍କ ଉନ୍ନତି ପାଇଁ ସ୍ପେସିଆଲ ଡିଭେଲପମେଣ୍ଟ  ପରିଷଦ,ମିଶନ ଶକ୍ତି, ଟ୍ରାଇବlଲ ସବ ପ୍ଲାନ, ଆଦିବାସୀ ଉନ୍ନତି ପ୍ରକଳ୍ପ, କାଳିଆ ଯୋଜନା ଓ ଆଦିବାସୀ ଯୁବ ଓ ମହିଳା ସଶକ୍ତିକରଣ ପଦକ୍ଷେପ ଗ୍ରହଣ କରିଥିଲେ l ସଭାରେ  ଆଦିବାସୀ ନେତା ଭାନୁପ୍ରତାପ ସିଂ ମାଝି, ତେଜରାଜ ଶବର, ଧନିରାମ ଶବର, ଜନକ ଭୁଞ୍ଜିଆ, ଲଚ୍ଛମନ ବିଶ୍ୱାଳ,ଭାଗୁରାମ ଦୁରିଆ, ଶୁକ୍ରମ ଅଘରିଆ, ଲୋକେଶ ରାଉତ, ଛକନ ମାଝୀ, ମାଣିକ ସାଇ ମାଝୀ, ଜଗତ ରାମ ଛତ୍ରିଆ, ହରିପ୍ରସାଦ ମାଝୀ ଭାଗିଲାଲ ଶବର, ଚାମ୍ପେଶ୍ୱର ଶବର, ପ୍ରମୋଦ ଶବର, ବ୍ରହ୍ମା ବିଶ୍ୱାଳ, ଗୌତମ ବିଶ୍ୱାଳ, ପୁରୁଷୋତ୍ତମ ଶବର, ସୁଶୀଲ ବିଶ୍ୱାଳ, ମୟରlମ ମାଝୀ,ବିଲୁ ବିଶ୍ୱାଳ, ରୁପସୀଙ୍ଗ ଅଘରିଆ,ଘାସିରାମ ଭୁଞ୍ଜିଆ, ପିଲାରାମ ଭୁଞ୍ଜିଆ,ଭଲ ରାଉତ,ଅଭିରାମ ଭୁଞ୍ଜିଆ, ପ୍ରମୁଖ ସହିତ ଶତାଧିକ ଶବର, ଗଣ୍ଡ, କନ୍ଧ, ବିଂଝାଲ, ମିର୍ଦ୍ଧା, ଦଳ, କୁଡ଼ା, ଭୁୟା, ବଞ୍ଜରା ସମାଜର ର ସଦସ୍ୟ ଉପସ୍ଥିତ ଥିଲେ l