15-Oct-2025

ବଲାଙ୍ଗୀର, ତା, ୦୨/୧୦ (ପ୍ରେରଣା ଖବର): ବଲାଙ୍ଗୀର ଜିଲ୍ଲା ସଇଁତଳା ବ୍ଲକ ଅନ୍ତର୍ଗତ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ଡେଙ୍ଗରେ ପ୍ରଧାନଶିକ୍ଷକ  ତଥା ରେଡ଼କ୍ରସ୍ ସାଧନକର୍ମୀ  ରାମ ନାରାୟଣ ଦାଶଙ୍କ ତତ୍ତ୍ଵାବଧାନରେ ବିଶ୍ଵ ହାତଧୁଆ ଦିବସ ପାଳିତ ହୋଇଯାଇଛି। ଏହି ଅବସରରେ ବିଦ୍ୟାଳୟରେ ଆୟୋଜିତ ସଚେତନତା ସଭାରେ ପ୍ରଥମେ ମୁଖ୍ୟ ଅତିଥି ତଥା ରେଡ଼କ୍ରସ୍ ସାଧନକର୍ମୀ ପ୍ରଭାକର ଛନ୍ଦ ହାତଧୁଆର ଗୁରୁତ୍ୱ ସହ ଛଅଟି ସୋପାନ ଡେମନଷ୍ଟେସନ୍ ମାଧ୍ୟମରେ ବୁଝାଇଥିଲେ। ସମ୍ମାନୀତ ଅତିଥି ଭାବେ ଆଶାକର୍ମୀ ସୂର୍ଯ୍ୟକାନ୍ତି ରଣା ଓ ରାଜକୁମାରୀ ରଣା ଉପସ୍ଥିତ ରହି ମୁଖ୍ୟ ଅତିଥିଙ୍କ ସହ ପିଲାମାନଙ୍କୁ ସୋପାନଗୁଡ଼ିକ ପ୍ରଦର୍ଶିତ କରାଇଥିଲେ। ପରେ ସମସ୍ତ ଛାତ୍ରଛାତ୍ରୀମାନେ ଏହାକୁ ସାମୂହିକ ଭାବେ ପ୍ରଦର୍ଶନ କରିଥିଲେ। ବିଜ୍ଞାନ ଶିକ୍ଷକ କୃପାସିନ୍ଧୁ ମିଶ୍ର  ପରିଚାଳନା କରିଥିଲା ବେଳ ଓ ବିଜ୍ଞାନ ଶିକ୍ଷକ ଲିଙ୍ଗରାଜ ନନ୍ଦ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମରେ ଶିକ୍ଷୟିତ୍ରୀ ଗାୟତ୍ରୀ ବାରିକ, ତପସ୍ଵିନୀ ପଟେଲ, ଶିବାନୀ ମଲ୍ଲିକ, ଶ୍ରଦ୍ଧାଞ୍ଜଳି ନନ୍ଦ, ଦ୍ରୌପଦୀ ଭୋଇ, କାନ୍ତି ଭୋଇ, ଶିକ୍ଷକ ସୁଦର୍ଶନ ଦାଶ, ଦୀପକ ସେନ ଧରୁଆ,ସମୀର ସେଠି, ଅବିନାଶ ଭୋଇ, ବୃନ୍ଦାବନ ଭୂଏ, ହିମାଂଶୁ ବିଶ୍ଵାଳ, ଦେବେଶ ହୋତା, ମନରଞ୍ଜନ ପରିଡ଼ା ପ୍ରମୁଖ ସକ୍ରିୟ ସହଯୋଗ କରିଥିଲେ।