10-Oct-2020

କଳାହାଣ୍ଡି ,୧୦/୧୦(ତ୍ରିନାଥ ବେସ୍ର।)- କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ ଅନ୍ତର୍ଗତ ପର୍ଲା ଗ୍ରାମପଞ୍ଚାୟତ ଲଛିପୁର ଗ୍ରାମର -ବେଳକଣ୍ଠ ଗୋପାଳ ବୟସ -୪୦, ସେ ଏକ ଅଜଣା ରୋଗରେ ଆକ୍ରାନ୍ତ ହୋଇ ପ୍ରାୟ ୧ବର୍ଷ ହେବ ଶଯ୍ୟାଶାୟୀ ହୋଇ ପଡିରହିଛନ୍ତି । ପରିବାର କହିଲେ ସ୍ତ୍ରୀ  ଦିବାଲି ଗୋପାଳ, ଦୁଇ ଝିଅ ବିଷୟା ଗୋପାଳ ବୟସ ୧୪ , ନନ୍ଦିନୀ ଗୋପାଳ ବୟସ୧୨ ଓ ପୁଅ ଦିନେସ ଗୋପାଳ ବୟସ୧୦ ସମସ୍ତଙ୍କ ଭରଣ ପୋଷଣ କେବଳ ବେଲକଣ୍ଠହିଁ କରୁଥିଲେ ।
ସ୍ତ୍ରୀ ଦିବାଲି ଘରଦ୍ୱାର, ସୁନା ଗହଣା ବନ୍ଦକ ପକାଇ  ସ୍ୱାମୀର ଚିକିତ୍ସା ପାଇଁ ଉପଖଣ୍ଡ ଧର୍ମଗଡ଼, ଜିଲ୍ଲା ଡାକ୍ତରଖାନା, ବୁର୍ଲା, ନେଇ ଚିକିତ୍ସା କରିଥିଲେ ହେଁ କୌଣସି ସୁଫଳ ମିଳିନଥିବା କହିଛନ୍ତି ।
ବର୍ତ୍ତମାନ ଅର୍ଥ ଅଭାବ ଯୋଗୁଁ ସ୍ୱାମୀ ର ଚିକିତ୍ସା କରି ପାରୁନଥିବା କହିଛନ୍ତି । କିନ୍ତୁ ପରିତାପର ବିଷୟ ଅର୍ଥ ଅଭାବ ଯୋଗୁଁ ପୁଅ ଝିଅ ମଧ୍ୟ ପାଠ ପଢି ପାରୁନାହାନ୍ତି ।
ବଡ଼ ଝିଅ ଦଶମ ଉତ୍ତୀର୍ଣ୍ଣ ହୋଇ କଲେଜ ପଢ଼ିବାର ଇଛା ଥିଲେ ମଧ୍ୟ ଅର୍ଥ ଅଭାବ ଯୋଗୁଁ ଓ ବାପାର ଚିକିତ୍ସା ଅଭାବ ଯୋଗୁଁ ପାଠ ପଢି ପାରୁନାହାନ୍ତି ।
ଘରର ମୁରବି ରୋଗରେ ପୀଡ଼ିତ ଯୋଗୁ ପରିବାର ଚଲିବା କଷ୍ଟ ସାଧ୍ୟ ହୋଇପଡୁଥିବାରୁ ପିଡିତା ର ସ୍ତ୍ରୀ ଓ ଦୁଇଝିଅ ପରଘରେ କୁଲି,ମଜୁରୀ, କାମକରି ଯାହା ପାଆନ୍ତି ସେଥିରେ କଷ୍ଟେ ମଷ୍ଟେ ପରିବାର ଚଳି ଯାଆନ୍ତି l ଯେଉଁଦିନ କାମ ନ ମିଳେ ସେଦିନ ଭୋକ ଉପାସରେ ମଧ୍ୟ ରହିଥିବାର ପ୍ରକାଶ କରିଛନ୍ତି ।
ଭଳ ଡାକ୍ତରଖାନା ନେଇ ଚିକିତ୍ସା ନିମନ୍ତେ  ସେମାନଙ୍କ ପାଖରେ ଅର୍ଥ ଅଭାଵ ଦେଖାଦେଇଛି ,ଏପରିକି ସରକାର ଜନ୍ମରୁ ମୃତ୍ୟୁ ପର୍ଯ୍ୟନ୍ତ ଅନେକ ଯୋଜନା କରି କୋଟି କୋଟି ଟଙ୍କା ବ୍ୟୟ ବରାଦ କରାଯାଉଛି ହେଲେ ଉପଯୁକ୍ତ ଲୋକଙ୍କ ପାଖରେ ପହଞ୍ଚି ପାରୁ ନାହିଁ । ବର୍ତମାନ ପରିବାର ଲୋକେ ଆର୍ଥିକ ସଙ୍କଟ ଦେଇ ଗତି କରୁଥିବା ବେଳେ ସ୍ୱାମୀ ଚିକିତ୍ସା କିପରି କରାଇବେ ସେ ନେଇ ଚିନ୍ତାରେ ପଡିଛନ୍ତି । ଏନେଇ ଆମେ ପର୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ଆଶୁତୋଷ ପଟନାଏକଙ୍କୁ ସାକ୍ଷାତ କରି ପିଡିତାଙ୍କ ବିଷୟରେ ବୁଝିଥିଲୁଓ ଅଧିକାରୀ କହିଥିଲେ ସରକାରଙ୍କ ଯୋଜନା ଅନୁସାରେ ଚିକିତ୍ସା ପାଇଁ ଯଥା ସମ୍ଭବ ସାହାଯ୍ୟ କରିବା ପାଇଁ ପ୍ରତିଶୃତି ଦେଇଛନ୍ତି ।

ଜିଲ୍ଲା ପ୍ରଶାସନ , ଅନୁଷ୍ଠାନ,ବ୍ୟକ୍ତିବିଶେଷ ବେଳକଣ୍ଠର ଚିକିତ୍ସା ସହାୟତା ଦିଗରେ ହାତ ବଢାଇବାକୁ  ସ୍ତ୍ରୀ  ଦିବଳି ସମସ୍ତଙ୍କୁନିବେଦନ କରିଛନ୍ତି l