05-Oct-2025

(ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲାର ଶତାବ୍ଦୀ ବର୍ଷ କାର୍ଯ୍ୟକ୍ରମର ଉଦଘାଟନ ହୋଇଛି। ୨୦୨୫ ମସିହା ବିଜୟା ଦଶମୀ ଦିନ ସଂଘକୁ ଏକ ଶହ ବର୍ଷ ପୂର୍ତ୍ତି ଅବସରରେ ସୁବର୍ଣ୍ଣପୁର ଜିଲ୍ଲାରେ ଶତାବ୍ଦୀ ବର୍ଷ ପାଳନ ହୋଇଛି ଏହି ଅବସରରେ ଜିଲ୍ଲାର ବିଭିନ୍ନ ସ୍ଥାନରୁ ଶତାଧିକ ସ୍ଵୟଂ ସେବକ ସୋନପୁର ଅଧିଷ୍ଠାତ୍ରୀ ଦେବୀ ମା ସୁରେଶ୍ଵରୀଙ୍କ ମନ୍ଦିରରୁ ଏକ ବିରାଟ ସଞ୍ଚଳନ ବାହାରି ସୋନପୁର ଦୁର୍ଗା ମଣ୍ଡପ ଛକ, ବିଜୁ ପଟ୍ଟନାୟକ ଛକ, ମଝିପଡ଼ା, କଚେରି ଛକ, ଆମ୍ବେଦକର ଛକ, ବ୍ଲକ ଛକ ଦେଇ ରୟାଲ ପଡ଼ିଆରେ ସରିଥିଲା। ଏହି ସଞ୍ଚାଳନ ସମୟରେ ସହରର ବିଭିନ୍ନ ଛକ ସ୍ଥାନ ମାନଙ୍କରେ ଭବ୍ୟ ସ୍ବାଗତ ମାନ ହୋଇଥିଲା। ରୟାଲ ପଡ଼ିଆରେ ବିଭିନ୍ନ ପ୍ରକାର ଶାରୀରିକ ପ୍ରଦର୍ଶନ ନିୟୁଦ୍ଧ୍, ସୂର୍ଯ୍ୟ ନମସ୍କାର, ଦଣ୍ଡ ଯୋଗ, ପ୍ରହାର ମାନ ପ୍ରଦର୍ଶନ କରିଥିଲେ। ମଞ୍ଚାରେ ସୁବର୍ଣ୍ଣପୁର ଜିଲ୍ଲା ସଂଘ ପରିବାରର ମାନନୀୟ ଜିଲ୍ଲା ସଂଘ ଚାଳକ ଦିଲ୍ଲୀପ କୁମାର ତ୍ରିପାଠୀ, ଜିଲ୍ଲା କର୍ଯ୍ୟବାହ ଧର୍ମେନ୍ଦ୍ର ବଡମାଳି, ମୁଖ୍ୟ ଅତିଥି ଅବସର ପ୍ରାପ୍ତ ସେନା ଅଧିକାରୀ  ପଦ୍ମଲୋଚନ ମହାଲିଙ୍ଗ ଓ ମୁଖ୍ୟ ବକ୍ତା ଭାବରେ ଡାକ୍ତର ବିଭୁଦତ୍ତ ପ୍ରମୋଦ କୁମାର ମିଶ୍ର ମଞ୍ଚାସିନ ଥିଲେ। ଏହି କାର୍ଯ୍ୟକ୍ରମରେ ମୁଖ୍ୟ  ଅତିଥି ତାଙ୍କ ବକ୍ତବ୍ୟରେ ସ୍ୱୟଂସେବକ ମାନଙ୍କୁ ଦେଶର ସେନା ବାହିନୀ ସହିତ ତୁଳନା କରିଥିଲେ ଓ ସ୍ୱୟଂସେବକ ମାନଙ୍କୁ ଉତ୍ସାହୀତ କରିଥିଲେ। ମୁଖ୍ୟ ବକ୍ତା ସଂଘ ଇତିହାସରେ ବିଭିନ୍ନ ସଂଘର୍ଷ ମାଧ୍ୟମରେ ଭାରତକୁ ପରମ ବୈଭବଶାଳୀ ଗଢିବାରେ ଦେଶର ବିଭିନ୍ନ ସ୍ଥାନରେ ଶାଖା ଦ୍ୱାରା ଉତ୍କୃଷ୍ଠ ମନୁଷ୍ୟ ନିର୍ମାଣ ତାସହ  ସଙ୍ଘ ନିର୍ମାଣ ପୃଷ୍ଠଭୂମି ଉପରେ ଅନେକ ତଥ୍ୟତ୍ମକ ବିଷୟ ରଖିଥିଲେ। ସଂଘର ନିର୍ମାତା ପରମ ପୂଜନୀୟ ଡାକ୍ତର କେଶବ ବଳିରାମ ହେଡଗୱାରଙ୍କ ସଂଘର୍ଷ ମୟ ଜୀବନୀ ଉପରେ ତଥ୍ୟ ରଖିଥିଲେ। ଏହି କାର୍ଯ୍ୟକ୍ରମରେ ସହଜିଲ୍ଲା ଜିଲ୍ଲା ସଂଘ ଚାଳକ ଜୟଦ୍ରଥ ଜଗଦଲ୍ଳା,  ତରଭା ଖଣ୍ଡ ସଂଘ ଚାଲକ ମାଂଗେଲାଲ ଅଗ୍ରୱାଲ, ନଗର ସଂଘ ଚାଳକ ଶିବ ପ୍ରସାଦ ପାତ୍ର, ସହ ଜିଲ୍ଲା କାର୍ଯ୍ୟବହ ହୃଷୀକେଶ ଭୋଇ, ସହ ପ୍ରାନ୍ତ ପ୍ରଚାର ପ୍ରମୁଖ ପ୍ରଣବ ନାୟକ, ସେବା ପ୍ରମୁଖ କୃପା ସିନ୍ଧୁ ମହାକୁର, ଜିଲ୍ଲା ପ୍ରଚାର ପ୍ରମୁଖ ରଶ୍ମି ରଞ୍ଜନ ଦାସ, ପୂର୍ଣ୍ଣ ଚନ୍ଦ୍ର  ଖମାରୀ,, ଯୁଧିଷ୍ଠିର ଖମାରୀ, ଜଳଦେବ ବରିହା, ରାଜେନ୍ଦ୍ର ନାୟକ,  ବିପିନ ବିହାରୀ ବାଗ, ବିଭୂତି ଭୂଷଣ କୁଦେଇ,   ଦୀପକ ମହାପାତ୍ର, କେଦାର ଦାସ, ସଞ୍ଜୟ ମହାପାତ୍ର, ସୁବାଷ ମିଶ୍ର, ସୁଶାନ୍ତ ପଧାନ,   ରାଜେଶ୍ ସିଂ, ଚନ୍ଦନ ପ୍ରହରାଜ, ବ୍ରଜ ମୋହନ ସାହୁ, ଆନନ୍ଦ ସାହୁ ସମସ୍ତେ ମିଶି ଅଗ୍ରଣୀ ଭୂମିକା ଗ୍ରହଣ କରିଥିଲେ, ଶେଷରେ ଜିଲ୍ଲା କାର୍ଯ୍ୟବାହ ଧର୍ମେନ୍ଦ୍ର ବଡମାଳୀ ଧନ୍ୟବାଦ୍ ଅର୍ପଣ କରିଥିଲେ।