05-Oct-2025

ବଲାଂଗୀର(ପ୍ରେରଣା ଖବର): ଅଖିଳ ଭାରତୀୟ ପ୍ରାଥମିକ ଶିକ୍ଷକ ସଂଘ ,ବଲାଂଗୀର ଜିଲ୍ଲା ତରଫରୁ ସହ ସମ୍ପାଦିକା ଅନୁପମା ପ୍ରହରାଜଙ୍କ ଆବାହନ କ୍ରମେ ଶାନ୍ତିକତା ସାହୁଙ୍କ ଅଧ୍ୟକ୍ଷତାରେ,ଉପଦେଷ୍ଟା ଆଚାର୍ଯ୍ୟ ସୁଚିତ୍ର ସୁନା ,ମଧୁସୁଦନ ନାୟକ ଓ ଅଜିତ ମିଶ୍ର ଙ୍କର ଆତିଥ୍ୟରେ  ମହିଳା ପ୍ରକୋଷ୍ଠ ସଭାନେତ୍ରୀ ଲକ୍ଷ୍ମୀପ୍ରିୟା ପଟେଲ,ସାଙ୍ଗଠନିକ ସମ୍ପାଦକ ଜୟଦେବ ବିଶି,ରାଜ୍ୟ

ଉପସଭାପତି ପ୍ରଶାନ୍ତ ପୁରୋହିତ,ବିପିନ ବୁଡେକ,ଭୀମସେନ ଦଣ୍ଡସେନା,ବସନ୍ତ ବୁଡେକ,ସଞ୍ଜିତ ଦୋରା, ଦୁର୍ଯ୍ଯୋଧନ ପସାୟତ, ରଘୁନାଥ ଷଡଙ୍ଗୀ,ମନମୋହନ ଲିମ୍ମା ପ୍ରଭୃତି ଜିଲ୍ଲା ସଂଘରେ ସଦସ୍ୟ ଉପସ୍ଥିତ ଥିଲେ ।ସଭାରେ ଶିକ୍ଷକର ସୁଶାସନ, କର୍ତ୍ତବ୍ୟପରାୟଣତା ବ୍ୟତୀତ ସମାଜ ସଂସ୍କାରରେ ତାର ଭୂମିକା ଉପରେ  ଆଚାର୍ଯ୍ୟ ସୁନା ଆଲୋକପାତ କରି ଜାପାନ ଦେଶର ଶିକ୍ଷା ପ୍ରଣାଳୀ ଉପରେ ବକ୍ତବ୍ୟ ଦେଇଥିଲେ  ।ଆଗଲପୁର ବ୍ଲକ ଶିକ୍ଷକ ସଂଘର ସଭାପତି ପସାୟତ ସାର ଓଡ଼ିଶାର ଶିକ୍ଷା ବିଭାଗ ଓ ଶିକ୍ଷକର ଭୂମିକା ସମ୍ପର୍କରେ ବହୁ ମୂଲ୍ୟବାନ ତଥ୍ୟ ଉଲ୍ଲେଖ କରିଥିଲେ । ଶିକ୍ଷକ ନେତା ମଧୁ ସୁଦନ ନାୟକ ଇଂଲଣ୍ଡର ଶିକ୍ଷାନୀତି ଓ ଚର୍ଚିଲ ଉପରେ ସୁମଧୁର ବକ୍ତବ୍ୟ ପ୍ରଦାନ କରିଥିଲେ। ସମ୍ପାଦକ ହରେକୃଷ୍ଣ ରଥ ସମସ୍ତ ଉପସ୍ଥିତ ସଦସ୍ୟଙ୍କୁ ସଂଘର ଏକତା ,ଆଭିମୁଖ୍ୟ ଓ ଶିକ୍ଷକ ର ସ୍ୱାଭିମାନ

ଉପରେ ଅଭିଭାଷଣ ଦେଇଥିଲେ ।ଅଜିତ ମିଶ୍ର ନିଜ ଶିକ୍ଷକ ଓ ପ୍ରଶାସନିକ ଜୀବନ ର ବିଶେଷ ତଥ୍ୟ ଉପସ୍ଥାପନ କରି ,ଜିଲ୍ଲା ସଂଘ କୁ ଭୁୟସୀ ପ୍ରଶଂସା କରିଥିଲେ। ଶିକ୍ଷକ ନିଜ ଓ ସମାଜର ମର୍ଯ୍ୟାଦା ଦୃଷ୍ଟିରୁ ସ୍ୱତନ୍ତ୍ର ଜୀବନ ଶୈଳୀ ଅନୁ ଗ୍ରହଣ କରିବା ସହ ତାର ଅନ୍ତର୍ନିହିତ ଗୁଣ।ବଳୀ  ର ବିକାଶ ପାଇଁ ସଂଘ ଭିତ୍ତି ଭୂମି ପ୍ରତିଷ୍ଠା କରିବା ଉପରେ ସଭାନେତ୍ରୀ ଶ୍ରୀମତୀ ଶାନ୍ତିଲତା ସାହୁ ଗୁରୁତ୍ୱ ଦେଇଥିଲେ। ଶେଷରେ ଶିକ୍ଷା ବିଭାଗ ଓ ଶିକ୍ଷକସମାଜ ର  ପ୍ରଗତି ସହ ମାନବୀୟ ମୂଲ୍ୟବୋଧର ସୁରକ୍ଷା ତଥା ଦେଶପ୍ରେମ ଜୀବନର ଏକ ବ୍ରତ ହେବା ଉଦ୍ଦେଶ୍ୟ ରେ ରେ ସାମୁହିକ ଶପଥ ପାଠ କରାଯାଇଥିଲା।ବଲାଂଗୀର ଜିଲ୍ଲା ଶିକ୍ଷା ଅଧିକାରୀ ତଥା ଗୋଷ୍ଠୀ ଶିକ୍ଷା ଅଧିକାରୀ ମାନଙ୍କର ସୁ ପ୍ରଶାସନକୁ ଧନ୍ୟବାଦ ଦେଇ ସଭାନେତ୍ରୀ ସଭା ସାଙ୍ଗ କରି ଥିଲେ ।