04-Oct-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ କୁହିବାହାଲ ପଞ୍ଚାୟତ ପଧାନପାଲି ଖେଳ ପଡିଆ ଠାରେ ପ୍ରଜାମଙ୍ଗଲ କ୍ଲବ ଆନୁକୁଲ୍ୟରେ ଚାଲିଥିବା ସର୍ବଭାରତୀୟ ନକ ଆଉଟ ଫୁଟବଲ ଟୁର୍ଣ୍ଣାମେଣ୍ଟର ଆଜି ଦ୍ୱିତୀୟ ଦିବସରେ ବଲାଙ୍ଗିର ସ୍ପୋର୍ଟସ ହଷ୍ଟେଲକୁ ୧-o ଗୋଲରେ ପରାସ୍ତ କରି ସୁନ୍ଦରଗଡ଼ ଦଳ ସେମି ଫାଇନାଲ କୁ ପ୍ରବେଶ କରିଛି।ପ୍ରଥମ ମ୍ୟାଚରେ ବଲାଙ୍ଗିର ଦଳ ଟ୍ରାଇ ବ୍ରେକର ଜରିଆରେ ବ୍ରଜରାଜନଗର କୁ ୭-୬ ଗୋଲରେ ପରାସ୍ତ କରିଥିଲା ।ଦ୍ଵିତୀୟ ମ୍ୟାଚରେ ସୁନ୍ଦରଗଡ଼ ଦଳ ସମ୍ବଲପୁର କୁ ୬-୫ ଗୋଲରେ ପରାସ୍ତ କରିଥିଲା।ତୃତୀୟ ମ୍ୟାଚ ସୁନ୍ଦରଗଡ଼ ବନାମ ବଲାଙ୍ଗିର ମଧ୍ୟରେ ସଂଘର୍ଷପୂର୍ଣ୍ଣ ହୋଇଥିଲା ହେଲେ ନିର୍ଦ୍ଧାରିତ ସମୟ ମଧ୍ୟରେ ସୁନ୍ଦରଗଡ଼ ୧-୦ ଗୋଲରେ ବିଜୟ ହୋଇ ସେମି ଫାଇନାଲ କୁ ଉତ୍ତୀର୍ଣ୍ଣ ହୋଇଛି ।କୁହିବାହାଲ ସରପଞ୍ଚ ସୁଦାମ ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ବିନିକା ବ୍ଲକ ପୂର୍ବତନ ଅଧ୍ୟକ୍ଷ ତଥା ସୁବର୍ଣ୍ଣପୁର ଜିଲ୍ଲା ବିଜୁ ଯୁବ ଜନତା ଦଳ ସଭାପତି ଅଶୋକ ନନ୍ଦ ମୁଖ୍ୟ ଅତିଥି, ଜୁଳୁଣ୍ଡା ସରପଞ୍ଚ ରଜତ ପ୍ରଧାନ,ସିଂହିଜୁବା ସରପଞ୍ଚ ପ୍ରତିନିଧି ସଞ୍ଜୀବ ତ୍ରିପାଠୀ, ସେଲେଡି ସରପଞ୍ଚ ପ୍ରତିନିଧି ଗୌର ସୁନା ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଖେଳାଳୀ ମାନଙ୍କୁ ଟ୍ରଫି ପ୍ରଦାନ କରିଥିଲେ।ଅନୁଷ୍ଟିତ ଏହି କାର୍ଯ୍ୟକ୍ରମରେ ସୁଧାଂଶୁ,ବେଲାର,ନୃପା,ନବୀନ, ଚୈତନ୍ୟ,ଫଗୁଣୁ,କେତନ,ପବିତ୍ର, ଜଳଧର,ଡାଇଭର ପ୍ରମୁଖଙ୍କ ସମେତ କ୍ଳବର ସମସ୍ତ ସଦସ୍ୟ ଉପସ୍ଥିତ ଥିଲେ।