29-Sep-2025

ସିନାପାଲି,( ଚିନ୍ତାମଣି ନେତାମ ) : ମାଁ ଆସିଛନ୍ତି ଧରାପୃଷ୍ଠକୁ ଏଥି ପାଇଁ ଗଗନ ପବନ ସବୁଠି ମାତୃମୟ ହୋଇଉଠିଛି । ଘଣ୍ଟ ଘଣ୍ଟା ବେଦମନ୍ତ୍ରରେ ଗାଁ ସହର ସବୁଆଡେ ଭକ୍ତିମୟ ପରିବେଶ ସୃଷ୍ଟି ହେଉଛି।ଏହି ପରିପ୍ରେକ୍ଷୀରେ ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ  ଟିମନପୁର ସାର୍ବଜନୀନ ଦୁର୍ଗା ପୂଜା ଚଳିତ ବର୍ଷ  ୧୪ବର୍ଷକୁ ପଦାର୍ପଣ କରିଛି । ସୁନ୍ଦର ସାଜସଜ୍ଜାକୁ ମାଁଙ୍କ ଚିତ୍ତାକର୍ଷକ ମୃଣ୍ମୟୀ ପ୍ରତିମୂର୍ତ୍ତି ସମସ୍ତଙ୍କୁ ଆକୃଷ୍ଟ କରିପାରିଛି। ପ୍ରାତଃ ଓ ସଂଧ୍ୟା ଆଳତୀ ସମୟରେ ଅସଂଖ୍ୟ ଭକ୍ତଙ୍କ ଜନସମାଗମ ହେବା ସାଙ୍ଗେ ଘଣ୍ଟ ଘଣ୍ଟା ,ବେଦ ଧ୍ୱନୀରେ ପୁଜାପିଠ ମାତୃମୟ ହୋଇଉଠୁଛି । ପୂଜା କମିଟିର ସୂଚନା ଅନୁସାରେ ଏହି ପୂଜା ୫ ଦିନ ଧରି ମାଁଙ୍କ  ଅବତାରର ପୂଜା  ହେବା ସହ ଅନେକ ସାଂସ୍କୃତିକ କାର୍ଯ୍ୟକ୍ରମ ଚାଳି ରହିଅଛି ।  ପୂଜା କର୍ତ୍ତା ଭାବରେ ରାଏଧର ଖରସେଲ ଓ ତାଙ୍କ ଧର୍ମପତ୍ନୀ ଖେମେ ଖରସେଲ ଥିବାବେଲେ ମୁଖ୍ୟ ପୂଜକ ଭାବରେ ଶ୍ରୀବତ୍ସ ସୁପକାର ନିର୍ବାହ କରୁଥିବା ବେଳେ ସଭାପତି ଯକ୍ତାନନ୍ଦ ନିଆଲ, ସଂପାଦକ ନାମ ତାଣ୍ଡି ଓ କୋଷାଧକ୍ଷ  ରୁପେଶ ଦଣ୍ଡସେନା ଦାୟିତ୍ଵରେ ଅଛନ୍ତି ।