29-Sep-2025

ବରପାଲି  (ସୁଦାମ ଦୀପ)
ବରଗଡ ଜ଼ିଲ୍ଲା ବରପାଲି ବ୍ଲକ ଅନ୍ତର୍ଗତ ଆଗଲପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଠାରେ ଭାରତୀୟ ଜନତା ପାର୍ଟି ଆଗଲପୁର ମଣ୍ଡଳ ତରଫରୁ ମଣ୍ଡଳ ସ୍ତରୀୟ ସେବା ପକ୍ଷ ପାଳନ ଅଵସରରେ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମରେ ସାଂସଦ ଙ୍କ ଦ୍ୱାରା ବୃକ୍ଷ ରୋପଣ କାର୍ଯ୍ୟକ୍ରମ ହୋଇଥିଲା l ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ବରଗଡ ଲୋକସଭା ସାଂସଦ ପ୍ରଦୀପ ପୁରୋହିତ ଯୋଗଦାନ କରିଥିବାବେଳେ, ବିଜେପି ଜ଼ିଲ୍ଲା ସଭାପତି ଡ଼କ୍ଟର ଅରୂପାନନ୍ଦ ସାହୁ, ଆଗଲପୁର ମଣ୍ଡଳ ସଭାପତି ପ୍ରଦୀପ ପଧାନ, ମଣ୍ଡଳ ପ୍ରତିନିଧି ଗୋବିନ୍ଦ ଜୁଆଡ଼ି, ସତଲମା ମଣ୍ଡଳ ସଭାପତି ପ୍ରଶାନ୍ତ ସାହୁ ଯୋଗଦାନ କରିଥିଲେ l ଏହି ଅବସରରେ ସମୁଦାୟ  36 ୟୁନିଟ ରକ୍ତ ସଂଗୃହିତ ହୋଇ ବରଗଡ ଜିଲ୍ଲା ରକ୍ତ ଭଣ୍ଡାର କୁ ଦିଆଯାଇଥିଲା l ବିଶେଷ କରି ଜନଶକ୍ତି ଭିନ୍ନକ୍ଷମ ସଂଗଠନ ତରଫରୁ ବାଲି ପାଣ୍ଡେ ସଭାପତି ଓ ଅନ୍ୟାନ୍ୟ ଦିବ୍ୟାଙ୍ଗ ମାନେ ରକ୍ତଦାନ କରିଥିଲେ l ପରିଶେଷରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା l ଏହି ସାଧାରଣ ସଭାରେ ରକ୍ତଦାନ କରିଥିବା ସମସ୍ତଙ୍କୁ ଅତିଥି ମାନଙ୍କ ଦ୍ୱାରା ସାର୍ଟିଫିକେଟ ପ୍ରଦାନ କରାଯାଇଥିଲା l ଅନ୍ୟ ମାନଙ୍କ ମଧ୍ୟରେ ବିଜେପି ତରଫରୁ ନବ କିଶୋର ପାଣିଗ୍ରାହୀ, ଅଚ୍ୟୁତ ବାରିକ, ଦିବ୍ୟ ପଧାନ, ଶତ୍ରୁଘନ ରାଉତ, ମାନସ ବାରିକ, ଆନନ୍ଦ ଅଦାବର, ଗଣପତି ସାହୁ ପ୍ରମୁଖ ସହଯୋଗ କରିଥିଲେ l