23-Sep-2025

(ରାମନାଥ ପଣ୍ଡା)
 ନୂଆପଡା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ ବୋଡ଼େନ ଗୋଷ୍ଠୀ ଶିକ୍ଷା  କାର୍ଯ୍ୟାଳୟ ପରିସରରେ ବ୍ଲକ ସ୍ତରୀୟ  ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି. । ଅନୁଷ୍ଟିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ପଞ୍ଚାୟତ ସମିତି ଅଧ୍ୟକ୍ଷା ପ୍ରେମସିଲା ନାଗ , ସମ୍ମାନିତ ଅତିଥି ଭାବରେ ଡି ଏସ ଏସ ଓ ଅନନ୍ତ ରାମ ହେମ୍ରମ, ବିଡିଓ ସୁଶାନ୍ତ କୁମାର ରଣା, ବି ଇ ଓ ରୁଦ୍ରେଶ୍ୱର ମେହେର , ସିଡିପିଓ  ଅର୍ଚ୍ଚନା ରାଉତ, ଜିଲ୍ଲା ଭିନ୍ନକ୍ଷମ ସମିତି ସଭାପତି ଅଚ୍ୟୁତା ନନ୍ଦ ସୁନାନି, ସମ୍ପାଦକ  ଦିଲ୍ଲୀପ କୁମାର ଷଡ଼ଙ୍ଗୀ , ବୋଡ଼େନ ବି ଏସ ଏସ ଓ କୁମର ମାଝୀ ପ୍ରମୁଖ ମଞ୍ଚାଶିନ ଥିଲେ । ଅନୁଷ୍ଟିତ ଶିବିରଟି ବ୍ଲକ ପ୍ରଶାସନର ସଚେତନତା ଅଭାବରୁ କମ ସଂଖ୍ୟାରେ ଭିନ୍ନକ୍ଷମଙ୍କ  ଉପସ୍ଥିତି ହୋଇଥିବାରୁ ଶିବିରଟି ଖାଲି ଖାଲି ଜଣା ପଡ଼ୁଥିବା ଅଭିଯୋଗ ହୋଇଥିବା ବେଳେ ଅବ୍ୟବସ୍ଥା ଘେରରେ ଶିବିରଟି ଶେଷ ହୋଇଥିବା ଅନୁମେୟ କରାଯାଇଥିଲା । ଶିବିରରେ ୨୧୩ ଜଣ ଭିନ୍ନକ୍ଷମଙ୍କ ନାମ ପଞ୍ଜୀକୃତ ମଧ୍ୟରୁ ଅସ୍ଥିଶଲ୍ୟ ରୁ ୯୦ ଜଣ,ଶ୍ରାବଣ ବାଧିତ ରୁ ୨୭ , ଚକ୍ଷୁ  ବାଧିତ ୦୯ , ମାନସିକ ଅନଗ୍ରସର ୩୮ ,ରକ୍ତ ହୀନତା ୧୧, ଦୀର୍ଘକାଳୀନ ସ୍ନାୟୂଜାତ ରୋଗ ୦୮ , ବସ ପାସ ୨୭ , ଡି ଆର ଆଇ ଲୋନ୍ ୦୧ , ପେନସନ ୦୧ ଓ ବାଣିଶ୍ରୀ ୦୧ ବିଭାଗରେ ପଞ୍ଜୀକୃତ କରାଯାଇଥିଲା । ବିଭାଗୀୟ ଡାକ୍ଟର ମାନେ ଉପସ୍ଥିତ ରହି ପଞ୍ଜୀକୃତ ଭିନ୍ନକ୍ଷମ ମାନଙ୍କୁ ପରୀକ୍ଷା କରିଥିଲେ ।ଅନୁଷ୍ଠିତ କାର୍ଯ୍ୟକ୍ରମକୁ ବ୍ଲକର ସମସ୍ତ  ଅଧିକାରୀ ଓ କର୍ମଚାରୀ ଉପସ୍ଥିତ ରହି ସହଯୋଗ କରିଥିବା ବେଳେ ଜୁନିୟର ଆସିଷ୍ଟାଣ୍ଟ ହିତେଶ କୁମାର ଆଡବାହି ଓ ଚିତ୍ତରଞ୍ଜନ ଦଣ୍ଡସେନାଙ୍କ ସହିତ ବିଜୁ ପଟ୍ଟନାୟକ ଡିଗ୍ରୀ କଲେଜର ଅଧ୍ୟାପକ କିଶୋର କୁମାର କର୍ଣ୍ଣଙ୍କ  ସହ ଜାତୀୟ ସେବା ସଂସ୍ଥାର ସ୍ବେଚ୍ଛାସେବୀ ମାନେ ଅଂଶଗ୍ରହଣ ପୂର୍ବକ ପୂର୍ଣ୍ଣ ସହଯୋଗ କରିଥିଲେ ।