21-Sep-2025

ସୋନପୁର - (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ର ଅଧିଷ୍ଠାତ୍ରୀ ଦେବୀ ମା ସୁରେଶ୍ଵରୀ ଙ୍କ ନବ ଦିନାତ୍ମକ ଚଣ୍ଡୀ ଯଜ୍ଞ ପାଇଁ  ଆଜି  ଅପରାହ୍ନ ରେ କଳସ ଯାତ୍ରା ଅନୁଷ୍ଠିତ ହୋଇଛି l ମା ସୁରେଶ୍ଵରୀ ଙ୍କ ଧବଳ ମୁଖି ବେଶ ଗଙ୍ଗା ଦର୍ଶନ ରେ ମା ଙ୍କ ପୀଠ ଚଳ ଚଞ୍ଚଳ ହୋଇ ଉଠିଛି l ଯଜ୍ଞ କମିଟି ପକ୍ଷରୁ ନିମନ୍ତ୍ରଣ ପରେ ମା ସୁରେଶ୍ଵରୀ ଙ୍କ ମନ୍ଦିର ଯଜ୍ଞ ମଣ୍ଡପ ଠାରେ ବିରାଜ ମାନ ହୋଇଛନ୍ତି ସହର ର ଅଷ୍ଟ ଶମ୍ଭୁ, ଅଷ୍ଟ ବିଷ୍ଣୁ, ଅଷ୍ଟ ଚଣ୍ଡୀ, ଅଷ୍ଟ ହନୁମାନ, ଅଷ୍ଟ ଭୈରବ ଦେବା ଦେବୀ l  ଶନିବାର ଦିନ ଏହି ଯଜ୍ଞ ପାଇଁ ମା ଙ୍କ ମନ୍ଦିର ଯଜ୍ଞ ମଣ୍ଡପ ଠାରେ ଶୁଭ ଖମ୍ବ ସ୍ଥାପନ କରା ଯାଇଛି l ଆସନ୍ତା କାଲି ସୋମବାର ଦିନ ସୂର୍ଯ୍ୟ ପୂଜା ପରେ   ଯଜ୍ଞ ଆରମ୍ଭ ହୋଇ ରୀତି ନୀତି ସହ ଆସନ୍ତା ଅକ୍ଟୋବର ୨ ତାରିଖ ପର୍ଯ୍ୟନ୍ତ ଘୃତଯଜ୍ଞ ପାଳନ କରାଯିବ ଓ ଏହି ନବ ରାତ୍ରୀ ପୂଜା ରେ ମା ସୁରେଶ୍ଵରୀ ଙ୍କ ଦର୍ଶନ ଓ ଯଜ୍ଞ ମଣ୍ଡପ ରେ ବିରାଜମାନ ସହର ସବୁ ଦେବା ଦେବୀ ଙ୍କ ଦର୍ଶନ ଲାଗି ରହିବ l ଏହି ଯଜ୍ଞ ପାଇଁ ପ୍ରତି ବର୍ଷ ଜିଲ୍ଲା ତଥା ଦୂର ଦୁରାନ୍ତର ଭକ୍ତ ଶ୍ରଦ୍ଧାଳୁ ଙ୍କ ପ୍ରବଳ ଭିଡ଼ ହେଉଥିବାରୁ ଜିଲ୍ଲା ତଥା ପୋଲିସ ପ୍ରଶାସନ,  ଯଜ୍ଞ କମିଟି ଓ ବିଭିନ୍ନ ସ୍ବେଛାସେବୀ ସଂଗଠନ ପକ୍ଷରୁ ଶାନ୍ତି ଶୃଙ୍ଖଳା ଓ ସମସ୍ତ ସୁରକ୍ଷା ପାଇଁ ପ୍ରସ୍ତୁତି ହୋଇଥିବା ବିଷୟ  ମା ଙ୍କ ଯଜ୍ଞ କମିଟି ପକ୍ଷରୁ ସୂଚନା ମିଳିଛି l ଆଜି ଏହି ଉତ୍ସବରେ ମା ଙ୍କ ପରମ ଭକ୍ତ ତଥା ଓଡ଼ିଶା ହାଇକୋର୍ଟ ର ପ୍ରାକ୍ତନ ବିଚାରପତି ଜଷ୍ଟିସ ଚିତ୍ତ ରଞ୍ଜନ ଦାଶ ଙ୍କ ସମେତ ଯଜ୍ଞ କମିଟି ର ସମସ୍ତ ସଦସ୍ୟ ସହର ର ବହୁ ବୁଦ୍ଧିଜୀବୀ ଓ ମହିଳା ଭକ୍ତ ଶ୍ରଦ୍ଧାଳୁ ସାମିଲ ଥିଲେ l ଯାଲୋଇ ଗୁଞ୍ଜିପାଲି ଗୌଡିୟ ସମ୍ପ୍ରଦାୟ କର୍ତ୍ତନ୍ୟ ମଣ୍ଡଳୀ କଳାକାର ଙ୍କ ଦ୍ଵାରା ଆଜି କଳସ ଯାତ୍ରା ସମୟରେ ଆକର୍ଷଣୀୟ ସାଂସ୍କୃତିକ କାର୍ଯ୍ୟ କ୍ରମ ଅନୁଷ୍ଠିତ ହୋଇଥିଲା l