17-Sep-2025

ନୂଆପଡ଼ା  (ରାମନାଥ ପଣ୍ଡା)
ଭାରତର ଯଶସ୍ଵୀ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ଙ୍କ ୭୫ ବର୍ଷ ପୂର୍ତ୍ତି ଅବସରରେ ସାରା ଭାରତ ବର୍ଷରେ 'ଏକ ପେଡ ମା କେ ନାମ ' କାର୍ଯ୍ୟକ୍ରମ ଅନୁଯାୟୀ ତଥା ନୂଆପଡ଼ା ଜିଲ୍ଲାପାଳ ମଧୁସୂଦନ ଦାସଙ୍କ ଅନୁରୋଧ କ୍ରମେ ନୂଆପଡ଼ା ଜିଲ୍ଲା ବ୍ୟାପୀ ଆଜି ବୃକ୍ଷ ରୋପଣ କାର୍ଯ୍ୟକ୍ରମ ହୋଇଥିବା ବେଳେ ଭାରତୀୟ ମଜଦୂର ସଂଘ ନୂଆପଡ଼ା ଜିଲ୍ଲା ସଭାପତି ପ୍ରଦୀପ କୁମାର ଦଣ୍ଡସେନାଙ୍କ ଆହ୍ଵାନ କ୍ରମେ ମଜଦୂର ସଂଘ ଜିଲ୍ଲା ଶାଖା ତରଫରୁ ଖରୀଆର ଅଗ୍ରସେନ ଭବନ ଠାରେ ବିଶ୍ଵକର୍ମା ଜୟନ୍ତୀ ଓ ଏକ ପେଡ ମା କେ ନାମ କାର୍ଯ୍ୟକ୍ରମ ପାଳିତ ହୋଇଥିଲା । ସଭାପତି ପ୍ରଦୀପ କୁମାର ଦଣ୍ଡସେନା, ଅର୍ଗାନାଇଜିଙ୍ଗ ପ୍ରେସିଡେଣ୍ଟ କୁଞ୍ଜ ବିହାରୀ କଟା,ସାଧାରଣ ସମ୍ପାଦକ ବାବୁଲାଲ ମାଝୀ, ଓଡ଼ିଶା କୃଷି ଗ୍ରାମୀଣ ମଜଦୂର ସଂଘ ସଭାପତି ଆକାଶ କଟା, ମିଡିଆ ସେଲ ରାମନାଥ ପଣ୍ଡା,ଉପ ସଭାପତି ବଳଧର କେତକୀ ପ୍ରମୁଖ ମଞ୍ଚାସିନ ରହିଥିଲେ ।  ଦାଦନରୁ ଫେରିଥିବା ପାଞ୍ଚ ଜଣ ଶ୍ରମିକଙ୍କୁ ପୁନର୍ବାର ଦାଦନ ନ ଯିବା ପାଇଁ ସଭାପତି ପ୍ରଦୀପ ଦଣ୍ଡସେନା ଶପଥ ପାଠ କରାଇଥିଲେ ଏବଂ କବିତା ମେହେର (ନିର୍ମାଣ ଶ୍ରମିକ), ଯୁଗେଶ୍ୱର ଲୁହାର (ଘର ମିସ୍ତ୍ରୀ),ଚୂଡ଼ାମଣି କ୍ଷେତ୍ରୀ (ବୈଦ୍ୟୁତିକ ମିସ୍ତ୍ରୀ),ବନମାଳୀ ନାଗ (କାର ପେଣ୍ଟର) ଓ ଚୂଡ଼ାମଣି ମାଳି (ନିର୍ମାଣ ଶ୍ରମିକ)ଙ୍କୁ ଉପଢ଼ୋକନ ଦେଇ ସମ୍ମାନିତ କରାଯାଇଥିଲା । ଆଗାମୀ ଦିନରେ ଶ୍ରମିକ ମାନଙ୍କୁ ନେଇ  ଜିଲ୍ଲାରେ ଏକ ବଡ ସମ୍ମିଳନୀ କରିବାକୁ ସଂଘ ସ୍ଥିର କରିଛି ।ଆଜି ଜିଲ୍ଲା ଉଦ୍ୟାନ କୃଷି ଉପ ନିର୍ଦ୍ଦେଶକ ହରେକୃଷ୍ଣ ଚାନ୍ଦ ହାଁସଦା ଙ୍କ ସହଯୋଗ କ୍ରମେ ଖରୀଆର ଉଦ୍ୟାନ କୃଷି ବିଭାଗ ତରଫରୁ ଆମ ସଂଘକୁ ଚାରା (ବୃକ୍ଷ) ଯୋଗାଇ ଦେଇଥିବାରୁ ତାଙ୍କୁ ଆମ ସଂଘ ଧନ୍ୟବାଦ୍ ଜଣାଇଛି।ବୃକ୍ଷ ରୋପଣ ପାଇଁ ସେକ୍ରେଟାରୀ  ରାଜକୁମାର ରାଉତ (ପର୍ଯ୍ୟାବରଣ ମଞ୍ଚ)ଙ୍କୁ ଟଙ୍କଧର ଭୋଇ ଓ ମଣ୍ଟୁ ରାଉତ ସହଯୋଗ କରିଥିଲେ ଏବଂ ସଂଘ କାର୍ଯ୍ୟ କର୍ତ୍ତାଙ୍କ ଦ୍ୱାରା ବୃକ୍ଷ ରୋପଣ କରାଯାଇଥିଲା ।କାର୍ଯ୍ୟକ୍ରମରେ ଉପେନ୍ଦ୍ର ଠେଲା, ରାଜ କୁମାର ରାଉତ,ପିଣ୍ଟୁ ହଂସ,ବିନୟ ରାଉତ,ଗୌତମ ଦଣ୍ଡସେନାଙ୍କ ସମେତ ବିଭିନ୍ନ ସଂଘର ସଭାପତି ଓ ସମ୍ପାଦକ ଉପସ୍ଥିତ ଥିଲେ । ରାମନାଥ ପଣ୍ଡା ମଞ୍ଚ ପରିଚାଳନା କରିଥିବାବେଳେ କୁଞ୍ଜ ବିହାରି କଟା ଧନ୍ୟବାଦ ଅର୍ପଣ କରିଥିଲେ ।