17-Sep-2025

ବୀରମହାରାଜପୁର,(ବିନୋଦ ପାଣ୍ଡେ):ସପ୍ତଦୀପା ସାହିତ୍ୟ ସଂସଦର ୧୨୪ ତମ ଭ୍ରାମ୍ୟମାଣ ସାରସ୍ଵତ ସମାରୋହ ଗୋପାଳ ରାଇସ୍ ମିଲ୍ ବାଙ୍କବିଜା ଠାରେ ବୁଧବାର ଅନୁଷ୍ଠିତ ହୋଇଯାଇଅଛି ।ଡକ୍ଟର ଆର୍ତ୍ତତ୍ରାଣ ବାବୁଙ୍କ ଆବାହନ କ୍ରମେ ସଂସଦର ସଭାପତି ଡକ୍ଟର ଦ୍ବିତୀକୃଷ୍ଣ ପଣ୍ଡାଙ୍କ ପୌରୋହିତ୍ୟରେ ଅନୁଷ୍ଠିତ ଏହି ସମାରୋ‌ରେ ଯୋଗ ଗୁରୁ ଗୋରଖନାଥ ସାହୁ ମୁଖ୍ୟ ଅତିଥି, ଶିକ୍ଷାବିତ ଯୋଗୀନ୍ଦ୍ର ପଣ୍ଡା ସମ୍ମାନିତ ବକ୍ତା, ଡକ୍ଟର ସନ୍ତୋଷ ପାଢ଼ୀ ଏବଂ ଡକ୍ଟର ନିରଞ୍ଜନ ପଣ୍ଡା ସମ୍ମାନିତ ଅତିଥି ଭାବେ ଯୋଗଦେଇ ସାରସ୍ଵତ ବାର୍ତ୍ତା ପ୍ରଦାନ କରିଥିଲେ। ପ୍ରାରମ୍ଭରେ ମଞ୍ଜୁଶ୍ରୀ ବାବୁ ବାସନ୍ତୀ ସଂଗୀତ ଗାନ କରି ସମସ୍ତଙ୍କୁ ସ୍ବାଗତ କରିଥିଲେ ।ଆବାହକ ଡକ୍ଟର ଆର୍ତ୍ତତ୍ରାଣ ବାବୁ ସମାରୋହ ର ପ୍ରାକ୍‌ କଥନ ସହିତ ଆନୁଷ୍ଠାନିକ ଭାବେ ସ୍ବାଗତ କରିଥିଲେ।ପରେ ପରେ ତନ୍ମୟବାଳା ମିଶ୍ର ଓ ନିବେଦିତା ପାଢ଼ୀଙ୍କ ସଂଯୋଜନା ରେ କବି କବିତା ରାଣୀ ଝାଙ୍କର, ରଞ୍ଜନ କୁମାର ସା, ରୋଶନ୍ କୁମାର ସାହୁ,କରୁଣାକର ଖଣ୍ଟୁଆଳ,ଅଶୋକ ଚନ୍ଦନ,ଡକ୍ଟର ଶୁଭେନ୍ଦୁ ମେହେର, ପ୍ରହଲ୍ଲାଦ ନାଏକ, ରାଜଶ୍ରୀ ବାବୁ, ଦିପ୍ତିରେଖା ବାବୁ, ବର୍ଷା ବେହେରା, ଯଶୋଦା ପାତ୍ର, ପୂଜା ବେହେରା ପ୍ରମୁଖ ସ୍ବରଚିତ କବିତା ଆବୃତ୍ତି କରିଥିଲେ ।ଡକ୍ଟର ରାଧେଶ୍ୟାମ ମିଶ୍ର ସଭା ସଂଯୋଜନା କରିଥିବାବେଳେ ପ୍ରଦୀପ ପୁରୋହିତ ଧନ୍ୟବାଦ ଅର୍ପଣ କରିଥିଲେ।ରାଇସ୍‌ମିଲ୍‌ର ସମସ୍ତ କର୍ମକର୍ତ୍ତା ସହଯୋଗ କରିଥିଲେ।