17-Sep-2025

ବିନିକା(ହିମାଂଶୁ ଶେଖର ପୁଟେଲ)ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୭୫ ବର୍ଷରେ ପଦାର୍ପଣ କରିଛନ୍ତି ।ତାଙ୍କ ଜନ୍ମଦିନ ପାଳନ ପରିପ୍ରେକ୍ଷୀରେ ଏକ ପେଡ ମା କେ ନାମ ଅର୍ଥାତ ମାଁ ପାଇଁ ଗଛ ଟିଏ କାର୍ଯ୍ୟକ୍ରମ  ପଲ୍ଲୀ ଠାରୁ ସହର ଯାଏ ବିନିକା ର ବିଭିନ୍ନ ଅନୁଷ୍ଠାନ ତରଫରୁ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଟିତ ହୋଇଥିଲା। ଏହି ବୃକ୍ଷ ରୋପଣ ସକାଶେ ବନଖଣ୍ଡ ଅଧିକାରୀ  ଡ଼ମ୍ବରୁଧର ପଧାନ ଓ ତାଙ୍କ ଷ୍ଟାଫ ବିଭିନ୍ନ ସଂସ୍ଥା କୁ ଚାରା ଯୋଗାଇ ଦେଇଥିଲେ । ବିନିକା ତାରାପୁରଗଡ଼ ଠାରେ ଭୀମଭୋଇ ସେବା ଫାଉଣ୍ଡେସନ, ଏନଏସି  କର୍ତୁପକ୍ଷ,ବିଜେପି କାର୍ଯ୍ୟକର୍ତ୍ତା ଙ୍କ ମିଳିତ ଉଦ୍ୟମରେ ୧୦୮ଟି ଗଛ ରୋପଣ କରାଯାଇଛି।ସେହିପରି ସିଦ୍ଧାର୍ଥ ଡିଗ୍ରୀ କଲେଜ ଓ ସିଦ୍ଧାର୍ଥ ଉଚ୍ଚ ମାଧ୍ୟମିକ ବିଦ୍ୟାଳୟ ତରଫରୁ ସ୍ଥାନୀୟ ଗରୁଡ଼ କ୍ୟାମ୍ପସ ପରିସରରେ ପୃଥକ ପୃଥକ ଭାବେ ବୃକ୍ଷ ରୋପଣ କରାଯାଇଛି।ଅନ୍ୟ ପକ୍ଷରେ ଉପ ଡାକଘର,ପୋଲିସ ଷ୍ଟେସନ,ମହିଳା ଜୁନିଅର କଲେଜ,ବିଭିନ୍ନ ଶିକ୍ଷାନୁଷ୍ଠାନ,ସ୍ୱେଚ୍ଛାସେବୀ ଅନୁଷ୍ଠାନ,ଅଙ୍ଗନୱାଡ଼ି କେନ୍ଦ୍ର ମାନଙ୍କରେ ମାଁ ପାଇଁ ଗଛ ଟିଏ କାର୍ଯ୍ୟକ୍ରମ ସଫଳତାର ସହ ଅନୁଷ୍ଟିତ ହୋଇ ଯାଇଛି।ତେବେ ଏଠାରେ ପ୍ରଶ୍ନ ଉଠୁଛି ପରିବେଶର ହିତ ପାଇଁ ଅଜସ୍ର ଟଙ୍କା ଖର୍ଚ୍ଚ କରାଯାଇ ବ୍ୟାପକ ଭାବରେ ବୃକ୍ଷ ରୋପଣ କରାଯାଉଛି ସତ ହେଲେ ଚାରା ରୋପଣ ଦିନଠାରୁ ୬ମାସରୁ ଏକ ବର୍ଷ ପର୍ଯ୍ୟନ୍ତ ଗଛର ଯତ୍ନ ନିଆଗଲେ କଳୁଷିତ ପରିବେଶର ସୁଧାର ଆସି ପାରିବ ଏବଂ ଉକ୍ତ କାର୍ଯ୍ୟକ୍ରମର ସୁଫଳ ମିଳି ପାରିବ ବୋଲି ସଚେତନ ନାଗରିକ ମହଲରେ ମତ ପ୍ରକାଶ ପାଇଛି।ହେଲେ ଚାରା ରୋପଣ ପରେ ତାହା ବଞ୍ଚିଲା କି ନାହିଁ କେହି ବି ଧ୍ୟାନ ଦେଉ ନଥିବାରୁ ବୃକ୍ଷ ରୋପଣ କେବଳ ଭେଳିକି ବୋଲି ସାଧାରଣରେ ଆଲୋଚନା ହେଉଛି ।