17-Sep-2025

ସୁବର୍ଣ୍ଣପୁର, (ମନୋରଞ୍ଜନ ତ୍ରିପାଠୀ)
 ରାଜ୍ୟ ସରକାରଙ୍କ ନିର୍ଦେଶ କ୍ରମେ ଆଜି ସୋନପୁର ଦମକଳ କେନ୍ଦ୍ରର ସହକାରୀ ଅଗ୍ନିଶମାଧିକାରୀ ଭବେନ୍ଦ୍ର ନାଥ ଦେଙ୍କ ନେତୃତ୍ବରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଠାରେ ଏକ ଅଗ୍ନି ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମରେ ଶ୍ରୀ ଦେଙ୍କ ସହିତ ସୋନପୁର ଦମକଳ କେନ୍ଦ୍ରର ସହକାରୀ କେନ୍ଦ୍ରାଧିକାରୀ ଶତୃଘ୍ନ କିସାନ, ମୁଖ୍ୟ ଅଗ୍ନି ଯୋଦ୍ଧା ଭଜଳ ବେହେରା, ଗାଡି ଚାଳକ ଦିନେଶ କୁମାର ଦାସ, ଅଗ୍ନି ଯୋଦ୍ଧା ଗାଡି ଚାଳକ ଭୈରବନନ୍ଦ ନାଥ ରାଉତ, ଅଗ୍ନି ଯୋଦ୍ଧା ପଦ୍ମନାଭ ଭୋଇ, ଶିବପ୍ରସାଦ ବୁହୁକା, ଭୁଲେଶ୍ବର ହୁଏ, ଜ୍ୟୋତିଶ୍ବର ଜୁମ୍ଭାର, ହେମନ୍ତ ସା, ସୁଷଣେ ଭୁଏ, ହିମାଂଶୁ ବାରିକ ତତ୍ ସହିତ ଜିଲ୍ଲା ମୁଖ୍ୟ ଚିକିତ୍ସାଳୟର ସିକ୍ୟୁରିଟି ଅଫିସର ସଂଜୟ କୁମାର ଷଡ଼ଙ୍ଗୀ ଓ ତାଙ୍କର ସ‌ହକର୍ମି ମାନେ ଯୋଗଦାନ କରିଥିଲେ । ଅଗ୍ନି ନିରାପତ୍ତା ବିଷୟରେ ସଚେତନ କରିବା ସହିତ ଅଗ୍ନି ବିପର୍ଯୟ ସମୟରେ ଧନ ଜୀବନ କିଭଳି ରକ୍ଷା କରାଯାଇପାରିବ ତା ବିଷୟରେ ବିଭିନ୍ନ କୌଶଳମାନ ଶିକ୍ଷା ଦିଆଯାଇ ଥିଲା ଏବଂ ଜିଲ୍ଲା ମୁଖ୍ୟ ଚିକିତ୍ସାଳୟରେ ଲାଗିଥିବା ନିଆଁ ଲିଭା ଉପକରଣ ଗୁଡିକର ତଦାରଖ କରାଯାଇଥିଲା । ତଦାରଖରୁ ଜଣାଗଲା ଯେ, ନିଆଁ ଲିଭା ଉପକରଣ ଗୁଡିକ ଠିକ୍ ଭାବରେ କାମ କରୁ ନଥିବା ଜଣାପଡିଥିଲା l ନିଆଁଲିଭା ଉପକରଣ ଗୁଡିକୁ ଶିଘ୍ର ମରାମତି କରି କାର୍ଯ୍ୟକ୍ଷମ କରିବା ନିମନ୍ତେ ଜିଲ୍ଲା ମୁଖ୍ୟ ଚିକିତ୍ସାଳୟର କର୍ତ୍ତୃପକ୍ଷଙ୍କୁ ଜଣାଇ ଦିଆଯାଇଥିବା ଶ୍ରୀ ଦେ ସୂଚନା ଦେଇଛନ୍ତି l