16-Sep-2025

ବିନିକା(ହିମାଂଶୁ ଶେଖର ପୁଟେଲ) ଜଗତଜନନୀ ମାଁ ଦୁର୍ଗାଦେବୀ  ସୁବର୍ଣ୍ଣପୁର ଜିଲ୍ଲାବାସୀଙ୍କୁ ସୁଖରେ ରଖିଥାନ୍ତୁ,ଜିଲ୍ଲାର ଉନ୍ନତି କାମନା ପାଇଁ ସଦା ସର୍ବଦା ମା ଆଶୀର୍ବାଦ ରଖିଥାନ୍ତୁ ବୋଲି ଆଜି ସୁବର୍ଣ୍ଣପୁର ଜିଲ୍ଲାପାଳ ନୃପରାଜ ସାହୁ ବିନିକା ଗସ୍ତରେ ଆସି ଦେବୀ ମାଁ ଦୁର୍ଗାଙ୍କୁ ଦର୍ଶନ କରି ପ୍ରାର୍ଥନା କରିଥିଲେ । ଢୋଲ,ନିଶାନ୍,ଘଣ୍ଟ ବାଦ୍ୟ ର ତାଳେ ତାଳେ ଓ ହୁଳହୁଳି ଜୟ ଧ୍ବନିରେ ମଙ୍ଗଳବାର ସନ୍ଧ୍ୟାରେ ମା ଙ୍କର ସନ୍ଧ୍ୟା ଆଳତୀ ଆରମ୍ଭ ହୋଇଥିଲା। ମାଁ ଙ୍କ ଦର୍ଶନ ଓ ଆଳତି ଦେଖିବା ପାଇଁ ଶ୍ରଦ୍ଧାଳୁଙ୍କ ନାହିଁ ନ ଥିବା ଭିଡ଼ ହୋଇଥିଲା l ଭକ୍ତିମୟ ପରିବେଶରେ ମନ୍ଦିର ପ୍ରାଙ୍ଗଣରେ ବିଶେଷ କରି ମହିଳା ଭକ୍ତଙ୍କ ଦର୍ଶନ ସ୍ୱତନ୍ତ୍ର ସୁବିଧା କରାଯାଇଥିଲା l ଭିଡ କୁ ଦୃଷ୍ଟିରେ ରଖି ପୋଲିସ ମୁତୟନ କରାଯାଇଥିଲା l ଏହି ଅବସରରେ ଜିଲ୍ଲାପାଳ ନୃପରାଜ ସାହୁ, ବିନିକା କାର୍ଯ୍ୟନିର୍ବାହୀ ଅଧିକାରୀ ମାନସ ରଞ୍ଜନ ଭୋଇ,ନଗରପାଳ ସୁବାଷ ଚନ୍ଦ୍ର ଭୁଏଙ୍କ ସମେତ ବିଭିନ୍ନ ବିଭାଗର ପ୍ରଶାସନିକ ଅଧିକାରୀ,ଅଞ୍ଚଳର ବିଶିଷ୍ଟ ବ୍ୟକ୍ତି ଉପସ୍ଥିତ ରହି ମା ଙ୍କର ଆଶ୍ରିବାଦ ଭିକ୍ଷା ନେଇଥିଲେ l ଭିଡ ଦୃଷ୍ଟିରୁ ଯେପରି କୌଣସି ଅପ୍ରୀତିକର ଘଟଣା ନ ଘଟେ ସେଥିପାଇଁ ବିଭିନ୍ନ ସ୍ଥାନରେ ସ୍ୱେଚ୍ଛାସେବୀ ମାନେ ଉପସ୍ଥିତ ରହି ଶାନ୍ତି ଶୃଙ୍ଖଲା ଦିଗରେ ପଦକ୍ଷେପ ନେଇଥିବା  ମନ୍ଦିର କମିଟି ସଭାପତି ସନ୍ତୋଷ କୁମାର ପଣ୍ଡା ସୂଚନା ଦେଇଥିଲେ ।