15-Sep-2025

ବୀରମହାରାଜପୁର,(ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଲୁତୁରପଙ୍କ ଜୟ ଜଗନ୍ନାଥ ସ୍ପୋର୍ଟସ କ୍ଲବର ଏକ ବୈଠକ ସ୍ଥାନୀୟ ହାଇସ୍କୁଲ ଖେଳ ପଡ଼ିଆରେ ଅନୁଷ୍ଠିତ ହୋଇଯାଇଛି। ସ୍ପୋର୍ଟସ କ୍ଲବର ସଭାପତି ସୁଶିଲ କୁମାର ପ୍ରଧାନ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ବୈଠକରେ ସ୍ଥାନୀୟ ସରପଞ୍ଚ ସୂର୍ଯ୍ୟ କୁମାର ନନ୍ଦ ଯୋଗଦେଇ ଥିଲେ। ସ୍ପୋର୍ଟସ କ୍ଳବ୍ ର ସମ୍ପାଦକ ମାଧବ ମହାକୁର ସ୍ବାଗତ ଭାଷଣ ପ୍ରଦାନ କରିଥିଲେ। ପୂର୍ବତନ ସଭାପତି ସୁଧୀର ପ୍ରଧାନ,ପୂର୍ବତନ ସମ୍ପାଦକ ଶଶାଙ୍କ ପ୍ରଧାନ,ବରିଷ୍ଠ ସଭ୍ୟ ସନାତନ ମହାକୁର, ଉପସଭାପତି ଟୁଟୁ ମହାକୁର ପ୍ରମୁଖ ସ୍ପୋର୍ଟସ କ୍ଲବ ର ବିଭିନ୍ନ ପ୍ରସଙ୍ଗ ରେ ଆଲୋଚନା କରିଥିଲେ। ଆସନ୍ତା ବୁଧୁବାର ଦିନ ଏକ ପେଡ ମା ' କେ ନାମ କାର୍ଯ୍ୟକ୍ରମ ଆୟୋଜନ କରାଯିବା ସହିତ ଖେଳ ପଡିଆ ଚାରିପଟେ ବିଭିନ୍ନ ପ୍ରକାର ର ପ୍ରାୟ ପାଞ୍ଚ ଶହ ରୁ ଅଧିକ ବୃକ୍ଷ ରୋପଣ କରାଯିବାକୁ ସ୍ଥିରୀକୃତ ହୋଇଛି। ଏଇ ଦିନ କ୍ଲବର ସମସ୍ତ ସଦସ୍ୟ ଉପସ୍ଥିତ ରହିବାକୁ କୁହାଯାଇଛି। ଏହି ବୈଠକ ରେ ଆଗାମୀ ଡିସେମ୍ବର ୨୨ରୁ ୨୯ ତାରିଖ ପର୍ଯ୍ୟନ୍ତ ହେବାକୁ ଥିବା ୨୯ ତମ ସର୍ବ ଭାରତୀୟ ଜୟ ଜଗନ୍ନାଥ ଲୁତୁରପଙ୍କ କ୍ରିକେଟ କପ ର ଆୟୋଜନ ବିଷୟରେ ଆଲୋଚନା ହୋଇଥିଲା। ଉକ୍ତ କ୍ରିକେଟ କପ ରେ କେଉଁ କେଉଁ ଟିମ୍ ଅଂଶ ଗ୍ରହଣ କରିବେ ଏବଂ ଏହାକୁ ଚଳିତ ବର୍ଷ କିଭଳି ଆୟୋଜନ ସୁଚାରୁ ଭାବେ କରାଯିବ ସେ ନେଇ ଆଲୋଚନା କରାଯାଇଥିଲା। ସରପଞ୍ଚ ସୂର୍ଯ୍ୟ କୁମାର ନନ୍ଦ କ୍ରିକେଟ କପ କୁ ଚଳିତ ବର୍ଷ ପୂର୍ବ ବର୍ଷ ଅପେକ୍ଷା ଆହୁରି ଉନ୍ନତି ଧରଣର କରାଯିବ ବୋଲି ମତବ୍ୟକ୍ତ କରିବା ସହିତ ତାଙ୍କର ସବୁ ପ୍ରକାର ସହଯୋଗ ରହିବ ବୋଲି ସେ ପ୍ରତିଶ୍ରୁତି ଦେଇଥିଲେ। ଅନ୍ୟ ମାନଙ୍କ ମଧ୍ୟରେ ରାଧା ଗୋବିନ୍ଦ ବେହେରା,ପ୍ରମୋଦ ବେଦୋକ୍ତା,ସୁନିଲ ପ୍ରଧାନ,ରାକେଶ ପ୍ରଧାନ ପ୍ରମୁଖ ଯୋଗଦେଇ ନିଜ ନିଜ ମତାମତ ପ୍ରଦାନ କରିଥିଲେ। ଶେଷରେ ସ୍ପୋର୍ଟସ କ୍ଲବ ର ସହ ସମ୍ପାଦକ ଆଶିଷ ମେହେର ଧନ୍ୟବାଦ ଅର୍ପଣ କରିଥିଲେ।