14-Sep-2025

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ସୋନପୁର ଲୋକପ୍ରିୟ ବିଧାୟକ ନିରଞ୍ଜନ ପୁଜାରୀ ଆଜି ବୈଦୁପାଲି ପଂଚାୟତର ବୈଦୁପାଲି ଗ୍ରାମକୁ ଗସ୍ତ କରିଥିଲେ । ଗ୍ରାମରେ ପହଂଚିବା ପରେ ସରପଂଚ ମୀନତି ସାଙ୍କ ତତ୍ତ୍ୱାବଧାନରେ ଗ୍ରାମ ପରିଭ୍ରମଣ କରାଯାଇଥିଲା । ଗ୍ରାମର ପ୍ରତ୍ୟେକ ଘର ସ ସମ୍ମୁଖରେ ପୂର୍ଣ କଳସ ସ୍ଥାପନ ପୂର୍ବକ ବିଧାୟକଙ୍କୁ ସ୍ବାଗତ କରାଯାଇଥିଲା । ପରିଭ୍ରମଣ ପରେ ବିଧାୟକ ଶ୍ରୀପୁଜାରୀ ନୂତନ ନିର୍ମିତ ଜଗନ୍ନାଥ ମନ୍ଦିର ପରିଦର୍ଶନ କରି ମହାପ୍ରଭୁଙ୍କୁ ଦର୍ଶନ କରିଥିଲେ । ମନ୍ଦିର ସମ୍ମୁଖରେ ଏକ ସାଧାରଣ ସଭା ଅନୁଷ୍ଠିତ ହୋଇଥୁଲ । ଗ୍ରାମର ସର୍ବାଙ୍ଗୀନ ଉନ୍ନତି ଦିଗରେ ସେ ସବୁବେଳେ ବୈଦୁପାଲି ଗ୍ରାମବାସୀଙ୍କ ସହିତ ରହିଥିବା ପ୍ରକାଶ କରିଥିଲେ । ଫେବୃୟାରୀ ମାସରେ ମନ୍ଦିର ପ୍ରତିଷ୍ଠା ସମୟରେ ସେ ସରକାରୀ ଗସ୍ତରେ ଦିଲ୍ଲୀରେ ଥିବାରୁ ଯୋଗ ଦେଇ ପାରିନଥିବାରୁ ଦୁଃଖ ପ୍ରକାଶ କରିଥିଲେ । ଆଗାମୀ ଦିନରେ ଗ୍ରାମର ବିଭିନ୍ନ କାର୍ଯ୍ୟକ୍ରମରେ ସେ ଆଗଭଳି ଉପସ୍ଥିତ ରହି ସହ ଯୋଗ କରିବେ ବୋଲି ପ୍ରତିଶୃତି ଦେଇଥିଲେ । ଅନ୍ୟମାନଙ୍କ ମଧ୍ୟରେ ସୁବର୍ଣ୍ଣପୁର ଜିଲ୍ଲା ପୁର୍ବତନ ଜିଲ୍ଲାପରିଷଦ ଅଧକ୍ଷ ହିମାଂଶୁ ଶେଖର ବିଶ୍ଵାଳ, ସମିତି ସଭ୍ୟା ପ୍ରତିନିଧୁ ବଦ୍ରୀନାରାୟଣ ପାଣ୍ଡିଆ, ପ୍ରଶନ୍ନ  ନାୟକ, ସୁରେନ୍ଦ୍ର ଖମାରୀ, ଡୁଙ୍ଗୁରିପାଲି ବ୍ଲକ ସାମ୍ବାଦିକ ସଂଘ ସଭାପତି ଅରବିନ୍ଦ ମିଶ୍ର, ମଞ୍ଚା ସୀନ ଥିଲେ । ଜୟରାମ ବାରିକ କାଯ୍ୟକମ ସଂଯୋ ଜନ କରିଥିଲେ ।