14-Sep-2025

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ବିନିକା ଥାନା ମହଦେବପାଳି ଫାଣ୍ଡି ତୁଲୁଣ୍ଡୁପାଲି ଗ୍ରାମରେ ଜଣେ ବ୍ୟକ୍ତି ବିଷାକ୍ତ ମଦ ପିଇ ମୃତ୍ୟୁ ହୋଇଥିବା ବିନିକା ଥାନାରେ ଅଭିଯୋଗ କରିଛନ୍ତି ପରିବାର ଲୋକେ ।l ମୃତ ବ୍ୟକ୍ତି ଜଣକ ହେଉଛନ୍ତି ବିନିକା ବ୍ଲକ ଅନ୍ତର୍ଗତ ତୁଲୁଣ୍ଡୁପାଲି ଗ୍ରାମର ରଘୁ ଭୋଇ(୪୩) ବୋଳି ଜଣାପଡିଛି  l  ଆଜି ପୁଅଜିଉନ୍ତିଆ ପାଇଁ ରଘୁ ଦୁବଘାସ ତୋଳିବାକୁ ଯାଇଥିଲେ ହେଲେ ବହୁ ସମୟ ଧରି ସେ ନ ଆସିବାରୁ ତାଙ୍କ ପରିବାର ଲୋକେ ଖୋଜି ଯାଇ ତାଙ୍କୁ ପୋଖରୀ ହୁଡାରେ ପଡ଼ିଥିବା ଦେଖିଥିଲେ। ତୁରନ୍ତ ତାଙ୍କୁ ବିନିକା ଡାକ୍ତରଖାନା କୁ ଆଣି ଚିକିତ୍ସା କରିଥିଲେ ।ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପରିବାର ଲୋକେ ଏହା ବିଷାକ୍ତ ମଦମୃତ୍ୟ ବୋଲି ଅଭିଯୋଗ କରିଛନ୍ତି। ଆଜି ସନ୍ଧ୍ୟା ହୋଇ ଯିବାରୁ ଆସନ୍ତାକାଲି ମୃତ ଦେହର ଶବ ବ୍ୟବଚ୍ଛେଦ କରାଯିବ l ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ କେଉଁ କାରଣରୁ ମୃତ୍ୟୁ ହୋଇଥିବା ତାହା ଜଣାପଡ଼ିବ ବୋଲି ପୋଲିସ ପାଖରୁ ସୁଚନା ମିଳିଛି l ଗ୍ରାମରେ ବେଆଇନ ଭାବରେ ମଦ ବିକ୍ରୀ ହେଉଥିବାରୁ ଆଜି ଜଣେ ବ୍ୟକ୍ତିର ଜିବନ ଯାଇଛି ବୋଲି ସାଧାରଣରେ ଚର୍ଚ୍ଚା ଜୋର ଧରିଛି। ଅନ୍ୟ ପକ୍ଷରେ ଏହି ଶୀର୍ଷ କାତର ଘଟଣା ସମ୍ପର୍କରେ ଜାଣିବା ନେଇ ଅବକାରୀ ବିଭାଗ ଇନ୍ସପେକ୍ଟର ରାମଚନ୍ଦ୍ର ପଟ୍ଟନାୟକଙ୍କ ମୋବାଇଲ ଫୋନ କୁ ଯୋଗାଯୋଗ କରାଯାଇଥିଲେ ହେଁ ରିଙ୍ଗ ହୋଇଥିଲା ହେଲେ ସେ ଫୋନ ଉଠାଇ ନଥିଲେ।ବର୍ତ୍ତମାନ ସାରା ବିନିକା ଅଞ୍ଚଳରେ ମଦ ବ୍ୟାପକ କାରବାର ବୃଦ୍ଧି ପାଇଛି। ଝିନ୍ତିକା ମାରି ବନି ପୋଷିବା ରୀତିରେ ଅବକାରୀ ବିଭାଗ ପେଟ ପୋଷୁଥିବା କେତେକ ମଦ ଖୁଚୁରା ବ୍ୟବସାୟୀଙ୍କୁ ଗିରଫ କରି ବାଃ ବାଃ ନେଉଛି ।ପ୍ରକୃତ ମଦ ବ୍ୟବସାୟୀ ଙ୍କୁ ଘଣ୍ଟ ଘୋଡାଇ ତାଙ୍କ ମୋଟା ଅଙ୍କର ପାଉଣା ନେଇ ଛାଡ଼ି ଦେଉଥିବା ଅଭିଯୋଗ ହେଉଛି ।ଗାଁ ଗାଁ ରେ ମଦ କାରବାର ବଡ଼ି ଚାଲିଛି।ଲୋକ ଦେଖାନିଆ ଭାବେ ଅବକାରୀ ବିଭାଗ ରେଡ କରୁଛି । ମଦ ବନ୍ଦ ନେଇ ବିଭିନ୍ନ ସମୟରେ ସ୍ଵୟଂ ସହାୟକ ଗୋଷ୍ଠୀ ସଦସ୍ୟା ହେଉ ଅବା ଗ୍ରାମବାସୀ ଙ୍କ ତରଫରୁ ପ୍ରଶାସନିକ ସ୍ତରରେ ଦାବୀ ହେଉଛି।ଏନେଇ ପ୍ରଶାସନିକ ସ୍ତର ଲୋକଙ୍କ ଅସନ୍ତୋଷ କୁ ଶାନ୍ତ କରିବା ନେଇ କିଛି ଦିନ ଅଭିଯୋଗ ହୋଇଥିବା ଇଲାକାରେ ମଦ କାରବାର ବନ୍ଦ ରଖୁଛି ସତ ହେଲେ ପୁଣି ଯେଶା କୁ ତେସା ରୀତିରେ ମଦ ବିକ୍ରି ଖୁଲମଖୁଲା ଚାଲୁଛି ।ଏକ ବିରାଟ ଆନ୍ଦୋଳନ ପୂର୍ବରୁ  ବେଆଇନ ମଦ ବିକ୍ରି ବନ୍ଦ କରିବା ଦିଗରେ ପ୍ରଶାସନ କଡା ପଦକ୍ଷେପ ନେବାକୁ ଅଞ୍ଚଳର ଜନସାଧାରଣରେ ଦାବି ହେଉଛି ।ମୃତ୍ୟୁ ବରଣ କରିଥିବା ରଘୁର ପତ୍ନୀ ସହ ଦୁଇଟି ପୁଅ ଝିଅ ଅଛନ୍ତି। ସେ ଅତ୍ୟନ୍ତ ଗରିବ ହୋଇଥିବାରୁ ତାଙ୍କ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ଦାବୀ ହେଉଛି।