14-Sep-2025

ନବରଙ୍ଗପୁର( ପ୍ରିୟଦର୍ଶିନୀ ପାତ୍ର,) -ଆଜି ସକାଳ  ସମୟରେ ଝାଲିଆଗୁଡା କାଜୁ ବଗିଚା ରେ ବେକରେ ଗାମୁଛା ଲଗାଇ
ଜଣେ ଯୁବକ  ଝୁଲନ୍ତା ଅବସ୍ଥା ରେ ଦେଖିବାକୁ ମିଳଥିଲା । ସୂଚନା ଅନୁଯାଇ  ଯୁବକ ଜଣକ ନବରଙ୍ଗପୁର ଜିଲ୍ଲା ଉମରକୋଟ ବ୍ଳକ ଅମରାବତି ଗ୍ରାମର ହେମଲାଲ ସନ୍ତା  ଦୁଇ ମାସ ପୂର୍ବେ ସେ ବିଶାଖାପାଟଣା କୁ ଦାଦନ ଖଟିବା କୁ ଯାଇଥିଲା।   ହେମଲାଲ୍ ଜଣେ ମାନସିକ ରୋଗୀ ଥିବା ଜାଣି ତାଙ୍କୁ ତାଙ୍କ ଗ୍ରାମ ରେ ଛାଡି କି ଆସିବା ପାଇଁ ତାଙ୍କ ଗ୍ରାମ ର ଜଣେ ବ୍ୟକ୍ତି ଙ୍କ ସହ ପଠାଇ ଥିଲେ ଠିକାଦାର। ସେମାନେ ନିଜ ଗ୍ରାମକୁ ବସ ରେ ଯିବା ସମୟରେ ହଟାତ ଡାବୁଗାଁ ସ୍ଥିତ ଝାଲିଆଗୁଡା  ଗ୍ରାମ ନିକଟରେ ବସ୍ ରୁ ଡେଉଁ ପଡ଼ିଥିଲା ଓ ପାଖରେ ଥିବା କାଜୁ ବାଡ଼ କୁ ଧାଇଁ ପଳାଇଥିବା ସୂଚନା ମିଳିଛି । ବସ୍ ଟି ଝାଲିଆଗୁଡା ଛକ ପାଖରେ ପହଂଚିବା ପରେ ତାହା ସହ ଆସି ଥିବା ବ୍ୟକ୍ତି ଜଣକ ବସ୍ ରୁ ଓହ୍ଲାଇ  ଖୋଜାଖୋଜି କରିଥିଲା। କିଛି ସମୟପରେ ଜାଣିବାକୁ ପାଇଲା ଯେ ସେ କାଜୁ ବାଡ଼ରେ ଗଛରେ ବେକରେ ଗାମୁଛା ବାନ୍ଦି ଆତ୍ମହତ୍ୟା କରିଛି। ଏହି ଘଟଣା ପରେ ଗ୍ରାମ ବାସୀଙ୍କ ସହଯୋଗ ରେ ସେ ଡାବୁଗାଁ ଥାନାରେ ସୂଚନା ଦେଇଛି। ବର୍ତ୍ତମାନ ଡାବୁଗାଁ ପୋଲିସ ଘଟଣା ସ୍ଥଳରେ ପହଂଚି ତଦନ୍ତ
ଆରମ୍ଭ କରିଛି, ତଦନ୍ତ ପରେ ପ୍ରକୃତ ଘଟଣାଟି ଜଣା ପଡିବ
ବୋଲି ପୋଲିସ ସୂଚନା ଦେଇଛି ।