11-Sep-2025

ବଲାଙ୍ଗିର(ପ୍ରେରଣା ଖବର): ସ୍ଥାନୀୟ ମିଶନ ଶକ୍ତି ଭବନ ଠାରେ ଜିଲ୍ଲା ସମାଜ ମଙ୍ଗଳ ବିଭାଗ ଏବଂ ଜିଲ୍ଲା ପ୍ରଶାସନଙ୍କ ସହାୟତାରେ ଏଲ୍ ସି/ଆଇ ସି ସଦସ୍ୟ ଏବଂ ନୋଡାଲ ଅଫିସର ମାନଙ୍କ ପାଇଁ Sexual Harassment of women at work place, Prevention, Prohibition & Redressal and Posh Act- 2013 ସମ୍ପର୍କିତ ଏକ ଦିନିକିଆ ଦକ୍ଷତା ବୃଦ୍ଧି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି। ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ସମାଜ ମଙ୍ଗଳ ବିଭାଗର ପି ଓ-କମ୍-ପି ଓ ସୁଜାତା ଦୋରା ତଥା ସମସ୍ତ  ପ୍ରୋଗ୍ରାମ ଅଫିସରସ୍ , ଏଲ୍ ସି ସି ଅଧ୍ୟକ୍ଷା  କସ୍ତୁରୀ ରଥ ଏବଂ ଏଲ୍ ସି ସି  ସଦସ୍ୟା ନୂତନ ଦାସ ଯୋଗ ଦେଇଥିଲେ। ପ୍ରଶିକ୍ଷକ ଭାବରେ ଯୁଧିଷ୍ଟିର ମିଶ୍ର ଆଇନ ମହାବିଦ୍ୟାଳୟର ସହପ୍ରଫେସର  ଚଣ୍ଡିପ୍ରସାଦ ଖମାରୀ ଯୋଗ ଦେଇ କର୍ମକ୍ଷେତ୍ରରେ ମହିଳା ମାନଙ୍କ ପ୍ରତି ଯୌନ ଉତ୍ପୀଡ଼ନର ବିଭିନ୍ନ ଦିଗ ଉପରେ ଆଲୋକପାତ କରିଥିଲେ । ଶିବିରରେ ଜ଼ିଲ୍ଲାର ସମସ୍ତ ବ୍ଲକର ସି ଏଚ୍ ସି. ପି ଏଚ୍ ସି  ଏବଂ ବି ଇ ଓ  କାର୍ଯ୍ୟାଳୟର କର୍ମକର୍ତ୍ତା ତଥା  ଏଲ୍ ସି ସି/ଆଇସିସି ସଦସ୍ୟ ମାନେ ଯୋଗ ଦେଇଥିଲେ । ସମସ୍ତ କାର୍ଯ୍ୟାଳୟରେ ଇଣ୍ଟରନାଲ୍ କମିଟିର କାର୍ଯ୍ୟଦକ୍ଷତା 

ଉପରେ ଗୁରୁତ୍ୱାରୋପ କରିଯାଇଥିଲା। ଜ଼ିଲ୍ଲାର ସମସ୍ତ ବ୍ଲକରୁ ଆସିଥିବା ଅଂଶଗ୍ରହଣକାରୀ ମାନେ ଏଲ୍ ସି ସି/ଆଇ ସି ସି  ର ବିଭିନ୍ନ ଦିଗ ଉପରେ ପଚାରି ବୁଝିଥିଲେ । DC Hub ସରୋଜ ନାଏକ ନିଜ ବକ୍ତବ୍ୟରେ ମହିଳା ସଶକ୍ତିକରଣ ର SHE-Box Portal ସମ୍ପର୍କରେ ପୁଙ୍ଖାନୁପୁଙ୍ଖ ଭାବରେ ବିବରଣୀ ଦେଇଥିଲେ । ଦକ୍ଷତା ବୃଦ୍ଧି ଶିବିରର ଶେଷରେ ଡିପିସି ଶିବାନୀ ଠାକୁର ଧନ୍ୟବାଦ ଅର୍ପଣ କରିଥିଲେ।