11-Sep-2025

ସିନ୍ଧେକେଲା(ଅନୀଲ କୁମାର ତ୍ରିପାଠୀ):  ବଲାଙ୍ଗୀର ଜିଲ୍ଲା ଟିଟିଲାଗଡରୁ ସିନ୍ଧେକେଲା ରାସ୍ତା କାମକୁ ପ୍ରାୟ ଦୁଇବର୍ଷରୁ ଅଧିକ ସମୟ ହୋଇଯାଇଛି। ହେଲେ ରାସ୍ତା କାମ ଧକେଇ ଧକେଇ ଚାଳିଛି। ସରକାର ବଦଳିଗଲା ସରକାରୀ କର୍ମଚାରୀ ବଦଳିଗଲେ କିଛି ଜିଲ୍ଲା ସ୍ତରର ବଡ଼ବଡ଼ିଆ ବିଭାଗୀୟ ବାବୁ ଜିଲ୍ଲା ର ବିଭିନ୍ନ ରାସ୍ତା କାମରେ ଦୁର୍ନୀତି ଅଭିଯୋଗରେ ଜେଳ ବି ପହଞ୍ଚିଗଲେ। ହେଲେ ସିନ୍ଧେକେଲାରୁ ଟିଟିଲାଗଡ଼ ଏମଡିଆର ରାସ୍ତା ନିର୍ମାଣ କାମ ସଂପୂର୍ଣ୍ଣ ହେବାର ନାଁ ନେଉନାହିଁ। ସିନ୍ଧେକେଲାରୁ ଟିଟିଲାଗଡ଼ ୨୭ କିଲୋମିଟର ରାସ୍ତା କୁ ପ୍ରାୟ ୫୪ କୋଟି ଟଙ୍କାର ବ୍ୟୟ ଅଟକଳରେ ରାସ୍ତା କାମ ଚାଳିଥିବା ବେଳେ ଅଦ୍ୟାବଧି ପର୍ଯ୍ୟନ୍ତ ଅଧାପନ୍ତରିଆ ରହିଛି। ଏହାକୁ ନେଇ ଜନ ଅସନ୍ତୋଷ ବଢିବାରେ ଲାଗିଛି। କିନ୍ତୁ ବିଭାଗୀୟ ଅଧିକାରୀ ମାନେ ନିରବଦ୍ରଷ୍ଟା ସାଜିଥିଲା ବେଳେ କାମ ପାଇଥିବା ଠିକା ସଂସ୍ଥା ମନମାନୀ ଚଳାଇଥିବା ନିଆଁ ରେ ଘିଅ ଢାଳିବା ସଦୃଶ ଆଗରୁ ରହିଆସିଛି। କିନ୍ତୁ ଏପଟେ ଏବେ ସିନ୍ଧେକେଲା ଅଞ୍ଚଳର ଅଧିଷ୍ଠାତ୍ରୀ ଦେବୀ ମାଁ ଦ୍ୱାରସେହ୍ନୀ ଙ୍କ ପ୍ରସିଦ୍ଧ ଦଶହରା ଯାତ୍ରା ମଧ୍ୟରେ ସବୁଠାରୁ ଗୁରୁତ୍ୱପୂର୍ଣ୍ଣ ଇଚଗାଁ ଯାତ୍ରା ବା ଡେଙ୍ଗସର୍ଗୀ ଯାତ୍ରା ଚଳିତ ମାସ ୨୨ ତାରିଖ ସୋମବାର ଦିନ ହେବାକୁ ଯାଉଛି। ତେବେ ଏଠାରେ ଉଲ୍ଲେଖଯୋଗ୍ୟ ଯେ ଏହିଦିନ ମାଁ ଦ୍ୱାରସେହ୍ନୀ ଙ୍କ (ବିବାହ) କନିଆ ଅନା ଯାତ୍ରା ଅନୁଷ୍ଠିତ ହେବ। ତେଣୁ

ବୁଢ଼ାରଜା ସିନ୍ଧେକେଲା ମନ୍ଦିର ରୁ ଇଚଗାଁ ୯ କିଲୋମିଟର ପର୍ଯ୍ୟନ୍ତ ଚାଳିକି ଯାଇ ସେଠାରେ ରିତୀନିତୀ ଅନୁଯାଇ ବିବାହ ସମ୍ପନ୍ନ ହେବାପରେ ସିନ୍ଧେକେଲା ପ୍ରତ୍ୟାବର୍ତ୍ତନ କରିବେ। ଏଥିରେ ପ୍ରାୟ ୩୦ ହଜାର ରୁ ଅଧିକ ଲୋକଙ୍କ ସମାଗମ ହୋଇଥାଏ। ତଥା ନିଜେ ଏ ଅଞ୍ଚଳର ଅଧିଷ୍ଠାତ୍ରୀ ଦେବୀ ମାଁ ଦ୍ୱାରସେହ୍ନୀ ଭକ୍ତ ଓ ଶ୍ରଦ୍ଧାଳୁ ମାନଙ୍କସହ ପାଦରେ ଚାଳି ଚାଳି ଯାଇ ଫେରିବାକୁ ଥିଲେ ହେଁ ରାସ୍ତା କାମ ସମ୍ପୁର୍ଣ୍ଣ ନ ହୋଇଥିବାରୁ ଜନ ଅସନ୍ତୋଷ ବଢିବାରେ ଲାଗିଛି। ବିଶେଷ କରି ସିନ୍ଧେକେଲା ବସଷ୍ଟାଣ୍ଡ ରୁ ପ୍ରାୟ ୯ ଶହ ମିଟର ରାସ୍ତା ୨୦ ତାରିଖ ପର୍ଯ୍ୟନ୍ତ କାମ ତୁରନ୍ତ ଶେଷ କରିବାକୁ ଓଡ଼ିଶା ୟୁନିଅନ ଅଫ ଜର୍ଣ୍ଣାଲିଷ୍ଟ ବଲାଙ୍ଗୀର ଜିଲ୍ଲା ଟ୍ରିବୁନାଲ ଅଧ୍ୟକ୍ଷ ଅନିଲ କୁମାର ତ୍ରିପାଠୀ, ସିନ୍ଧେକେଲା ବଣିକ ସଂଘ ସଭାପତି ସୁବାସ ଜୈନ, ଯୁବନେତା ଯୁବରାଜ ବାଗ, କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ଗରିବସେନା ସଭାପତି ଦିନେଶ ତାଣ୍ଡି , ସାମ୍ବାଦିକ ଦିନେଶ ଜୈନ, ସୁଶାନ୍ତ ଥନାପତୀ ପ୍ରମୁଖ ଦାବି କରିଛନ୍ତି। ଏବଂ କୌଣସି କାରଣରୁ ଯଦି ଏ ଅଞ୍ଚଳର ଅଧିଷ୍ଠାତ୍ରୀ ଦେବୀଙ୍କ ଯାତ୍ରା ଆସ୍ଥା, ବିଶ୍ବାସ ଓ ପରମ୍ପରା ସହ ଭାବାବେଗକୁ ନଜରରେ ରଖି ଯଦି କାମ ନ ହୁଏ ତେବେ ଘୋର ପ୍ରତିବାଦ ସହ ଆନ୍ଦୋଳନ କରିବାକୁ ବାଧ୍ୟ ହେବୁ ବୋଲି ସୁଚନା ଦେଇଛନ୍ତି।