10-Sep-2025

ତୁଷୁରା/ଗୁଡଭେଲା (ପଞ୍ଚାନନ ନାଏକ) ବଲାଙ୍ଗିର ଜିଲ୍ଲା ଗୁଡଭେଳା ବ୍ଲକ ଜାମୁଟ ହାଇସ୍କୁଲ ପଡିଆରେ ଶିକେରପାଟ୍ ୟୁଥ୍ କ୍ଳବ ପକ୍ଷରୁ ନୂଆଁଖାଇ ଭେଟଘାଟ୍ ୨୦୨୫ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ସ୍ଥାନୀୟ କନ୍ଧେନବୁଡି ପିଠରୁ ମଶାଲ ଯାତ୍ରା ଆରମ୍ଭ ହେବା ପରେ  ସାଂସ୍କୃତିକ ଶୋଭାଯାତ୍ରାରେ ରାସ୍ତା ଦୁଳୁଉଠିବା ସହ ଶହଶହ ଛାତ୍ରଛାତ୍ରୀ, ମହିଳା ଗୋଷ୍ଠୀ ତଥା ସାଧାରଣ ଲୋକ ସାମିଲ ହୋଇଥିଲେ । ଏହାପରେ ମାଧ୍ୟହ୍ନ ୧୨ ଟା ରେ ଉଦଘାଟନୀ ସମାରୋହ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କ୍ଳବର କାର୍ଯ୍ୟକାରୀ  ସଭାପତି ମହେନ୍ଦ୍ର ନନ୍ଦଙ୍କ ସଭାପତିତ୍ୱ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଜାମୁଟ ସରପଞ୍ଚ ଭାବସିଂହ ମାଝୀ ଉପସ୍ଥିତ ରହି କ୍ଳବର ଯୁବଗୋଷ୍ଠୀଙ୍କ ଦ୍ବାରା ସାଂସ୍କୃତିକ ବିକାଶ ସମ୍ଭବ ହେବା ସହ ଲୁକ୍କାୟିତ ପ୍ରତିଭାଙ୍କ ପ୍ରତିଭା ଲୋକାଲୋଚନ ଆସିବ ବୋଲି କହିଥିଲେ । ମୁଖ୍ୟ ବକ୍ତା ଭାବରେ ଲୋକସଂସ୍କୃତି ଗବେଷଣା ନବୀନ ବିଶ୍ବବନ୍ଧୁ ଯୋଗଦେଇ ଏହି ଅଞ୍ଚଳ କଳାସଂସ୍କୃତିର ବିଶେଷ କହିବା ସହ ନୂଆଁଖାଇର ପୃଷ୍ଟଭୂମି ଓ ଇଷ୍ଟଦେବୀ ଶିକେରପାଟ୍ ଉପରେ ମତଦେଇଥିଲେ । ସେହିପରି ଅନ୍ୟତମ ସମ୍ମାନିତ ଅତିଥି ଭାବରେ ସାଂସଦ ପ୍ରତିନିଧି ଦିନବନ୍ଧୁ ବେହେରା, ଗମ୍ଭାରିଗୁଡା ସରପଞ୍ଚ ଇନ୍ଦ୍ର ଭୋଇ, ଡା. ଆକାଶ ଅଗ୍ରୱାଲ, ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ଜାମୁଟ ଅଧ୍ୟକ୍ଷ ଉପେନ୍ଦ୍ର ବେହେରା ଉପସ୍ଥିତ ରହି ନିଜର ବକ୍ତବ୍ୟ ପ୍ରଦାନ କରିଥିଲେ । ସେହିପରି ଉଦଯାପନୀ ସନ୍ଧ୍ୟା କ୍ଳବର ସଭାପତି ଶ୍ରୀ ନନ୍ଦଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ପୂର୍ବତନ ବିଧାୟକ,କଣ୍ଟାମାଳ ମହିଧର ରଣା ଉପସ୍ଥିତ ରହି ଐତିହ୍ୟ ସଂସ୍କୃତି 
ବିଷୟରେ ମନେପକାଇବା ସହ ସାଂସ୍କୃତିକ ବିକାଶ ରେ ତଥା ଅଞ୍ଚଳରେ ବିକାଶ ପାଇଁ ଯୁବଗୋଷ୍ଠୀଙ୍କ ଭୂମିକା ଗୁରୁତ୍ୱ ପୂର୍ଣ୍ଣ ବୋଲି   ନିଜର ବକ୍ତବ୍ୟ ରଖିଥିଲେ । ମୁଖବକ୍ତା ଭାବରେ ବ୍ୟଙ୍ଗକବି ରସରାଜ ଅଚ୍ୟୁତ ପୁରୋହିତ ଉପସ୍ଥିତ ରହି ତାଙ୍କ ବ୍ୟଙ୍ଗ କବିତା ମାଧ୍ୟମରେ ନିଜର ନୂଆଁଖାଇ ମହତ୍ତ୍ଵ ଉପରେ ଅଭିଭାଷଣ ରଖିବା ସହ ଉପାନ୍ତ ଅଞ୍ଚଳରେ ଯୁବଗୋଷ୍ଠୀଙ୍କ ଦ୍ବାରା ପ୍ରୟାସ ପ୍ରସଂସା କରିଥିଲେ । ଅନ୍ୟତମ ସମ୍ମାନିତ ଅତିଥି ଭାବରେ ଘୁନା ସରପଞ୍ଚ କବିତା ମହାନନ୍ଦ ଉପସ୍ଥିତ ରହି ନିଜର ବକ୍ତବ୍ୟ ରହିଥିଲେ । କାର୍ଯ୍ୟକ୍ରମରେ ଅଞ୍ଚଳର ବିଭିନ୍ନ କଳା,କ୍ରିଡା,ଶିକ୍ଷା ତଥା ପୋଲିସ ବିଭାଗରେ ସୁନାମ ଅର୍ଜନ କରିଥିବା ବ୍ୟକ୍ତି ନରୋତ୍ତମ ଧରୁଆ ଦଣ୍ଡଗୁରୁ,କଣ୍ଠଶିଳ୍ପୀ, ଜପେଶ୍ବର ଭୋଇ ବରିଷ୍ଠ ତବଳାବାଦକ,କେଶବ ବରିହା ଦଣ୍ଡକଳକାର (କୃଷ୍ଣ),ଦୁର୍ବାଶା ଭୋଇ ଅବସରପ୍ରାପ୍ତ ସୈନିକ, ଦୈତାରି ଭୋଇ ସୈନିକ,କାଳି ପ୍ରସାଦ ପୁଟେଲ ଓଡିଶା ପୋଲିସ,ଶିବାଜୀ ସାହୁ ସୈନିକ, ରାଜ୍ୟସ୍ତରୀୟ ଖେଳାଳୀ ହମିତ ଖାଁ,ଆନନ୍ଦ ବେହେରା ଏବଂ ଦଶମ ଜାମୁଟ ହାଇସ୍କୁଲ ଟପ୍ପର ପ୍ରେମରାଜ ରଣାଙ୍କୁ ସମ୍ବର୍ଦ୍ଧନା କରାଯାଇଛି ।