10-Sep-2025

ବିନିକା(ହିମାଂଶୁ ଶେଖର ପୁଟେଲ) ସୁବର୍ଣ୍ଣପୁର ଜିଲ୍ଲା ବିନିକା ସହର ବସଷ୍ଟାଣ୍ଡ ସମ୍ମୁଖରେ ଥିବା ମା ମାହେଶ୍ୱରୀ ଫେନସି ଷ୍ଟୋର ଦୋକାନ ସ୍କାଇଲାଇଟ ଭାଙ୍ଗି ଗତକାଲି ମଙ୍ଗଳବାର ବିଳମ୍ବିତ ରାତ୍ରିରେ ଚୋରି ହୋଇଥିବା ବିନିକା ଥାନାରେ ଲିଖିତ ଅଭିଯୋଗ ହୋଇଛି l ସୂଚନା ଯୋଗ୍ୟ ଯେ ଆଜି ସକାଳେ ଦୋକାନ ମାଲିକ କପିଳେଶ୍ୱର ପାତ୍ର ଦୋକାନ ସଟର ଖୋଲି ଭିତରକୁ ଯିବା ପରେ ଦୋକାନର ସାମଗ୍ରୀ ଛିନ୍ନ ଛତ୍ର ହୋଇପଡିଥିଲା l ପରେ ଦୋକାନ ଭିତତକୁ ଯାଇ ଦେଖିବା ପରେ ଦୋକାନରେ ଥିବା ବିଭିନ୍ନ ପ୍ରକାରର ସାମଗ୍ରୀ ଚୋରି ହେବା ସହ ଦୋକାନ ଡ୍ର ରେ ଥିବା ନଗଦ ୨୨ହଜାର ଟଙ୍କା ମଧ୍ୟ ଚୋରି ହୋଇଥିବା ଦେଖିଥିଲେ l ସେହିପରି ୧୫ରୁ ଊର୍ଦ୍ଧ୍ବ ଟଙ୍କାର ବିଭିନ୍ନ ପ୍ରକାରର ଫେନସି ସାମଗ୍ରୀ ହଜାର ଟଙ୍କାର ସାମଗ୍ରୀ ଚୋରୀ ହୋଇଥିବା ଜଣାପଡିଥିଲା । ଏନେଇ ଦୋକାନ ମାଲିକ ଶ୍ରୀ ପାତ୍ର ଥାନାରେ ଲଖିତ ଅଭିଯୋଗ କରିବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଅଧିକ ତଦନ୍ତ ପାଇଁ ସାଇଣ୍ଟିଫକ ଟିମକୁ ମଧ୍ୟ ପୋଲିସ ଖବର ଦେଇଥିବା ସୂଚନା ଦେଇଛି l ତେବେ ଏଠାରେ ପ୍ରଶ୍ନ ଉଠୁଛି ଜନବହୁଳ ବସଷ୍ଟାଣ୍ଡ ପରିସରରେ ରାତ୍ରି ସମୟରେ ପୋଲିସ ତରଫରୁ  ପେଟ୍ରୋଲିଙ୍ଗ କରାଯାଉଛି ।ସେହିପରି ବସଷ୍ଟାଣ୍ଡକୁ ଆସୁଥିବା ଯାତ୍ରୀ ମାନଙ୍କ ସୁରକ୍ଷା ପାଇଁ ବିଭିନ୍ନ ସ୍ଥାନରେ ସିସିଟିଭି କ୍ୟାମେରା ଲାଗିଥିବା ବେଳେ ଶାନ୍ତି ଶୃଙ୍ଖଳା ଦାୟୀତ୍ୱରେ ସିକ୍ୟୁରୀଟି ଗାର୍ଡ ମଧ୍ୟ ନିୟୋଜିତ ହୋଇ କାମ କରୁଛନ୍ତି l ଏତେ ସୁରକ୍ଷା ଥିଲେ ମଧ୍ୟ ଚୋର ମାନେ ପୋଲିସକୁ ଚ୍ୟାଲେଞ୍ଚ ଦେବାଭଳି ଖୁଲମଖୁଲା ଚୋରି କରୁଛନ୍ତି କି ବୋଲି ସାଧାରଣରେ ଆଲୋଚନା ପର୍ଯ୍ୟାଲୋଚନା ହେଉଛି। ତେଣୁ ଦିନକୁ ଦିନ ବଢୁଥିବା ଚୋରୀ,ରାହାଜାନୀ,ଲୁଟ ଘଟଣା ଉପରେ ଆଇନର ରକ୍ଷକ ପୋଲିସ ପ୍ରଶାସନ ସଜାଗ ରହି ପଦକ୍ଷେପ ନେବା ଜରୁରୀ ବୋଲି ବୁଦ୍ଧିଜୀବୀ ମହଲରେ ମତ ପ୍ରକାଶ ପାଇଛି।