10-Sep-2025

ବରପାଲି (ସୁଦାମ ଦୀପ)
ବରଗଡ଼ ଜିଲ୍ଲା ଅନ୍ତର୍ଗତ ବରପାଲି ସ୍ଥିତ ମାରୱାଡି ଧର୍ମଶାଳା ଠାରେ ମାଁ ଫାଉଣ୍ଡେସନ ଚୌଦ୍ଵାର ଓ  ରତ୍ନାଭି ଫାଉଣ୍ଡେସନ ବିଜେପୁର ର ମିଳିତ ଆନୁକୂଲ୍ୟରେ ମହିଳା ମଙ୍ଗଳ ଅଭିଯାନ ପରିକଳ୍ପନା  ବିଷୟ କୁ ନେଇ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଥିଲା। ଉକ୍ତ କାର୍ଯ୍ୟକ୍ରମରେ ମା ଫାଉଣ୍ଡେସନ ର କାର୍ଯ୍ୟନିର୍ବାହୀ ନିର୍ଦ୍ଦେଶକ  ଅମ୍ବିକା କୁମାର ଲେଙ୍କା, କୌଶଲ୍ୟା ସାହୁ ପ୍ରଶିକ୍ଷଣ ପ୍ରଦାନ କରିଥିଲେ। ଅନୁଷ୍ଠିତ କାର୍ଯ୍ୟକ୍ରମରେ ରତ୍ନାଭି ଫାଉଣ୍ଡେସନ ର ଚେୟାରମ୍ଯାନ  ରତ୍ନମାଲା ଗୁରୁ ,ସମ୍ପାଦକ  ଭଗବାନ ଦାଶ, ଏମ୍.ଡି କମ୍ ସିଇଓ  ଶୁଭେନ୍ଦୁ ଶେଖର ଗୁରୁ, କୋଷାଧ୍ୟକ୍ଷ  ରବିନାରାୟଣ ଗୁରୁ ଉପସ୍ଥିତ ଥିଲେ। ପ୍ରଶିକ୍ଷଣ ଶିବିର କୁ ରତ୍ନାଭି ଫାଉଣ୍ଡେସନ ର ପ୍ରକଳ୍ପ ମୁଖ୍ୟ ରୁଦ୍ରପ୍ରସାଦ ଗୁରୁ ପରିଚାଳନା କରିଥିଲେ । ପ୍ରଶିକ୍ଷଣ ଶିବିର ରେ କେବଳ ମହିଳା ମାନଙ୍କୁ ହେଉ ଥିବା ଗର୍ଭାଶୟ କ୍ଯାନ୍ସର କାରଣ ଓ ନିରାକରଣ ବିଷୟ ରେ ସମ୍ପୂର୍ଣ୍ଣ ଆଲୋଚନା କରିଥିବାବେଳେ ମହିଳା ମଙ୍ଗଳ ଅଭିଯାନ ପରିକଳ୍ପନା ର ସମ୍ପୂର୍ଣ୍ଣ ଦିଗପ୍ରତି ସଚେତନ କରାଇ ଥିଲେ । ଉକ୍ତ ଶିବିରରେ ବରଗଡ଼, ବଲାଙ୍ଗୀର, କଳାହାଣ୍ଡି, ସୁବର୍ଣ୍ଣପୁର, ଝାରସୁଗୁଡ଼ା ଆଦି ଜିଲ୍ଳାରେ ନିଯୁକ୍ତି ପାଇଥିବା ଫାଉଣ୍ଡେସନ ର ସମସ୍ତ ଜିଲ୍ଲା ସଂଯୋଜକ, ବ୍ଲକ ସଂଯୋଜକ, ପଞ୍ଚାୟତ ସଂଯୋଜକ ମାନେ ଅଂଶଗ୍ରହଣ କରିଥିଲେ। ।ରତ୍ନାଭି ଫାଉଣ୍ଡେସନ ପାଇଁ ନିଷ୍ଠା ର ସହ କାର୍ଯ୍ୟ କରିଥିବା ଝାରସୁଗୁଡ଼ା ର ସଂଯୋଜକ  ହେମନ୍ତ ପୋଖରା ଓ ସଇଁତଳା ବ୍ଳକ ସଂଯୋଜକ ପ୍ରତାପ ରଣା ଙ୍କୁ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା । ପରି ଶେଷ ରେ କଳାହାଣ୍ଡି ଜିଲ୍ଲା ସଂଯୋଜକ ଯୁଧିଷ୍ଠିର ଯୋଶୀ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ। ।