10-Sep-2025

କାଲିମେଳା(ସନ୍ତୋଷ କୁମାର ପଣ୍ଡା): ସ୍ଥାନୀୟ ଏମଭି ୭୯ ସାବରୀ ମିନି ଷ୍ଟାଡିୟମ୍‌ରେ ଏମଭି ୭୯ ଜୋନ୍‌ ସ୍ତରୀୟ ବିଦ୍ୟାଳୟ ସମୂହ ଦୌଡକୁଦ କ୍ରୀଡ଼ା ପ୍ରତିୟୋଗିତା ଅନୁଷ୍ଠିତ ହୋଇଛି। ଆଜି ଏହି କାର୍ଯ୍ୟକ୍ରମର ଉଦ୍ଘାଟନୀୟ ଉତ୍ସବ ଭବ୍ୟ ଭାବେ ପରିଚାଳିତ ହୋଇଛି। ଏହି ପ୍ରତିୟୋଗିତା ଦୁଇ ଦିନ ବ୍ୟାପୀ ଚାଲିବ ବୋଲି ସୂଚନା ମିଳିଛି।
୧୪ରୁ ୧୭ ବର୍ଷ ପର୍ଯ୍ୟନ୍ତ ବୟସର ବାଳକ-ବାଳିକାମାନେ ଏଥିରେ ପ୍ରତିୟୋଗୀ ହୋଇଛନ୍ତି। ଏହା ଦ୍ୱାରା ବିଦ୍ୟାର୍ଥୀ ମାନଙ୍କରେ କ୍ରୀଡ଼ା ପ୍ରତି ଆଗ୍ରହ ବଢ଼ାଇବା ସହିତ ସ୍ୱାସ୍ଥ୍ୟ ଓ ଶିକ୍ଷାର ସଂଯୋଗ ସ୍ଥାପନ କରାଯାଉଛି।ଏହି ପ୍ରତିୟୋଗିତାର ଆୟୋଜନ କରିଛନ୍ତି ସାବରୀ ସରକାରୀ ଉଚ୍ଚ ବିଦ୍ୟାଳୟ, ଏମଭି ୭୯, ରାମନଗର। ଆୟୋଜକ ସଂଗଠନ ହେଉଛି କାଲିମେଳା ବ୍ଲକ୍‌ ବିଦ୍ୟାଳୟ କ୍ରୀଡ଼ା ସଂଗଠନ। କ୍ରୀଡ଼ା ଶିକ୍ଷକ ଚିତ୍ତରଞ୍ଜନ ହରିଚନ୍ଦନଙ୍କ ନେତୃତ୍ୱରେ ଏହା ସମ୍ପନ୍ନ ହେଉଛି। ପ୍ରଧାନ ଶିକ୍ଷକ ପ୍ରଶାନ୍ତ କୁମାର ନାୟକଙ୍କ ମାର୍ଗଦର୍ଶନରେ କାର୍ଯ୍ୟକ୍ରମ ଚାଲୁ ରହିଛି। ମଞ୍ଚ ପରିଚାଳନା କରିଛନ୍ତି ବିଭୁତି ସେଠୀ।ଉଦ୍ଘାଟନୀୟ ଉତ୍ସବରେ ମୁଖ୍ୟବକ୍ତା ଭାବେ ନାରାୟଣ ସରକାର, ସିଆରସିସି ଶ୍ରୀବାସ ରାୟ, ମୁଖ୍ୟ ଅତିଥି ଦୀପକ ଦୁତ୍ତ, ଅତିଥିମାନେ କିଶୋର ଚନ୍ଦ୍ର ସାହୁ, ପ୍ରସନ୍ତ ତପଳୀ, ମନସ ନାୟକ, ଉମେଶ ଚନ୍ଦ୍ର ଓଝା ଏବଂ ବେଙ୍କଟେଶ୍ୱର ରାଓ ଯୋଗ ଦେଇଥିଲେ। ଏହା ସହିତ  କବିତା ସରକାର, ପ୍ରଭାତ ମଣ୍ଡଳ, ଦୀପକ ମେହେର, ସରମିଳା ଢାଳି, ହିମଶୁ ମଣ୍ଡଳ, ସତ୍ୟରଞ୍ଜନ ବାରିକ, ସମ୍ପଦ କୁମାର ଲେଙ୍କା, ସାଇ କୁମାର ଏମନ୍ଦି, ଆମିତା ପ୍ରଧାନ, ମନୋଲିସା ସାହୁ, ସୁନିଲ ଦାସ ଏବଂ ବ୍ରିନ୍ଦା ମିଷ୍ଟ୍ରୀ ମଧ୍ୟ ଉପସ୍ଥିତ ଥିଲେ।ଏହି ପ୍ରତିୟୋଗିତା ମାଧ୍ୟମରେ ବିଦ୍ୟାର୍ଥୀମାନେ ନିଜର କ୍ଷମତା ପ୍ରଦର୍ଶନ କରିବେ ଏବଂ ଜୋନ୍‌ରୁ ଶୀର୍ଷସ୍ଥାନୀୟ ମାନେ ପରବର୍ତ୍ତୀ ସ୍ତରରେ ଯିବେ ବୋଲି ଆୟୋଜକମାନେ ଜଣାଇଛନ୍ତି। ଏହା କ୍ରୀଡ଼ା ଓ ଶିକ୍ଷାରେ ନୂତନ ଉତ୍ସାହ ସୃଷ୍ଟି କରିବ।