06-Sep-2025

ପିପିଲି(ପ୍ରେରଣା ଖବର): ପିପିଲିରେ ଜନ୍ମନେଇଛି ଅଲ ଇଣ୍ଡିଆ ମୂଳ ନିବାସୀ ସଂଘ । ସାରା ରାଜ୍ୟର ପ୍ରତି ଜିଲ୍ଲାରେ ଏହି ସଂଗଠନ ସାଧାରଣ ଲୋକଙ୍କର ସୂର ହେବ ବୋଲି ଏହି ସଂଗଠନର ନେତାମାନେ ଆଜି ସୂଚନା ଦେଇଛନ୍ତି । ସମାଜର ନିଷ୍ପେଷିତ, ନିର୍ଯ୍ୟାତିତ ଓ ଅବହେଳିତଙ୍କ ପାଇଁ ଅଲ ଇଣ୍ଡିଆ ମୂଳ ନିବାସୀ ନୂତନ ସଂଗଠନ ଲଢିବ ବୋଲି ପୂର୍ବତନ ସାଂସଦ ଭଜମନ ବେହେରା ଆଜି ଏହି ସଂଗଠନର ପିପିଲିର ଏକ ସମାବେଶରେ କହିଛନ୍ତି । ସରକାରଙ୍କର ଜନହିତକର ଯ୍ଧେକ୍ସନାର ବାଟମାରଣା ହେଉ କି ଗରିବଙ୍କ ଟଙ୍କା ବାଟମାରଣା ହେଉ, ସାଧାରଣ ଜନତାଙ୍କ ପାଇଁ ଠିଆ ହେବ ଏହି ସଙ୍ଗଠନ ବୋଲି ଶ୍ରୀ ବେହେରା ସୂଚନା ଦେଇଥିଲେ । ଅଂଚଳର ବୁଦ୍ଧିଜିବୀ, ସମାଜସେବୀ, ଛାତ୍ରଛାତ୍ରୀ ଆଦିଙ୍କୁ ଏହି

ସମାବେଶରେ ପ୍ରାୟ ବିଭିନ୍ନ ବୃକ୍ଷ ଚାରା ପ୍ରଦାନ କରାଯାଇଥିଲା । ସେହିପରି ବିଭିନ୍ନ କ୍ଷେତ୍ରରେ କୃତୀତ୍ୱ ହାସଲ କରିଥିବା ସାମ୍ବାଦିକ ଏବଂ ସମାଜସେବୀଙ୍କୁ ଅତିଥିମାନେ ସମ୍ବର୍ଦ୍ଧିତ କରିଥିଲେ । ଏହି ସଂଗଠନର ରାଜ୍ୟ ସଭାପତି ବିଜୟ ସେଠୀଙ୍କର ନେତୃତ୍ୱରେ ସେଠାରେ ସମ୍ବିଧାନ ପ୍ରଣେତା ବିଆର ଆମ୍ବେଦକରଙ୍କର ପ୍ରତିମୂର୍ତିରେ ମାଲ୍ୟାର୍ପଣ ପରେ ପିପିଲି ବାଇପାସ ତରାକାଜରୁ ଏକ ବିରାଟ ଶୋଭାଯାତ୍ରା ପିପିଲି ବ୍ଲକ ଛକ ପର୍ଯ୍ୟନ୍ତ ଯାଇଥିଲା । ସେଠାରେ ଶ୍ରୀ ସେଠୀଙ୍କର ସଭାପତିତ୍ୱରେ ଅନୁଷ୍ଠିତ ସଭାରେ ପୂର୍ବତନ ସାଂସଦ ଭଜମନ ବେହେରା, କମ୍ୟୁନିଷ୍ଟ ନେତା ସର୍ବେଶ୍ୱର ଭାରତୀ, ଓଡ଼ିଶା ହାଇକୋର୍ଟର ଆଇନଜୀବୀ କବିରାଜ ପ୍ରଧାନ,ମହାରାଷ୍ଟ୍ରର ଏøତିହାସିକ ଡ଼.ଭିଲାସ ଖେର, ସଂଘର ରାଜ୍ୟ ଆବାହିକା ସୋନିଲତା ସେଠୀ  ପ୍ରମୁଖ ଅତିଥି ଭାବେ ଯୋଗଦେଇ ଅନ୍ୟାୟ, ଅନିତି ଓ ଦୁର୍ନିତୀକୁ ଏହି ସଙ୍ଗଠନ ବିରୋଧ କରି ଓଡ଼ିଶାରେ ଏକ ଜନ ଆନ୍ଦୋଳନ ସୃଷ୍ଟି କରିବ ବୋଲି କହିଥିଲେ । ଏହି ସମାବେଶରେ ପ୍ରାୟ ୩ହଜାରରୁ ଅଧିକ ପୁରୁଷ ମହିଳା ଯୋଗଦେଇଥିଲେ ।