06-Sep-2025

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ଗତକାଲି ସଂଧ୍ୟା ୭.୩୦ରେ ବରଗଡ ବୋରିଗୁମ୍ମା ୨୬ନମ୍ବର ଜାତୀୟ ରାଜପଥ ବୈଦୁପାଲି କାଳୀମନ୍ଦିର ଛକ ନିକଟରେ ଦୁଇ ବାଇକ ମଧ୍ୟରେ ଧକ୍କା ହୋଇ ୫ ଗୁରୁତର ଆହତ ହୋଇଛନ୍ତି । ମିଳିଥିବା ସୂଚନା ଅନୁସାରେ ବୈଦୁପାଲି ଗ୍ରାମର ରାକେଶ କୁମ୍ଭାର, ଶତୃଘ୍ନ ତାଣ୍ଡି ଓ ରମେଶ ଦୀପ ଏକ ବାଇକରେ ଡୁଙ୍ଗୁରିପାଲି ପଟରୁ ଚେରୁପାଲି ଆଡକୁ ଯାଉଥିଲେ । ତାଙ୍କ ପଛରେ ଶୁଖା ଗ୍ରାମର ସତ୍ୟ ମେହେର ଓ ସାର୍ଥକ ବିଶ୍ଵାଳ ଅନ୍ୟ ଏକ ବାଇକରେ ଯାଉଥିଲେ । ପଛରେ ଯାଉଥିବା ବାଇକ ଆରୋହୀ ଆଗରେ ଯାଉଥିବା ବାଇକୁ ଧକ୍କା ଦେଇଥିଲେ । ଫଳରେ ସମସ୍ତେ ସେଠାରେ ଆହତ ହୋଇ ପଡି ଯାଇଥିଲେ । ଖବର ପାଇ ଅଗ୍ନିଶମ ବିଭାଗ ପହଂଚି ସମସ୍ତଙ୍କୁ ଡୁଙ୍ଗୁରିପାଲି ଡାକ୍ତରଖାନାରେ ଭ" କରିଥିଲେ । ସମସ୍ତଙ୍କ ଅବସ୍ଥା ଗୁରୁତର ଥିବାରୁ ବଡ ଡାକ୍ତରଖାନାକୁ ପଠାଯିବାର ବ୍ୟବସ୍ଥା କରାଯାଉଥିବା ଜଣା ପଡିଛି