04-Sep-2025

ବିନିକା(ହିମାଂଶୁ ଶେଖର ପୁଟେଲ)ଭିନ୍ୟକ୍ଷମଙ୍କ ପାଇଁ ସରକାର ବିଭିନ୍ନ ଯୋଜନା ପ୍ରଣୟନ କରି ସେମାନଙ୍କ ଆର୍ଥିକ ସ୍ଥିତି ଓ ସାଧରଣ ଜୀବନ ଯାପନ ପାଇଁ ଲକ୍ଷାଧିକ ଟଙ୍କା ଖର୍ଚ୍ଚ କରି ଆସୁଛନ୍ତି। ହେଲେ ପ୍ରଶାସନିକ ସ୍ତରରେ ଅବହେଳା ଯୋଗୁଁ ସରକାରଙ୍କ ଏହି ମହତ୍ତ୍ୱପୂର୍ଣ୍ଣ ଯୋଜନାର ସୁଫଳ ପାଇବାରୁ ଭିନ୍ୟକ୍ଷମ ମାନେ ବଞ୍ଚିତ ହେଉଥିବା ଦେଖିବାକୁ ମିଳିଛି।ଯାର ଜ୍ୱଳନ୍ତ ଉଦାହରଣ ହେଲା ଆଜି ବିନିକା ଆରଏମସି ଠାରେ ଅନୁଷ୍ଠିତ ବ୍ଲକ ସ୍ତରୀୟ ଭୀମଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ।ଅତୀତରେ ବିଗତ ବର୍ଷ ମାନଙ୍କରେ ଆୟୋଜିତ ଏହି ଶିବିରରେ ହଜାର ହଜାର ବ୍ୟକ୍ତି ବିଶେଷ ନାମ ପଞ୍ଜିକରଣ କରି ନିଜର ଶାରୀରିକ ସମସ୍ୟା ଦେଖାଉଥିଲେ। ହେଲେ ଚଳିତ ବର୍ଷ ଆୟୋଜିତ ହୋଇଥିବା ଏହି ଶିବିର ପାଇଁ ପ୍ରଚାର ପ୍ରସାର ଅଭାବରୁ ପୂର୍ବ ବର୍ଷ ଠାରୁ କମ ସଂଖ୍ୟକ ପଞ୍ଜିକରଣ ହୋଇଥିବା ଜଣାପଡିଛି। ବ୍ଲକ ର ବିଭିନ୍ନ ପଞ୍ଚାୟତ ଅଧିନସ୍ତ ଗ୍ରାମ ମାନଙ୍କରୁ ଆସିଥିବା ଭିନ୍ନକ୍ଷମ ମାନେ ଠିକ୍ ଭାବରେ ଦେଖାଇ ନ ପାରି ହଇରଣ ହେଉଥିବା ଦେଖିବାକୁ ମିଳିଥିଲା। ଅନ୍ୟ ପକ୍ଷରେ ଆବଶ୍ୟକୀୟ ହୁଇଲ ଚେୟାର ନଥିବାରୁ କେତେକ ଭିନ୍ନକ୍ଷମ ଚାଲି ନପାରି ଶୋଇ ରହୁଥିଲେ ତ ଆଉ କିଏ ସେଠାରେ ହିଁ ବସି ରହୁଥିବା ଦେଖିବାକୁ ମିଳିଥିଲା |ପଞ୍ଜିକରଣ ସ୍ଥଳକୁ ବହୁ କଷ୍ଟରେ ଯିବା ଆସିବା କରୁଥିବା ଦେଖା ଯାଉଥିଲା | ସେହିପରି ନିର୍ଦ୍ଧିଷ୍ଟ ଗୋଟିଏ ସ୍ଥାନରେ ପିଇବା ପାଣି ବ୍ୟବସ୍ଥା ଥିବା ଏବଂ ଅନ୍ୟ କାଉଣ୍ଟର ସ୍ଥାନ ମାନଙ୍କରେ ପାଣିର ସୁବିଧା ନଥିବାରୁ ପାଣି ଶୋଷ ମେଣ୍ଟାଇବା ପାଇଁ ଭିନ୍ନକ୍ଷମ ମାନେ ସମସ୍ୟାର ସମ୍ମୁଖୀନ ହେଉଥିଲେ l ସେହିପରି ପ୍ରଶାସନ ତରଫରୁ ଖାଇବା ବ୍ୟବସ୍ଥା ହୋଇଥିଲା ସତ ହେଲେ କେହି ଖାଇ ନପାରି ଭୋକ ଉପାସରେ ଫେରୁଥିବା ଦେଖିବାକୁ ମିଳିଥିଲା ।କେତେଭିନ୍ନକ୍ଷମ ପଞ୍ଜିକରଣ କଲେ ଓ ଡାକ୍ତର ଙ୍କ ପରାମର୍ଶ କଲେ ବୋଲି ବିନିକା ବିଡ଼ିଓ ମଣ୍ଟୁ ଖମାରୀ ଙ୍କୁ ପଚାରିବାରୁ ମୋ ପାଖରେ ଡାଟା ନାହିଁ ବିଏସଏସଓ ଙ୍କୁ ପଚାରନ୍ତୁ ବୋଲି କହିଥିଲେ | ବିଏସଏସଓ ଙ୍କୁ ଯୋଗାଯୋଗ କରିବାରୁ ଫୋନ୍ ବନ୍ଦ ଥିବାରୁ ଡାଟା ମିଳିପାରିନାହିଁ |