30-Aug-2025

ବଲାଙ୍ଗିର(ପ୍ରେରଣା ଖବର):ଜିଲ୍ଲା ବ୍ରାହ୍ମଣ ମହାସଭା ବଲାଙ୍ଗିର ଆନୁକୁଲ୍ୟରେ ଆସନ୍ତା ସେପ୍ଟେମ୍ବର ୪ ତାରିଖରେ  ଭଗବାନ ବାମନଙ୍କ ଜୟନ୍ତୀ ପାଳନ କରିବା ପାଇଁ ସଜବାଜ ଆରମ୍ଭ ହୋଇ ଯାଇଛି।ପ୍ରାପ୍ତ ସୂଚନା ଅନୁଯାୟୀ ପଣ୍ଡିତ ସନ୍ତୋଷ ଶତପଥୀ ପୂଜାକାର୍ଯ୍ୟ ସମ୍ପାଦନ କରିବେ। ଲକ୍ଷ୍ମୀ ପ୍ରସାଦ ଚାନ୍ଦ ସସ୍ତ୍ରିକ କର୍ତ୍ତା କତ୍ରି ଭାବେ କାର୍ଯ୍ୟ ତୁଲାଇବେ।ଜିଲ୍ଲା କର୍ମକାଣ୍ଡି ସଂଘ ସମସ୍ତ ଆବଶ୍ୟକୀୟ ପୂଜା ସାମଗ୍ରୀ ଯୋଗାଇ ଦେବା ପାଇଁ ସ୍ଵେଚ୍ଛାକୃତ ଭାବରେ ସ୍ବୀକୃତି ପ୍ରଦାନ କରିଥିବାରୁ ମହାସଭା ତରଫରୁ ଧନ୍ୟବାଦ୍ ଜ୍ଞାପନ କରାଯାଇଛି।

ଜିଲ୍ଲା ବ୍ରାହ୍ମଣ ମହାସଭାର  ବିଜ୍ଞପ୍ତି ପ୍ରକାଶ

ଜିଲ୍ଲା ବ୍ରାହ୍ମଣ ମହାସଭା ବଲାଙ୍ଗିର ର ସଭାପତି ଗୋପବନ୍ଧୁ ପୁରୋହିତଙ୍କ ଆହ୍ବାନ କ୍ରମେ ମହାସଭାର ସମସ୍ତ ସଦସ୍ୟ ସଦସ୍ୟା ଙ୍କ ଅବଗତି ନିମନ୍ତେ ଏକ ବିଜ୍ଞପ୍ତି ଜାରି କରାଯାଇଛି।ଆସନ୍ତା ତା.୧୨.୧୦.୨୦୨୫ ରିଖ ଦିବା ୧୧ ଘଣ୍ଟା ସମୟରେ ସ୍ଥାନୀୟ ଶ୍ରୀ ଶ୍ରୀ ନୃସିଂହ ମନ୍ଦିର ପ୍ରାଙ୍ଗଣରେ ଜିଲ୍ଲା ବ୍ରାହ୍ମଣ ମହାସଭା ର ନୂତନ କମିଟି ବିଧିବଦ୍ଧ ଭାବରେ ଗଠନ କରାଯିବ।ଚୟନ କର୍ତ୍ତା ଭାବରେ ସର୍ବଶ୍ରୀ ନୀଳମଣି ମିଶ୍ର, ବଲାଙ୍ଗିର,ଧର୍ମ ସିଂ ମିଶ୍ର ଲୋଇସିଂହା ଏବଂ ଗିରିଧାରୀ ଶତପଥୀ ଙ୍କୁ ଦାୟିତ୍ଵ ଅର୍ପଣ କରାଯାଇଛି।ଆଜିଠାରୁ ଏହି ବିଜ୍ଞପ୍ତି ବଳରେ ସମସ୍ତ କାର୍ଯ୍ୟକ୍ରମ ସଭାପତି ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ହେବ। ସଭାପତିଙ୍କ ବ୍ୟତୀତ ଅନ୍ୟ କୌଣସି କର୍ମକର୍ତ୍ତା ଙ୍କ ନିର୍ଦ୍ଦେଶ ଗ୍ରହଣୀୟ ହେବ ନାହିଁ ବୋଲି ଜିଲ୍ଲା ବ୍ରାହ୍ମଣ ମହାସଭା ର ସଭାପତି ଶ୍ରୀ ଗୋପବନ୍ଧୁ ପୁରୋହିତ ଲିଖିତ ବିଜ୍ଞପ୍ତି ଜାରି କରିଛନ୍ତି।