30-Aug-2025

ବିନିକା(ହିମାଂଶୁ ଶେଖର ପୁଟେଲ)ସ୍ୱାୟତ୍ତ ଶାସନ ପାଳନ ପରିପ୍ରେକ୍ଷୀରେ ଆଜି ବିନିକା ବିଜ୍ଞାପିତ ଅଞ୍ଚଳ ପରିଷଦ ତରଫରୁ ଏକ ଦିବସୀୟ ଏନଏସି ସ୍ତରୀୟ ଫୁଟବଲ ମ୍ୟାଚ ସ୍ଥାନୀୟ ନୁଆଁପାଳି ଖେଳ ପଡିଆ ଠାରେ ଅନୁଷ୍ଠିତ ହୋଇଥିଲା।ଏଥିରେ ରହିଲା(ଏ) ଓ (ବି),ଭମରପାଲି, କଇରାପାଲି,ଗୁଲାପଡ଼ା ଜୟ ଶ୍ରୀରାମ ଓ ମା ମଙ୍ଗଳା,ମିଳିତ ସାମ୍ବାଦିକ/ଏନଏସି କାଉନସିଲର,ପରିଷଦ ଷ୍ଟାଫ ଆଦି ଫୁଟବଲ ଦଳ ଭାଗ ନେଇଥିଲେ। ମ୍ୟାଚକୁ କାର୍ଯ୍ୟନିର୍ବାହୀ ଅଧିକାରୀ ମାନସ ରଞ୍ଜନ ଭୋଇ ଉଦ୍ଘାଟନ କରିଥିଲେ।ଫାଇନାଲ ଖେଳ ରହିଲା ବନାମ ଗୁଳାପଡ଼ା ମା ମଙ୍ଗଳା ମଧ୍ୟରେ ଅନୁଷ୍ଟିତ ହୋଇଥିଲା।ନିର୍ଦ୍ଧାରିତ ସମୟ ମଧ୍ୟରେ କେହି କାହାକୁ ଗୋଲ ଦେଇ ନପାରିବାରୁ ପେନାଟିକ ଜରିଆରେ ହାର ଜିତ୍ ନିର୍ଣ୍ଣୟ ହୋଇଥିଲା ଏଥିରେ ରହିଲା ଦଳ ୨-୦ ଗୋଲରେ ଗୁଲାପଡାକୁ ହରାଇ ଚାମ୍ପିଅନ ହୋଇଥିଲା ।ଖେଳ ଗୁଡ଼ିକୁ ନରସିଂହ ସେଠୀ,ଆନନ୍ଦ ବଢାଇ,ବାବୁଲାଲ ସାହୁ ପରିଚାଳନା କରିଥିବା ବେଳେ ମ୍ୟାଚର ଧାରାବିବରଣୀ ବୈରାଗୀ ପ୍ରଧାନ,ନନ୍ଦ ପଳିଆ,ସାମ୍ବାଦିକ ଦିଲ୍ଲୀପ ସାହୁ,ମୁକେଶ ବଗର୍ତ୍ତି,ଅବସରପ୍ରାପ୍ତ କର୍ମଚାରୀ ସନ୍ତୋଷ ବଞ୍ଛୋର ପ୍ରଦାନ କରିଥିଲେ।ପୁରସ୍କାର ବିତରଣୀ ଉତ୍ସବରେ ମୁଖ୍ୟ ଅତିଥି ଭାବେ ବିନିକା ନଗରପାଳ ସୁବାସ ଚନ୍ଦ୍ର ଭୋଇ,ସମ୍ମାନିତ ଅତିଥି ଭାବେ ବିନିକା ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର,କାର୍ଯ୍ୟନିର୍ବାହୀ ଅଧିକାରୀ ମାନସ ରଞ୍ଜନ ଭୋଇ,କାଉନସିଲର ବିଜୟ ବରାଇ,ପ୍ରଦୀପ ସେଠୀ ପ୍ରମୁଖ ଯୋଗଦେଇ ବିଜୟୀ ରହିଲା ଦଳ ଓ ପରାଜିତ ଦଳକୁ ଟ୍ରଫି ପ୍ରଦାନ କରିଥିଲେ । ମ୍ୟାଚ୍ ପରିଚାଳନାରେ ପରିଷଦ ଷ୍ଟାଫ,ନୁଆପାଳି ଗ୍ରାମବାସୀ,ସ୍ପୋର୍ଟସ କ୍ଲବ ସଦସ୍ୟ ସହଯୋଗ କରିଥିଲେ।