25-Aug-2025

କଣ୍ଟାବାଞ୍ଜିରୁ ମୋହନ ସୁନାଙ୍କ ରିପୋର୍ଟ 

ବଲାଙ୍ଗିର ଜିଲ୍ଲା କଣ୍ଟାବାଞ୍ଜି କୋର୍ଟ ପରିସର ରେ ତାଲୁକ ଆଇନ ସେବା କମିଟି କଣ୍ଟାବାଞ୍ଜି ପକ୍ଷରୁ ରବିବାର ଲିଗାଲ ସ୍ବେଚ୍ଛାସେବୀ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରର ରେ ତାଲୁକ ଆଇନ ସେବା କମିଟି ନୂତନ ଭାବେ ସଦସ୍ଯ ହୋଇଥିବା ପାରା ଲିଗାଲ ସଦସ୍ଯ ଙ୍କୁ କଣ୍ଟାବାଞ୍ଜି ତାଲୁକ ଆଇନ ସେବା କମିଟି ଅଧ୍ୟକ୍ଷ ତଥା ଅତିରିକ୍ତ ଜିଲ୍ଲା ଜଜ୍ ରାକେଶ କୁମାର ନାୟାର ପ୍ରଶିକ୍ଷଣ ଦେଇଥିଲେ।

ତାଲୁକ ଆଇନ ସେବା କମିଟି କାର୍ଯ୍ଯ କଣ ସେ ନେଇ ପ୍ରଶିକ୍ଷଣ ଦେବା ସହ କଣ୍ଟାବାଞ୍ଜି ଅଞ୍ଚଳ ଏକ ଦାଦନ ପ୍ରବଣ ଅଞ୍ଚଳ ଏହି ଅଞ୍ଚଳ ଶ୍ରମିକ ମାନେ ରାଜ୍ଯ ବାହାର କୁ ଯିବା ବେଳେ ଶ୍ରମ ବିଭାଗ ଦ୍ବାରା ବିନା ପଞ୍ଜୀକରଣ ଯାଉଛନ୍ତି। ତେଣୁ ଆଗାମୀ ଦିନ ରେ ଶ୍ରମିକ ମାନେ କେମିତି ଶ୍ରମ ବିଭାଗ ଦ୍ବାରା ପଞ୍ଜିକୃତ ହୋଇ ଯିବେ ଯାହା ଦ୍ବାରା ସେମାନେ ସମସ୍ତ ପ୍ରକାର ଆଇନ ଅନୁଯାଏ ସୁବିଧାସୁଯୋଗ ପାଇପାରିବେ ସେ ନେଇ ଶ୍ରମିକ ଙ୍କୁ ସଚେତନତା କରିବାକୁ କମିଟି ପକ୍ଷରୁ ସଦସ୍ଯ ଙ୍କୁ କୁହା ଯାଇଥିଲା। ସେହିପରି ଭାରତର ସମ୍ବିଧାନ ର ବିଭିନ୍ନ ଆଇନ ଉପରେ ଆଲୋଚନା କରି ନୂତନ ତାଲୁକ ଆଇନ ସେବା କମିଟି ସଦସ୍ଯ ଙ୍କୁ ସଚେତନ କରି ପ୍ରଶିକ୍ଷଣ ଦିଆଇଥିଲା। ଏହି କାର୍ଯ୍ୟକ୍ରମ ରେ କଣ୍ଟାବାଞ୍ଜି ଓକିଲ ସଂଘର ସଭାପତି ପ୍ରଫୁଲ୍ଲ କୁମାର ନାଏକ ମଞ୍ଚାସିନ ଥିବା ବେଳେ କଣ୍ଟାବାଞ୍ଜି ତାଲୁକ ଆଇନ ସେବା କମିଟି ସଦସ୍ଯ ଅବଦୁଲ ଗଫାର ପର୍ମା, ରୋହନ କୁମାର ମହତ, ଗୋବିନ୍ଦ ତାଣ୍ଡି, ଉତ୍ତମ ପ୍ରକାଶ ଦାସ, ବିକାଶ ଶର୍ମା,ମୌଇନୁଦିନ ମନହିରା,ବୁଧିସାଗର ବେହେରା,ମୋହନ ସୁନା,ଜମ୍ବୁ ଛୁରା, ଅପରାଜିତା ଛୁରା,ରୀନା ପୁଟେଲ, ଶୁଭଶ୍ରୀ ପାଢୀ,ଟିଙ୍କୁ ବଛା, ହେମନ୍ତ ଛତ୍ରିଆ ପ୍ରମୁଖ ଉପସ୍ଥିତ ଥିଲେ।