20-Aug-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ଗତ ୧୨ ତାରିଖ ଦିନ ସୋନପୁର ଜିଲ୍ଲା ତରଭା ବ୍ଲକର ନିର୍ବାଚିତ ପ୍ରତିନିଧି ମାନଙ୍କୁ ସୋନପୁର ପଟାଭାଡ଼ି ଛକ ନିକଟରେ ହୋଇଥିବା ଆକ୍ରମଣ ଘଟଣାରେ ପୋଲିସର ନିଷ୍କ୍ରିୟତା ପ୍ରତିବାଦରେ ତରଭା ମିଳିତ କ୍ରିୟାନୁଷ୍ଠାନ କମିଟି ପକ୍ଷରୁ ଦିଆଯାଇଥିବା ବନ୍ଦ ଡାକରା ସଫଳ ହୋଇଛି । ମଙ୍ଗଳବାର ଦିନ ତରଭା ସହର ସମସ୍ତ ଦୋକାନ ବଜାର ସମେତ ସରକାରୀ ଓ ବେସରକାରୀ କାର୍ଯ୍ୟାଳୟ ଏବଂ ସ୍କୁଲ କଲେଜ ସମ୍ପୂର୍ଣ ବନ୍ଦ ରହିଥିଲା । ଏହା ସହ ତରଭା ବ୍ଲକ୍ ଅନ୍ତର୍ଗତ ୨୧ଟି ପଞ୍ଚାୟତର ସମସ୍ତ ଦୋକାନ ବଜାର, ସରକାରୀ କାର୍ଯ୍ୟାଳୟ ଓ ସ୍କୁଲ ମଧ୍ୟ ବନ୍ଦ ରହିଥିଲା । ଏହି ବନ୍ଦ ପାଳନକୁ ତରଭା ବଣିକ ସଂଘ, ଡ଼୍ରାଇଭର ସଂଘ ଓ ସ୍ଥାନୀୟ ବୁଦ୍ଧିଜୀବୀ, ନାଗରିକ କମିଟି ପ୍ରଭୃତି ବିଭିନ୍ନ ସଂଘ ସମର୍ଥନ ଜଣାଇଥିଲେ । ତରଭା ସହର ଓ ଗ୍ରାମାଞ୍ଚଳରେ ମଧ୍ୟ ଦନ୍ଦର ପ୍ରଭାବ ଦେଖିବାକୁ ମିଳିଥିଲା । ଜନପ୍ରତିନିଧିଙ୍କ ପାଇଁ ସମସ୍ତେ ଆଗକୁ ଆସି ବନ୍ଦ ପାଳନକୁ ସମର୍ଥନ କରିଥିବାରୁ ସମସ୍ତଙ୍କୁ ପଞ୍ଚାୟତ ସମିତି ଅଧ୍ୟକ୍ଷ ସରୋଜ କମ୍ପ ଧନ୍ୟବାଦ ଦେଇଛନ୍ତି ।