17-Aug-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦା ସ୍ଥିତ ବାବା କପିଳେଶ୍ଵର ମନ୍ଦିରରେ କପିଳେଶ୍ଵର ଟ୍ରଷ୍ଟ ବୋର୍ଡ ଦ୍ଵାରା  ଆୟୋଜିତ ବୈଠକରେ  କପିଳେଶ୍ଵର ପୁରୋହିତ ସଂଘ ତରଫରୁ ନୂଆଁଖାଇ ଲଗ୍ନ ଧାର୍ଯ୍ୟ କରାଯାଇଅଛି । ସଂଘର ସଭାପତି ପଣ୍ଡିତ ଭାସ୍କର ପୁରୋହିତଙ୍କ ନେତୃତ୍ଵରେ ୧୦ ଜଣିଆ ପଣ୍ଡିତ ମହାସଭାରେ ଚଳିତ ନୂଆଁଖାଇର ଲଗ୍ନଧାର୍ଯ୍ୟ କରିଥିଲେ l ଆସନ୍ତା ସେପ୍ଟେମ୍ୱର ୨୮ ତାରିଖ ଗୁରୁବାର ଭାଦ୍ରବ ଶୁକ୍ଳ ପକ୍ଷ ଋଷି ପଞ୍ଚମୀ ତିଥି ସ୍ଵlତି ନକ୍ଷତ୍ର ତୁଳା ଲଗ୍ନ ମହେନ୍ଦ୍ର ବେଲା ଦିବା ୧୧ ଘଣ୍ଟା ୧୧ ମିନିଟ ଗତେ ୧୧ ଘଣ୍ଟା ୨୪ ମିନିଟ ମଧ୍ୟେ ବାବା କପିଳେଶ୍ୱର ଓ ଚରଦେଇଙ୍କ ଠାରେ ଲଗ୍ନ ଧାର୍ଯ୍ୟ କରାଯାଇଛି l ଏହି ଲଗ୍ନ ଅନୁଯାୟୀ ଅଧିଷ୍ଠାତ୍ରୀ ଦେବୀ ମା ଚରଦେଇଙ୍କ ଠାରେ ନୂଆଁ ଲାଗିଲା ପରେ ଅଞ୍ଚଳବାସୀ ନବାନ୍ନ ଭକ୍ଷଣ କରିବା ପାଇଁ ପଣ୍ତିତ ମହାସଭାରେ ସ୍ଥିର ହୋଇଛି l ବୈଠକରେ ଟ୍ରୁଷ୍ଟ ବୋର୍ଡ଼ ସଭାପତି ଅଶୋକ ପୃଷ୍ଟି, ରବିନାରାୟଣ ଥନାପତି,ଧିବର ବେରୀହା,ସଦାନନ୍ଦ ଥନାପତି, ଲକ୍ଷ୍ମଣ ଥନାପତି ପ୍ରମୁଖଙ୍କ ସମେତ ମନ୍ଦିର ସେବାୟତ ଉପସ୍ଥିତ ଥିଲେ l