09-Aug-2025

ଲୋଇସିଂହା, (ବିନୋଦ ଦୀପ) ଆଜି ସରକାରୀ ଉନ୍ନତି ବିଦ୍ୟାଳୟ ରତାଖଣ୍ଡିରେ ସଂସ୍କୃତ ସପ୍ତାହ ଦିବସ ପାଳନ କରା ଯାଇଥିଲା l ଉକ୍ତ ଉତ୍ସବରେ ମୁଖ୍ୟଅତିଥି ଭାବରେ ବିଦ୍ୟାଳୟ ର ପଞ୍ଚଶଖା ସେତୁ ଯୋଜନାର ଅଧ୍ୟକ୍ଷ ଭାଗରଥୀ ମେହେର ଉପସ୍ଥିତ ରହି ପିଲାମାନଙ୍କୁ ସଂସ୍କୃତର ମହତ୍ୱ ବିଷୟରେ ମନ୍ତବ୍ୟ ଦେଇଥିଲେ l ସମ୍ମାନିତ ଅତିଥି ଭାବେ ବିଦ୍ୟାଳୟ ଏସଏମସି ସଭାପତି  ବସନ୍ତ ବରିହା ଯୋଗଦେଇ ପିଲାମାନଙ୍କୁ ସଂସ୍କୃତ ର ଆବଶ୍ୟକତା ବିଷୟରେ ଟିପ୍ପଣୀ ପ୍ରଦାନ କଲେ l ସଂସ୍କୃତ ତଥା ଆଞ୍ଚଳିକ ସାଧନାକେନ୍ଦ୍ରର ସଂଯୋଜକ ସିଆରସିସି ସରୋଜ ପଧାନ ମୁଖ୍ୟବକ୍ତା ଭାବରେ ଯୋଗଦେଇ ଛାତ୍ରଛାତ୍ରୀଙ୍କୁ  ସଂସ୍କୃତ ତଥା ଭାରତୀୟ ସଂସ୍କୃତି ବିଷୟରେ ଦିଗଦର୍ଶନ ଦେଇଥିଲେ l ସମ୍ମାନିତ ଅତିଥି ଭାବରେ ମହକ ଟିଭି ଲୋଇସିଂହା ପ୍ରତନିଧି ମହେଶ କର ଓ ପ୍ରେରଣା ଖବର ପ୍ରତିନିଧି ବିନୋଦ ଦୀପ ଉପସ୍ଥିତ ରହି ପିଲାମାନଙ୍କୁ ସଂସ୍କୃତ ର ମହତ୍ୱ, ବର୍ତ୍ତମାନ ସମୟରେ ସଂସ୍କୃତ ର ପ୍ରଚାର ଓ ପ୍ରସାର ବିଷୟରେ ଜଣାଇବା ସହ ଆଗାମୀ ଦିନରେ ସଂସ୍କୃତ ରେ ପିଲା ଙ୍କ ସଫଳତା କାମନା କରିଥିଲେ l ସଭାର ସଭାପତି ଭାବରେ ବିଦ୍ୟାଳୟ ର ଭାରପ୍ରାପ୍ତ ପ୍ରଧାନ ଶିକ୍ଷକ ସରୋଜ କୁମାର ବରିହା ସମସ୍ତ ଙ୍କୁ ସଂସ୍କୃତର ମହତ୍ୱ ଓ ଗାରିମା ବିଷୟରେ ଦିଗଦର୍ଶନ ଦେଇଥିଲେ l ବିଦ୍ୟାଳୟର ସଂସ୍କୃତ ଶିକ୍ଷକ ଶ୍ରୀଯୁକ୍ତ ଲୋକନାଥ ସାହୁ ସଭା ସଂଚାଳନ କରିଥିଲେ l ଶେଷରେ ଗୋବର୍ଧନ ବେହେରା ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ l ଉତ୍ସବ କୁ ସୁଚାରୁ ସମ୍ପାଦନ ପାଇଁ ବିଦ୍ୟାଳୟ ର ଶିକ୍ଷକ ଶ୍ରୀ ରାମକୃଷ୍ଣ ପଣ୍ଡା, ଲୋଚନ ସାହୁ, ବୃନ୍ଦାବନ ଗଡ଼ତିଆ, ଶ୍ରୀ ବିଜୟ କୁମାର ପଧାନ, ସମାଜସେବୀ ତଥା ସହଯୋଗ ଶିକ୍ଷକ ଗୌତମ ମେହେର,  ଶମ୍ଭୁପ୍ରସାଦ ସାଏ ପଟେଲ, ସୁଶ୍ରୀ ସୁଭଦ୍ରା କୁମ୍ଭାର ସହଯୋଗ କରିଥିଲେ l