07-Aug-2025

ବଲାଙ୍ଗୀର (ପ୍ରେରଣା ଖବର): ଜିଲ୍ଲାସ୍ତରୀୟ ସ୍ଵାଧୀନତା ଦିବସ ପାଳନ ଅବସରରେ ବଲାଙ୍ଗୀର ରାମ ଗୋପାଳ ହିନ୍ଦୀ ଉଚ୍ଚ ବିଦ୍ୟାଳୟରେ ଜିଲ୍ଲାସ୍ତରୀୟ ହିନ୍ଦୀ ବିତର୍କ ପ୍ରତିଯୋଗିତା ଆୟୋଜିତ ହୋଇଥିଲା | ହିନ୍ଦୀ ସ୍କୁଲ  ଶିକ୍ଷା କମିଟି ଜିଲ୍ଲା ସଭାପତି ସନ୍ତୋଷ କୁମାର ଅଗ୍ରୱାଲ(ମୋଦୀ)ଙ୍କ ସହଯୋଗ ରେ ଆୟୋଜିତ ଏହି ପ୍ରତିଯୋଗିତାରେ ଛାତ୍ରମାନେ ହିନ୍ଦୀ ଭାଷା ମାଧ୍ୟମରେ 'କୃତ୍ରିମ ବୁଦ୍ଧିମତ୍ତା ଏକ ଆଶିର୍ବାଦ ନା ଅଭିଶାପ' ଶୀର୍ଷକ ବିଷୟବସ୍ତୁ 

ଉପରେ ନିଜର ବିବୃତ୍ତି ଦେଇଥିଲେ। ସ୍କୁଲର ଭାରପ୍ରାପ୍ତ ପ୍ରଧାନଶିକ୍ଷକ ଶ୍ରୀମତୀ ଅଳକା ବେହେରା ଅଧ୍ୟକ୍ଷତା କରିଥିଲେ । ବିଚାରକ ଭାବରେ  ସାପ୍ତାହିକ ଖବରକାଗଜ 'ପ୍ରେରଣା'ର ସମ୍ପାଦକ ରଘୁ ନନ୍ଦନ ସିଂହ,  ସାମ୍ବାଦିକ ପୱନ ଅଗ୍ରୱାଲ ଏବଂ ଜେ.ଏସ.ଏମ କଲେଜର ହିନ୍ଦୀ ବିଭାଗର 

ଅଧ୍ୟାପକ ସଦାଶିଵ ସାହୁ ବିଚାରକ ଭାବରେ ଉପସ୍ଥିତ ଥିଲେ । ଏହି ମଞ୍ଚକୁ ସ୍କୁଲର ହିନ୍ଦୀ ଶିକ୍ଷକ ସୁଶାନ୍ତ କୁମାର ନାୟକ ଏବଂ ଏହି ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀମତୀ ଅଲକା ବେହେରା ପରିଚାଳନା କରିଥିଲେ ଏବଂ ଅନ୍ୟ ଛାତ୍ର ଓ କର୍ମଚାରୀମାନେ ସହଯୋଗ କରିଥିଲେ। ବକ୍ତୃତା ପ୍ରତିଯୋଗିତାରେ ପଥରେଚେପl ଓଡ଼ିଶା ଆଦର୍ଶ ବିଦ୍ୟାଳୟର ଛାତ୍ର ଅନିକେତ ତ୍ରିପାଠୀ ପ୍ରଥମ ସ୍ଥାନ, ବିଶ୍ଵାତ୍ମ ବିଦ୍ୟା ମନ୍ଦିରର ଛାତ୍ରୀ ବିନ୍ଦିଆ ବେହେରା ଦ୍ଵିତୀୟ ସ୍ଥାନ ଓ  ରୋସନି ପବ୍ଲିକ ସ୍କୁଲର  ଶ୍ରୀମା ଶ୍ରୀପର୍ଣ୍ଣା ସାହୁ ତୃତୀୟ ସ୍ଥାନ ଅଧିକାର କରିଥିଲେ l ଶେଷରେ ବିଦ୍ୟାଳୟର  ଭାରପ୍ରାପ୍ତ ପ୍ରଧାନଶିକ୍ଷକ  ଅଳକା ବେହେରା ଧନ୍ୟବାଦ ଅର୍ପଣ କରିଥିଲେ। ମନୋହରପୁର ପ୍ୟାରେଡ ଗ୍ରାଉଣ୍ଡରେ ମୁଖ୍ୟ ଅତିଥିଙ୍କ ଦ୍ୱାରା ସ୍ୱାଧୀନତା ଦିବସରେ ସମସ୍ତ କୃତୀ ଛାତ୍ରଛାତ୍ରୀଙ୍କୁ ପୁରସ୍କାର ପ୍ରଦାନ କରାଯିବ ବୋଲି ସ୍କୁଲ ପକ୍ଷରୁ ସୂଚନା ଦିଆଯାଇଛି।