02-Aug-2025

ବଲାଙ୍ଗୀର(ପ୍ରେରଣା ଖବର): ଜଣେ ମେଳାପୀ ଓ ଅମାୟିକ ବ୍ଯକ୍ତି ଭବରେ ଜଣାଶୁଣା ପୂର୍ବତନ ବଲାଙ୍ଗୀର  ଟାଉନ୍ ଥାନା ଅଧିକାରୀ କୁଶ ପ୍ରସାଦ ମୁଣ୍ଡ ଙ୍କ ଗତକାଲି ୭୪ ବର୍ଷ ବୟସରେ ପରଲୋକ ହୋଇଯାଇଛି l ଶ୍ରୀ ମୁଣ୍ଡ କିଛି ଦିନ ହେଲା ଅସୁସ୍ଥତା ଯୋଗୁଁ ବେଙ୍ଗଲୋର ର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ l ୧୯୯୨ ରୁ ୨୦୦୩ ମଧ୍ୟରେ ବଲାଙ୍ଗୀର ଟାଉନ୍ ଥାନାରେ ବିଭିନ୍ନ ଅଧିକାରୀ ଭାବରେ କାର୍ଯ୍ୟ କରିବା ପରେ ବୌଦ୍ଧ ଡି ଏସ୍ ପି ଭାବରେ କାର୍ଯ୍ୟ କରି ଅବସର ଗ୍ରହଣ କରିଥିଲେ l ଆଜି କୁଶ ପ୍ରସାଦ ଙ୍କ ପାର୍ଥିବ ଶରିର ତାଙ୍କ ତୁଳସୀ ନଗର ସ୍ଥିତ ବାସଭବନକୁ ଅଣାଯାଇ ଥିଲା l ମୃତ୍ୟୁ ଶଯ୍ୟାରେ ତାଙ୍କର ଧର୍ମପତ୍ନୀ ବୀଣାପାଣି, ବୋହୂ ଉପାସନା,ଝିଅ ପ୍ରୀତିଲତା ଓ ନାତି ରୋହନ ଉପସ୍ଥିତ ଥିଲେ l ବଲାଙ୍ଗୀର ହାଟପଦା ପଡା ଶ୍ମଶାନ ଠାରେ ତଙ୍କର ଅନ୍ତିମ ସଂସ୍କାର କରାଯାଇଥିବା ବେଳେ ବଡ଼ପୁଅ ସାଗର ସମ୍ରାଟ ମୁଖାଗ୍ନି ଦେଇଥିଲେ l ନିଷ୍ଠାପର ପୋଲିସ ଅଧିକାରୀ କୁଶ ପ୍ରସାଦ ମୁଣ୍ଡ ଙ୍କ ପରଲୋକ ରେ ତୁଳସୀ ନଗର ଅଞ୍ଚଳରେ ଶୋକର ଛାୟା ଖେଳିଯାଇଛି