10-Oct-2020

ସମ୍ବଲପୁର ୧୦/୧୦(Sanjib Panigrahi) ଦେବଗଡ଼ ଜ଼ିଲ୍ଲା ତିଳେଇବଣି ବ୍ଲକ କଂସର ଆରଆଇ ସର୍କଲ ରେ କାର୍ଯ୍ୟରତ ଏଆରଆଇ ସୁଜିତ କୁମାର ବେହେରା ଙ୍କ ବିରୋଧ ରେ ବିବାହ ର ମିଥ୍ୟା ପ୍ରତିଶୃତି ଓ ଠକେଇ ଅଭିଯୋଗ ହୋଇଛି l ଏନେଇ ସମ୍ପୃକ୍ତ ଯୁବତୀ ଏବଂ ତାଙ୍କ ପରିବାର ପକ୍ଷରୁ ବୁଧବାର ଦେବଗଡ଼ ତହସିଲଦାର ଙ୍କ ନିକଟରେ ଅଭିଯୋଗ କରିଛନ୍ତି l ଅଭିଯୋଗ ଅନୁଯାୟୀ ଦେବଗଡ଼ ତହସିଲ କଂସର ଆରଆଇ ସର୍କଲ ରେ କାର୍ଯ୍ୟରତ ଏଆରଆଇ ସୁଜିତ କୁମାର ବେହେରା ଙ୍କ ସହିତ ସମ୍ବଲପୁର ଜ଼ିଲ୍ଲା ମାନେଶ୍ଵର ବ୍ଲକ ଗୁଲୁଣ୍ଡା ଗ୍ରାମର ଜୈନିକା ଯୁବତୀ ଙ୍କ ସହିତ ଗତ ୧୪ ଏପ୍ରିଲ ୨୦୨୦ ଦିନ ବିବାହ ସ୍ଥିର ହୋଇଥିଲା l ମାତ୍ର,କରୋନା ସଂକ୍ରମଣ ଯୋଗୁଁ ସେମାନଙ୍କ ବିବାହ ସାମୟିକ ଭାବେ ସ୍ଥଗିତ ରଖାଯାଇ ଥିଲା l ଏହା ପରେ ଆଗାମୀ ଡିସେମ୍ବର ୧ ତାରିଖ ବିବାହ ପାଇଁ ସ୍ଥିରୀକୃତ ହୋଇଛି l ମାତ୍ର ବିବାହ ପାଇଁ  ଏଆରଆଇ ସୁଜିତ କୁମାର ବେହେରା ଓ ତାଙ୍କ ପରିବାର ବର୍ଗ ପକ୍ଷରୁ ଏବେ ବିବାହ ପାଇଁ ମନା କରିଦେଇଛନ୍ତି l ଫଳରେ ଯୁବତୀ ଜଣକ ଦେବଗଡ଼ ତହସିଲଦାର ଙ୍କ ଠାରେ ଅଭିଯୋଗ କରିଛନ୍ତି l ବିବାହ ଠିକ ହେବା ପରେ ସମ୍ପୃକ୍ତ ଯୁବତୀ ଙ୍କ ପରିବାର ପକ୍ଷରୁ ବିବାହ କାର୍ଡ଼ ସହିତ ସମସ୍ତ ସାମଗ୍ରୀ କିଣା ସରିଛି l