30-Jul-2025

ଅତାବିରା(ଆକାଶ ମିଶ୍ର) ବରିଷ୍ଠ ନାଗରିକଙ୍କ ପାଇଁ ମହାନଦୀ ଭିଜନ ସେଣ୍ଟର୍ ,ଅତାବିରା ପକ୍ଷରୁ ଆଜି ଏକ ମାଗଣା ଚକ୍ଷୁ ଶିବିର ଅନୁଷ୍ଠିତ ହୋଇ ଯାଇଛି  ।ଚକ୍ଷୁ ରୋଗ ବିଶେଷଜ୍ଞ ଡଃ ପ୍ରଭାତ ଓ ଡଃ ଦେବାଶିଷ ମେହେର  ଏହି ଶିବିରରେ ଚକ୍ଷୁ ପରୀକ୍ଷା କରିଥିଲେ । ଗ୍ଲୁକୋମା, ଦୃଷ୍ଟିପଟଳ ସ୍କାନିଂ ସମ୍ବନ୍ଧୀୟ ରୋଗ ଗୁଡ଼ିକର ପରୀକ୍ଷା କରାଯାଇଥିଲା ।  ଆବଶ୍ୟକ ସ୍ଥଳେ   ମାଗଣାରେ ଔଷଧ ଓ ଚଷମା ପ୍ରଦାନ କରାଯାଇଥିଲା । ନିତି ଆୟୋଗ ର ସୂଚନା ଅନୁସାରେ ୬୦ ବର୍ଷରୁ ଅଧିକ ବୟସ୍କ  ବ୍ୟକ୍ତି ଙ୍କ ମଧ୍ୟରୁ ମାତ୍ର ୧୮ ପ୍ରତିଶତ ଲୋକଙ୍କ ପାଖରେ ରହିଛି ସ୍ବାସ୍ଥ୍ୟ ବୀମା।ମାସିକ ଖର୍ଚ୍ଚର ୧୩ ପ୍ରତିଶତ ସ୍ୱାସ୍ଥ୍ୟ ପାଇଁ ସେମାନେ  ବ୍ୟୟ କରୁଛନ୍ତି।ଅବସର ପରେ ଖରାପ ହେଉଛି ସେମାନଙ୍କ  ଆର୍ଥିକ ସ୍ଥିତି।ଦୈନିକ ଖର୍ଚ୍ଚ ତୁଲାଇବା ପାଇଁ ଅନ୍ୟ ଉପରେ ନିର୍ଭରଶୀଳ ୭୦ ପ୍ରତିଶତ ବୟସ୍କ ।
ସବୁଠୁ ବଡ଼ କଥା ହେଉଛି, ଯେଉଁ ବୟସରେ ସ୍ୱାସ୍ଥ୍ୟସେବା ଅଧିକ ଆବଶ୍ୟକ, ୮୦ ପ୍ରତିଶତରୁ ଅଧିକ ବ୍ୟକ୍ତିଙ୍କ ପାଖରେ

ସ୍ବାସ୍ଥ୍ୟ ବୀମା  ସୁବିଧା ନାହିଁ ।ତେଣୁ ବରିଷ୍ଠ ନାଗରିକ ଙ୍କ ପାଇଁ ଏହି ମାଗଣା ଚକ୍ଷୁ ପରୀକ୍ଷାର ଆୟୋଜନ  ପାଇଁ ମହାନଦୀ ଭିଜନ ସେଣ୍ଟର କୁ ବରିଷ୍ଠ ନାଗରିକ ମହଲରେ ସାଧୁବାଦ୍  ଜଣା ଯାଇଛି।ବରିଷ୍ଠ ନାଗରିକ ସଂଘର ସଭାପତି ଭାରତ ଚନ୍ଦ୍ର ପ୍ରଧାନ, ସମ୍ପାଦକ ରଘୁନାଥ ବିଶ୍ଵାଳ, ଯୁଗ୍ମ ସମ୍ପାଦକ ଲେଶଦେବ ପ୍ରଧାନଙ୍କ ମାଧ୍ୟମରେ ୧୦୦ରୁ ଉର୍ଦ୍ଧ୍ବ ନାଗରିକ ଶିବିରରେ ଯୋଗ ଦେଇଥିଲେ ।ସେମାନଙ୍କ ମଧ୍ୟରୁ  ୬୦ ଜଣ ଙ୍କ ଚକ୍ଷୁ ପରୀକ୍ଷା  କରାଯାଇ ଔଷଧ ଓ ଚଷମା ମାଗଣାରେ ଦିଆଯାଇଥିଲା ।