28-Jul-2025

ଡୁଙ୍ଗୁରିପାଲି(ଅରବିନ୍ଦ ମିଶ୍ର): ରାମପୁର ପୁଲିସ ପକ୍ଷରୁ ଏକ ଗଞ୍ଜେଇ ଚାଲାଣ ବେଳେ ଜଣକୁ ଧରି ଗିରଫ କରି ଆଜି କୋର୍ଟ ଚାଳାଣ କରିଥିବା ଜଣାଯାଏ । ରାମପୁର ପୁଲିସ ପକ୍ଷରୁ ମିଳିଥିବା ସୂଚନା ଅନୁସାରେ ବୌଦ୍ଧ ଜିଲ୍ଲା ବାଘମୁନା ଗ୍ରାମର ଜଣେ ବ୍ୟକ୍ତି ରମେଶ ଗୁରୁ (୩୪) ଏକ ବାଇକ ଯୋଗେ ଗଞ୍ଜେଇ ନେଇ ରାମପୁରକୁ ଆସୁଥିବା ଥାନାଧିକାରୀ ପଦ୍ମାସିନୀ ମେହେର କୌଣସି ସୂତ୍ରରୁ ଖବାର ପାଇଥିଲେ । ତାଙ୍କ ନିର୍ଦ୍ଦେଶ କ୍ରମେ ରାମପୁର ପୁଲିସ ଏକ ଦଳ ପିଛା କରିଥିଲେ ।ରାମପୁର କେନାଲ ନିକଟରେ ତାଙ୍କୁ ଅଟକ ରଖ୍ ବାଇକ କୁ ୟାଂଚ କରିଥିଲେ ।ତାଙ୍କ ନିକଟରୁ ୩କେଜି ୩ଶହ ଗ୍ରାମ ଗଞ୍ଜେଇ ସହିତ ଏକ ବାଇକ ଓଡି ୩୧ଜି ୯୬୨୬, ଗୋଟିଏ ମୋବାଇଲ ଏବଂ ଏକ ହଜାର ଟଙ୍କା ଜବତ କରିଥିଲେ । ରାମପୁର ଥାନାରେ ଏହାକୁ ନେଇ ଏକ ମାମଲା ରଜୁ ହୋଇ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଥିବା ଥାନାଧିକାରୀ ପଦ୍ମାସିନୀ ମେହେର ପ୍ରକାଶ କରିଛନ୍ତି ।