26-Jul-2025

ଅତାବିରା(ଆକାଶ ମିଶ୍ର): ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ  କୁଲିତା ଟୁକୁରା ଗ୍ରାମର ଯୁବ ପର୍ବତାରୋହୀ ଆଶୀର୍ବାଦ (ଅନୁପ) ମହାପାତ୍ର ଆଗାମୀ ଅଗଷ୍ଟ ୨, ୨୦୨୫ ତାରିଖ ଦିନ ଦକ୍ଷିଣ ଆଫ୍ରିକା ର କିଲିମାଞ୍ଜାରୋ ଅଭିମୁଖେ ପର୍ବତାରୋହଣ ପାଇଁ ଯାତ୍ରା କରିବେ । ପ୍ରଥମେ ସେ ଭୁବନେଶ୍ୱର ରୁ ଫ୍ଲାଇଟ ରେ ମୁମ୍ବାଇ ଯିବେ ଓ ତା ପରେ  ଇଥିଓପିଆ, ଆଦିସବାବା ରୁ  କିଲମାଞ୍ଜାରୋ  ଅଭିମୁଖେ ଯିବେ ବୋଲି ଜଣା ପଡିଛି । ତାଙ୍କ ଦଳରେ ଅଛନ୍ତି  ଲଣ୍ଡନ, ଆମେରିକା, ଇରାନ, ବ୍ରାଜିଲ,ଜର୍ମାନ, ଋଷିଆ ଓ ସାଉଦି ଆରବ ,ଦୁବାଇ ର ପର୍ବତାରୋହୀ ମାନେ। ଭାରତୀୟ ଭାବେ କେବଳ  ଆଦର୍ଶ ଏହି ପର୍ବତ ଆରୋହଣ ପାଇଁ ମନୋନୀତ ହୋଇଛନ୍ତି  ଜବାହର ଇନଷ୍ଟିଚ୍ୟୁଟ ଅଫ ମାଉଣ୍ଟରିଂ ,ପେହେଲଗାଁ ,କାଶ୍ମୀର ପକ୍ଷରୁ । ପିଲାଟି ଦିନରୁ ଏନ୍ ସି ସି ରେ ଯୋଗ ଦେଇ ମଉଣ୍ଟରିଂ ପ୍ରତି ତାଙ୍କର ଆଗ୍ରହ ରହିଥିଲା  ଏହା ପୂର୍ବରୁ  ସେ ଟାଟାକୋଠୀ,ହରମୁଖ,ତ୍ରିଶୂଲ,ନୀଳକଣ୍ଠ,ସନ୍ ସେଟ୍,ଗୋଲ୍ଡ ଟପ୍, ଟେବୁଲ୍ ଟପ୍, ସ୍ଲିପିଂଲେଡି ମାଉନଟେନ୍ ଆଦି ଆରୋହଣ କରି ଦେଶ ପାଇଁ ଗୌରବ ଅର୍ଜନ କରିଛନ୍ତି ।  ବର୍ତ୍ତମାନ୍ ସେ ଦକ୍ଷିଣ ଆଫ୍ରିକା ରେ କିଲିମାଞ୍ଜାରୋ ପର୍ବତ ଯାହାର ଉଚ୍ଚତା ୫୮୮୫ ମିଟର ,ତାହା
 ଆରୋହଣ କରିବା ପାଇଁ ଶାରୀରିକ ଓ ମାନସିକ ସ୍ତରରେ ପ୍ରସ୍ତୁତି  ହେଉଛନ୍ତି ଖୁବ୍ ଉତ୍ସାହର ସହ ।  ମାଉଣ୍ଟରୀଙ୍ଗ ଇନଷ୍ଟିଚ୍ୟୁଟ୍ ର   କ୍ୟାପଟେନ ସୌକତ ଅଲି ଙ୍କ  ତତ୍ତ୍ଵାବଧାନରେ ଏହି ଦୁଃସାହସିକ ପର୍ବତାରୋହଣ କରିବେ।
ସେ ତାଙ୍କ ପ୍ରତିକ୍ରିୟାରେ କହିଛନ୍ତି କି ପର୍ବତାରୋହଣ ତାଙ୍କ ବାଲ୍ୟକାଳ ସ୍ବପ୍ନ ଥିଲା ଓ ଏବେ ସେ ନିଜ ସ୍ବପ୍ନ କୁ ଜିଉଁଛନ୍ତି । ଆଉ ମଧ୍ୟ ସେ ପ୍ରତ୍ୟାବର୍ତ୍ତନ ପରେ ଭାରତରେ ଆଗାମୀ ଭବିଷ୍ୟତ ପୀଢ଼ିଙ୍କୁ ପର୍ବତାରୋହଣ ବିଷୟରେ ଅବଗତ କରେଇବା ତଥା ଆବଶ୍ୟକସ୍ଥଳେ ଉଚିତ ତାଲିମ ପ୍ରଦାନ କରି ଭାରତର ନାମ ବିଶ୍ୱ ଦରବାରରେ ଚମକେଇବେ ବୋଲି ପ୍ରକାଶ କରିଛନ୍ତି । ତେବେ ତାଙ୍କର ଏହି ପର୍ବତାରୋହଣ  ଦେଶ ତଥା ଅଞ୍ଚଳ ପାଇଁ ଏକ ଗର୍ବ ଓ ଗୌରବ ଆଣିଛି ।କିଲୀମାଞ୍ଜାରୋ  ର ଶିଖର ରେ ଉଡ଼ାଇବେ ଭାରତୀୟ ତ୍ରିରଙ୍ଗା । ଏ ନେଇ ତାଙ୍କୁ ବିଭିନ୍ନ ମହଲ ରୁ ଅଭିନନ୍ଦନ ଓ ଶୁଭେଚ୍ଛା ର ସୁଅ ଛୁଟୁଛି ।