15-Jul-2025

ବୋଡ଼େନ (ରାମନାଥ ପଣ୍ଡା)
ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ ନାଗପଡା ପଞ୍ଚାୟତରେ ଅଛି ଉପକା ଗଙ୍ଗା ଏକ ତୀର୍ଥ ସ୍ଥଳୀ , ଏଇଠି ଅଛନ୍ତି ପ୍ରଭୁ ଜଗନ୍ନାଥଙ୍କ ମନ୍ଦିର ଓ ଭଗବାନ  ଶିବଙ୍କ ମନ୍ଦିର ।ଘଞ୍ଚ ଜଙ୍ଗଲ ଓ ନଦୀ ନାଳ ଘେରା ତଥା ସୁନାବେଡା ଅଭୟାରଣ୍ୟ ସହିତ ଲାଗିରହିଥିବା ଏହି ଅଞ୍ଚଳ ବିଶେଷ କରି ଅନୁସୂଚିତ ଜାତିର ଲୋକଙ୍କ ବାସ ସ୍ଥଳୀ ।ଏଠାକାର ପ୍ରାକୃତିକ ଦୃଶ୍ୟ ମନକୁ କିଣି ନେଇଥାଏ ବୋଲି  ଅନେକ ସମୟରେ ଲୋକ ଏଠିକୁ ଆସନ୍ତି,ଇଂରାଜୀ ନବ ବର୍ଷରେ ବହୁତ୍ ଭିଡ଼ ଦେଖାଯାଏ,ଶ୍ରାବଣ ମାସରେ ଶୈବ ଭକ୍ତ ଭିଡ ଜମାନ୍ତି,ଶ୍ରୀଜଗନ୍ନାଥଙ୍କ ରଥ ଯାତ୍ରା ହଜାର ହଜାର ଲୋକଙ୍କ ସମାଗମରେ ଏଇଠି ଅନୁଷ୍ଠିତ ହୁଏ ।ଖୋଲି ଭିତର,ଛୁଇଁ ପାଣି ଓ ଭୁଇ ପାଣି ଗ୍ରାମର ଲୋକ ଯେତେବେଳେ କୌଣସି କାମରେ ଅନ୍ୟତ୍ର ଯାଇଥାନ୍ତି ଓ ଫେରନ୍ତି କିନ୍ତୁ ତାଙ୍କ ଘରକୁ ଯାଇପାରି ନଥାଆନ୍ତି କାରଣ ଟିକିଏ ବର୍ଷାରେ ନଦୀ ନାଳ ଉଛୁଳି ପଡ଼େ ବୋଲି ଏହି ଆଦିବାସୀ ଭାଇ ଭଉଣୀ  ବାଧ୍ୟ ହୋଇ ଉପକା ଗଙ୍ଗାରେ ଥିବା ବିଶ୍ରାମ ଗୃହରେ ଆଶ୍ରୟ ନିଅନ୍ତି ।କିଛି ସମୟ ପାଇଁ ଅବା ଦିନେ ଦୁଇଦିନ ତାଙ୍କ ପରିବାର ସହିତ ଯୋଗାଯୋଗ କରି ପାରିନଥାଆନ୍ତି ।ଲୋକ ଆଶ୍ରୟ ନେଉଛନ୍ତି ,ବିଭିନ୍ନ କାର୍ଯ୍ୟକ୍ରମ ହେଉଛି କିନ୍ତୁ ବିଦ୍ୟୁତିକରଣ ହୋଇ ନାହି ତେଣୁ ଏହି ତୀର୍ଥ ସ୍ଥଳରେ ବିଦ୍ୟୁତିକରଣ କରିବା ସହିତ ଓଡ଼ିଶା ସରକାର ଉପକା ଗଙ୍ଗାର ଉନ୍ନତି କରଣ ଓ ଏହାକୁ ଓଡ଼ିଶାର ପର୍ଯ୍ୟଟନ ସ୍ଥଳୀ ଭାବରେ ମାନ୍ୟତା ଦିଅନ୍ତୁ ବୋଲି ସାଧାରଣରେ ଦାବୀ ହେଉଛି ।