15-Jul-2025

ବୋଡ଼େନ - (ରାମନାଥ ପଣ୍ଡା)
ବୋଡ଼େନ ବ୍ଲକର ଚାଷୀ ହତାଶ ହେବାରେ ଲାଗିଲାଣି ।ଶ୍ରାବଣ ମାସ ହୋଇଯାଇଛି ହେଲେ ଚାଷୀ ତା'ର ଚାଷରେ ପଛେଇ ଯିବାକୁ ବାଧ୍ୟ କରି ପକାଇଛି ପ୍ରକୃତି । ଧାନ ବୁଣିଦେଲା ପରେ ଗଛ ବଢିଲା କିନ୍ତୁ ବେଉଷଣ କରିପାରୁନି ଚାଷୀ କାରଣ ନା ଅଛି ତା ପାଖରେ ଜଳ ସେଚିତ ଜମି ନା ଅଛି କେନାଲ ପାଣି, କେବଳ ଆକାଶକୁ ଅନେଇ  ମେଘକୁ ଦେଖିବା ବ୍ୟତୀତ ଅନ୍ୟ ଉପାୟ ନାହିଁ ଚାଷୀର। ଯେଉଁ ଧାନ ଟିକକ ବୁଣିଥିଲା ଆଉ ଆଶା କରିଥିଲା ଫସଲ କାଟି ପରିବାରର ଭୋକ ମେଣ୍ଟାଇବ ବୋଲି ସେହି ଧାନ  ପାଣି ଅଭାବରେ ବର୍ତ୍ତମାନ ଠାରୁ ହଳଦିଆ ଦେଖାଦେଲାଣି । କିଛି ଚାଷୀଙ୍କ ଜମିରେ ଡିପ ବୋର୍ ୱେଲ୍  ଖୋଲା ଯାଇଛି କିନ୍ତୁ ସୋଲାର ବ୍ୟବସ୍ଥା କରୁନି ନିର୍ଦ୍ଧିଷ୍ଟ ବିଭାଗ । ବିଭାଗୀୟ ଅଧିକାରୀମାନଙ୍କ ଏହି ଅବହେଳା କିଛି ଚାଷୀଙ୍କୁ ଆହୁରି ଅଡ଼ୁଆରେ ପକାଇଛି ।ଯଦି ସୋଲାର ବ୍ୟବସ୍ଥା ପାଇପାରିଥାଆନ୍ତା ଚାଷୀ ତେବେ ବୁଡି ଯାଉଥିବା ଚାଷକୁ ପୁନର୍ବାର ଜୀବିତ କରି ପାରନ୍ତା କିନ୍ତୁ ତାହା ମଧ୍ୟ ହୋଇ ପାରୁନି ।ଜିଲ୍ଲାପାଳ ଏଥି ପ୍ରତି ଦୃଷ୍ଟି ଦେବା ସହିତ ସମସ୍ୟାର ତୁରନ୍ତ।ସମାଧାନ କରିବାକୁ ଚାଷୀକୁଳ ଦାବୀ କରୁଛନ୍ତି ।