08-Jul-2025

ଭଟଲି(ପ୍ରେରଣା ଖବର): ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, କାଶିପାଲି ଠାରେ  ଆଜି ବନମହୋତ୍ସବ ଉତ୍ସବ ପାଳିତ ହୋଇ ଯାଇଛି । ଏହି ବର୍ଷର ବିଷୟ ଥିଲ "ପ୍ରତି ମାଆ ପାଇଁ ଗଛଟିଏ" ।  ଏହି କାର୍ଯ୍ୟକ୍ରମରେ ଛାତ୍ରଛାତ୍ରୀ, ଶିକ୍ଷକ, ଜଙ୍ଗଲ ଓ ପରିବେଶ ବିଭାଗର ଅଧିକାରୀ, ସାମାଜିକ କର୍ମୀ, ଗ୍ରାମବାସୀ ଓ ଯୁବ ସଭ୍ୟମାନେ ଅଂଶଗ୍ରହଣ କରିଥିଲେ।ଜଙ୍ଗଲ ଓ ପରିବେଶ ବିଭାଗର ଫରେଷ୍ଟର ରାଜେନ୍ଦ୍ର କୁମାର ସିଂହ ଫରେଷ୍ଟ ଗାର୍ଡ ଓ ଗୟାଧର ଭୁଏ ଙ୍କ ଉପସ୍ଥିତିରେ କାର୍ଯ୍ୟକ୍ରମ ଆରମ୍ଭ ହୋଇଥିଲା। ସେମାନେ ପରିବେଶ ସୁରକ୍ଷା ଓ ବୃକ୍ଷରୋପଣର ଆବଶ୍ୟକତା ବିଷୟରେ ଅନେକ ମୂଲ୍ୟବାନ ତଥ୍ୟ 

ଉପସ୍ଥାପନ କରିଥିଲେ| ଜଙ୍ଗଲ ସୁରକ୍ଷା ଦଳର ଶୁଭମ ନାୟକ, କିଶୋର ବାଗ ଓ ଅମିତ ଭୋରାସାଗର ମଧ୍ୟ କାର୍ଯ୍ୟକ୍ରମରେ ଯୋଗ ଦେଇ ଗଛ ଲଗାଇବାରେ ସାମିଲ ହୋଇଥିଲେ l ବିଦ୍ୟାଳୟର ପ୍ରଧାନଶିକ୍ଷକ  ସୁଦାମ ସେଟ ଅତିଥି ଅଭ୍ୟାଗତ ଙ୍କୁ ସ୍ଵାଗତ କରି ଏହି କାର୍ଯ୍ୟକ୍ରମର ଉଦ୍ଦେଶ୍ୟ ବୁଝାଇଥିଲେ।  ସେ ବର୍ଣ୍ଣନା କରିଥିଲେ ଯେ ବିଦ୍ୟାଳୟରେ ପଢ଼ାପାଠ ସହିତ ପରିବେଶ ସଚେତନତା ମଧ୍ୟ ଅତ୍ୟନ୍ତ ଆବଶ୍ୟକ । ବିଦ୍ୟାଳୟ ପରିଚାଳନା କମିଟିର ସଭାପତି ପବିତ୍ର ମହାପାତ୍ର ଓ ସଦସ୍ୟ ରମେଶ ପଧାନ ଏହି କାର୍ଯ୍ୟକ୍ରମକୁ ସଫଳ କରିବାରେ ଅଗ୍ରଣୀ ଭୂମିକା ଗ୍ରହଣ କରିଥିଲେ l 

ଗ୍ରାମବାସୀ ମାନଙ୍କ ମଧ୍ୟରୁ ରାମକୃଷ୍ଣ ଦାଶ, ନାରାୟଣ ମହାପାତ୍ର, ସାମାଜିକ କର୍ମୀ ଲବ ସା, ସଞ୍ଜୟ ନାୟକ ଓ ନିହାର ରଞ୍ଜନ ସାହୁ ଯୋଗ ଦେଇଥିଲେ | ଏହି କାର୍ଯ୍ୟକ୍ରମରେ ଯୁବକ ଦୟାନିଧି ମହାପାତ୍ର ମଧ୍ଯ  ଅଂଶଗ୍ରହଣ କରିଥିଲେ। 

ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ଏହି କାର୍ଯ୍ୟକ୍ରମକୁ ସଫଳ କରିବା ପାଇଁ ମିଳିତ ସହଯୋଗ କରିଥିଲେ । ଏହି ବର୍ଷର ବନମହୋତ୍ସବ କାର୍ଯ୍ୟକ୍ରମ କାଶିପାଲି ଗାଁରେ ପରିବେଶ ସୁରକ୍ଷା, ସାମୂହିକ ଏକତା ଓ ମାତୃତ୍ୱ ପ୍ରତି ଆଦର କରିବାରେ ଗୁରୁତ୍ୱାରୋପ କରାଯାଇଥିଲା।