06-Jul-2025

ଡୁଙ୍ଗୁରିପାଲି:  ଶିଶୁ, ପ୍ରସୂତୀ, ଗର୍ଭବତୀ ଏବଂ କିଶୋରୀ ବାଳିକାମାନଙ୍କ ସ୍ବାସ୍ଥ୍ୟ ପାଇଁ ସରକାର ବିଭିନ୍ନ ଯୋଜନା କରିଛନ୍ତି। ସେଥୁମଧ୍ଯରେ ମହିଳା ଶିଶୁ ବିକାଶ ମାଧ୍ୟମରେ ଛତୁଆ, ଚଣା, ମୁଢି, ଖଜୁରୀ ପ୍ରଦାନ କରାଯାଇଥାଏ। ଏଥିପାଇଁ ପ୍ରସାଶନ ପକ୍ଷରୁ ଏକ ସୂୟଂସହାୟକ ଗୋଷ୍ଠୀକୁ ଦାୟିତ୍ବ ପ୍ରଦାନ କରାଯାଇଛି। ପୂର୍ବର ଗୋଷ୍ଠୀମାନଙ୍କୁ ବାଦ ଦେଇ ସରକାର ବଦଳିବା ପରେ ନୁତନ ଗୋଷ୍ଠୀଙ୍କୁ ଏହି ଦାୟିତ୍ୱ ପ୍ରଦାନ କରାଯାଇଛି। ଏହି ବ୍ଲକରେ ଆଜି ପର୍ଯ୍ୟନ୍ତ ସଠିକ ଭାବରେ ଏହା ବଣ୍ଟନ କରାଯାଇନଥିବା ଅଭିଯୋଗ ହୋଇଛି। ପ୍ରତ୍ୟେକ ମାସ ୨୩ ତାରିଖରେ ଛତୁଆ ପ୍ରସ୍ତୁତି ପାଇଁ ମିଶ୍ରଣ କରାଯାଇଥାଏ। ଉକ୍ତ ଛତୁଆ ପ୍ରତ୍ୟେକ ମାସର ପ୍ରଥମ ସପ୍ତାହରେ ବଣ୍ଟନ କାର୍ଯ୍ୟ ସମାପ୍ତ ହୋଇଥାଏ। ଚାରିଦିନ ପରେ ଦୁଇ ମାସ ହେବ ଛତୁଆରୁ ବଞ୍ଚିତ ରହିବେ। ଆହୁରି ମଧ୍ୟ କେତେକ ଗ୍ରାମରେ ବଣ୍ଟନ କରାଯାଇଥିବା ଚଣା ଏବଂ ମୁଢିରେ ନିର୍ଦ୍ଧାରିତ ଓଜନଠାରୁ କମ୍ ରହିଥ‌ିବା ଅଭିଯୋଗ ହୋଇଛି। ଚଣାରେ ୩ଶ ଗ୍ରାମ ପାଖାପାଖ ଏବଂ ମୁଢିରେ ୨୫୦ ଗ୍ରାମ କମ୍ ରହୁଥ‌ିବା ମଧ୍ଯ ଅଭିଯୋଗ ହୋଇଅଛି। ଏ ସଂପର୍କରେ ବିଡିଓ ଏବଂ ସ୍ଥାନୀୟ ମହିଳା ଶିଶୁ ବିକାଶ ବିଭାଗର ଅଧିକାରୀ ମାନଙ୍କୁ ପଚାରିବାରୁ ନୂତନ ଭାବେ ଏକ ଏସଏଚଜି ଦାୟିତ୍ଵ ନେଇଥିବାରୁ ଏଭଳି ହୋଇଅଛି। ପରେ ଏହା ସୁଧୁରି ଯିବ ବୋଲି କହିଥିଲେ। ପ୍ରଶାସନ ଅନଭିଜ୍ଞ ଏସଏଚଜି ହାତରେ ଏଭଳି ଏକ ଗୁରୁତ୍ବପୂର୍ଣ୍ଣ ଯୋଗାଣ ଟେକି ଦେବା ଦ୍ଵାରା ଏଭଳି ଅଭାବନୀୟ ପରିସ୍ଥିତି ସୃଷ୍ଟି ହେଉଥିବା ଅଭିଯୋଗ ହେଉଛି। ଉକ୍ତ ଏସଏଚଜି ବନ୍ଧପାଲି ଗ୍ରାମର ହୋଇଥିବା ବେଳେ ଏ ସଂପର୍କରେ ସେଠାକାର ସରପଞ୍ଚଙ୍କୁ ପଚାରିବାରୁ ଭକ୍ତ ଏସଏଚଜି ମୋ ସ୍ତ୍ରୀଙ୍କ ନାଁରେ ଅଭିଯୋଗ ଅଣାଯାଇଛି । ଆମେ ପ୍ରଥମ ହୋଇ ଏହି କାମ କରୁଥିବାରୁ ବିଳମ୍ବ ହୋଇଛି। ସାମାନ ସବୁ ଅଛି। ବଣ୍ଟନରେ ବିଳମ୍ବ ହେବା କଥା ସ୍ୱୀକାର କରିଥିଲେ l ଓଜନ ବାବଦରେ କେତେ ରହିବ ସେ ଠିକ ଭାବରେ ଜାଣି ନଥିବାରୁ ଏଭଳି ହୋଇଅଛି ବୋଲି କହିଥିଲେ। ପରବର୍ତ୍ତି ସମୟରେ ଠିକ୍ ଭାବରେ ବଣ୍ଟନ କରାଯିବ ବୋଲି ସେ ତାଙ୍କ ପ୍ରତିକ୍ରିୟାରେ ପ୍ରକାଶ କରିଛନ୍ତି।