05-Jul-2025

ସିନାପାଲି (ଚିନ୍ତାମଣି  ନେତାମ)
ରାଜ୍ୟ ସରକାର ପ୍ରାଥମିକ  ଓ ମାଧ୍ୟମିକ  ଶିକ୍ଷାକୁ ଗୁରୁତ୍ୱ ଦେଇ  ଓଡିଶାର ଗରିବ ଆଦିବାସୀ ହରିଜନ ଜାତିର ପୁଅ ଓ ଝିଅ  ମାନଙ୍କ  ଶିକ୍ଷା ର  ବିକାଶ ପାଇଁ   ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରି   ଶହେ ଶଯ୍ୟା ବିଶିଷ୍ଟ   ଆଦିବାସୀ   ହରିଜନ ଛାତ୍ରୀ ନିବାସ ନିର୍ମାଣ କରିଛନ୍ତି  ହେଲେ   ଅନେକ ଜାଗାରେ   ତାହା  କାର୍ଯ୍ୟରେ ଆସୁନାହିଁ  l ଯାହା ଫଳରେ  କି  ଭୁତ କୋଠି ପାଲଟୁଛି ଛାତ୍ରୀ ନିବାସ  l  ନୂଆପଡା ଜିଲ୍ଲା ସିନାପାଲି ବ୍ଲକ ନୀଳଜି ହାଇସ୍କୁଲ ପରିସରରେ  ନିର୍ମିତ   ହୋଇଥିବା  ଶହେ ଶଯ୍ୟା ବିଶିଷ୍ଟ  ଆଦିବାସୀ  ହରିଜନ ଛାତ୍ରୀ ନିବାସ  ସୁନ୍ଦର ଦୃଶ୍ୟମାନ  ହୋଇଥିବା ବେଳେ   ଦୀର୍ଘ ବର୍ଷ ହେବ  କେଉଁ ସ୍ୱାର୍ଥରେ କାର୍ଯ୍ୟକ୍ଷମ କରୁନାହାନ୍ତି  ଜିଲ୍ଲା ପ୍ରଶାସନ ?    ଦୀର୍ଘ ବର୍ଷ ହେବ ଲକ୍ଷ ଲକ୍ଷ  ଟଙ୍କାରେ ନିର୍ମାଣ ହୋଇଥିବା ହଷ୍ଟେଲ କାର୍ଯ୍ୟ କ୍ଷମ ଠପ୍  ହୋଇଥିବା  ଯୋଗୁଁ  ଏ ଅଞ୍ଚଳର ଜନସାଧାରଣଙ୍କ  ମନରେ  କ୍ଷୋଭ ଜାତ ହେଉଛି   l ଜିଲ୍ଲା ପ୍ରଶାସନ କାହିଁକି  ଦୃଷ୍ଟି  ଦେଉନାହାନ୍ତି, ତାହା ଲୋକଙ୍କ ମନରେ  ଅନେକ ପ୍ରଶ୍ନବାଚୀ  ସୃଷ୍ଟି କରୁଛି  l ଅତି ପରିତାପର  ବିଷୟ କି  ସେହି ହଷ୍ଟେଲରେ ଛାତ୍ରଛାତ୍ରୀ ମାନେ  ନ ରହୁଥିଲେ  ମଧ୍ୟ  ମରାମତି ପାଇଁ ପ୍ରତି ବର୍ଷ  ଲକ୍ଷ ଲକ୍ଷ ଟଙ୍କା  ମଞ୍ଜୁର କରି ଆତ୍ମସାତ କରୁଥିବା  ମଧ୍ୟ  ଅଭିଯୋଗ ହେଉଛି  l  ତେବେ  ଦେଖିବାକୁ ବାକିରହିଲା  କେବେ ଜିଲ୍ଲା ପ୍ରଶାସନ  ଏହି  ଛାତ୍ରୀ ନିବାସକୁ କାର୍ଯ୍ୟକ୍ଷମ କରିବେ ଓ ଗରିବ ଆଦିବାସୀ ହରିଜନଙ୍କ  ମୁହଁରେ ହସ ଫୁଟାଇବେ  l