05-Jul-2025

ଯାଜପୁର/ବରୀ(ରଞ୍ଜିତ ମହାନ୍ତି): ବୟସ ମାତ୍ର ତିନି ବର୍ଷ । କିନ୍ତୁ  ସ୍ମରଣ ଶକ୍ତି  ପ୍ରଖର। ନିଜ  ଜ୍ଞାନ  ଗାରିମା ପାଇଁ  ଇଣ୍ଡିଆ ବୁକ ଅଫ ରେକର୍ଡସର  ଅଧିକାରୀ ହେବାରେ ସଫଳ ହୋଇ ପାରିଛନ୍ତି। ଯାଜପୁର ଜିଲ୍ଲା ବରୀ ବ୍ଲକ ଅଧିନ କିମ୍ଭିରିଆପାଳ ପଞ୍ଚାୟତ ଭଳିନୂଆଗାଁ  ଗ୍ରାମର ରବିନ୍ଦ୍ର ନାଥ ସାହୁଙ୍କ  ତିନିବର୍ଷ ର ନାତି ଅୟାଂସ ସାହୁ ଇଣ୍ଡିଆ ବୁକ୍ସ ଅଫ ରେକର୍ଡସରେ ସ୍ଥାନ  ପାଇଛନ୍ତି। ଏହି ରେକର୍ଡସ  ଗତ ୧୪ତାରିଖ ଦିନ ମିଳିଥିବା ପରିବାର ପକ୍ଷରୁ କୁହାଯାଇଛି। ୪୫ ପଶୁମାନଙ୍କ ନାମ, ୨୨ ଟି ପନିପରିବାର ନାମ,୨୦ଟି ଫଳରନାମ, ୧୫ଯାନର ନାମ, ୧୨ଟି  ତ୍ରିଥକ୍ଷେତ୍ରର ନାମ,୨୬ ଟି  ଆଲଫାବେଟିକାଲ ୱାର୍ଡ ର ନାମ, ୫ଟି  ଇଂଗ୍ଲିଶ  ରାଇଁମସ,ବର୍ଷକ ୧୨ମାସର ନାମ, ୬ ଟି ଋତୁର ନାମ, ୧ ରୁ ୫୦ ଭିତରେ ୧୦ଗୋଟି ସାଧାରଣ ଜ୍ଞାନର ଉତ୍ତର  କହି  ଇଣ୍ଡିଆ ବୁକ୍ସ ଅଫ ରେକର୍ଡସରେ  ସ୍ଥାନ ପାଇଛନ୍ତି । ପିତା ଅସିତ କୁମାର ସାହୁ,ମାତା ଶୁଭଶ୍ରୀ ସାହୁ ଜେଜମା କନକଲତା ସାହୁ, ଅଜା   ସୁରେଶ ସାହୁ,ଆଇ ମା ନୀଳିମା ସାହୁଙ୍କ  ଆଶିର୍ବାଦ, ଶିକ୍ଷା ପ୍ରଦାନ  ଅୟାଂସଙ୍କୁ  ଏହି  ସଫଳତା  ଦେଇଛି । ଛୋଟିଆ ପରିବାର । ଶଙ୍ଖାରିଗଡା  ବଜାର ରେ  ଶଶିକଳା ଭେରାଇଟ ଷ୍ଟୋର  ନାମରେ  ଏକ ବ୍ଯବସାୟୀ ପ୍ରତିଷ୍ଠାନ ରହିଛି।  ଏନେଇ  ପରିବାର ଲୋକେ ଖୁସି ପ୍ରକାଶ କରିଥିଲା ବେଳେ ବରୀ  ଅଞ୍ଚଳରେ  ଖୁସିର ଲହରି ଖେଳି ଯାଇଛି।