30-Jun-2025

କଣ୍ଟାବାଞ୍ଜି(ମୋହନ ସୁନା): ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ସହର ମୁଖ୍ଯ ସଡ଼କ ଥାନା ସମ୍ମୁଖରେ କଣ୍ଟାବାଞ୍ଜି ରେଲବାଇ ଷ୍ଟେସନ ଅଟୋ ୟୁନିଅନ ପକ୍ଷରୁ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି। ଏହି ଶିବିରରେ ମୁଖ୍ଯ ଅତିଥି ଭାବରେ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ ଯୋଗ ଦେଇ  ଶିବିରକୁ ଉଦଘାଟନ କରିଥିଲେ। ଡ୍ରାଇଭର ମାନେ କେବଳ ଅଟୋ ଚଳାନ୍ତି ତାହା ନୁହେଁ ସାଧାରଣ ରକ୍ତହୀନ ରୋଗୀଙ୍କ ମୁହଁରେ ହସ ଫୁଟାଇ ବାକୁ ପ୍ରୟାସ କରି ଏହି ରକ୍ତଦାନ ଶିବିର କରିଥିବା ପ୍ରକାଶ କରିଛନ୍ତି। ଏହି ଶିବିରରେ ୫୧ ୟୁନିଟ ରକ୍ତ ସଂଗ୍ରହ କରାଯାଇ ଥିଲା। ସମ୍ମାନୀତ ଅତିଥି ଭାବରେ କଣ୍ଟାବାଞ୍ଜି ଟ୍ରକ ୟୁନିଅନ ସଭାପତି ପ୍ରଭିଜିତ ସିଂସାଲୁଜା ଯୋଗ ଦେଇଥିଲେ। ଏହି କାର୍ଯ୍ୟକ୍ରମରେ କଣ୍ଟାବାଞ୍ଜି ରେଲବାଇ ଅଟୋ ୟୁନିଅନ ର ସଭାପତି ଦନେଇ ନାଗ, ଉପସଭାପତି ଟିଙ୍କୁ କୌଅର, ସମ୍ପାଦକ ରଜନୀ ମଲ୍ଲିକ, କୋଷାଧ୍ୟକ୍ଷ ନବୀନ ପାତ୍ର, କାର୍ଯ୍ୟକାରିଣୀ ସଦସ୍ଯ ସାଗର ବାଗ, ସୌଉକାନ୍ତ ଅଳି, ଅମିତ ସିପକା, ବଷିଷ୍ଟ ମାହାନନ୍ଦ, ଛଟୁ ଯାଦବ, ହେମନ୍ତ ସାହୁ, ଠିକା ବେହେରା, ସହ ଅନ୍ୟ ସଦସ୍ଯ ମାନେ ଉପସ୍ଥିତ ରହି କାର୍ଯ୍ୟକ୍ରମକୁ ପରିଚାଳନା କରିଥିଲେ।