30-Jun-2025

ବରୀ(ରଞ୍ଜିତ ମହାନ୍ତି): ରାସ୍ତା ଓ ଗୃହ ନିର୍ମାଣ ବିଭାଗ ଅଧୀନରେ ରହିଛି କମ୍ପଗଡ଼ - ଗମୁ ଭାୟା ନୀଳାପଦା ରାସ୍ତା । ଏହି ରାସ୍ତାଟି ୮୦ ପ୍ରତିଶତ ଶେଷ ହୋଇଥିଲେ ସୁଦ୍ଧା ଲୋକମାନେ ଯାତାୟାତରେ ସୁବିଧା ପାଇ ପାରୁ ନାହାନ୍ତି । ବିଶେଷ କରି ନୀଳାପଦା ଗାଆଁରେ ପାଖାପାଖୂ ୧୫ ଶହ ଲୋକ ନାହିଁ ନଥିବା ଅସୁବିଧା ରହିବା ସହ ବଜାର ଘାଟକୁ ବାହାରି ପାରୁନାହାନ୍ତି । ସୂଚନାଯୋଗ୍ୟ ଏହି ରାସ୍ତା ନିର୍ମାଣ ପାଇଁ ପାଖା ପାଖୂ ୪ କୋଟି ଟଙ୍କା ବ୍ୟୟ ବରାଦ ହୋଇଥିଲା। କମ୍ପଗଡ଼ ଛକ ଠାରୁ ନୀଳାପଦାରେ ଥ‌ିବା ବିରୂପା ଉଚ୍ଚ ବିଦ୍ୟାଳୟ ପର୍ଯ୍ୟନ୍ତ ଏହାର ପିଚୁ କାମ ଶେଷ ହୋଇଛି। ସେଠାରୁ ଗମୁ ସଂଯୋଗୀ କରଣ ହୋଇପାରି ନାହିଁ। ଏହି ପିଚୁ ରାସ୍ତାର ଶେଷ ଭାଗକୁ ରହିଛି ମହାକାଳପଡ଼ା ପଞ୍ଚାୟତର ନୀଳାପଦା ସିଂହସାହି ଅଂଶ। ଯେଉଁଠାରେ ପୂର୍ବ
ରାସ୍ତା ଉପରେ ଯାତାୟାତ ହେଉଥିବା ବେଳେ ନୂଆ ରାସ୍ତା ପାଇଁ ଜମି ଅଧିଗ୍ରହଣ କିନ୍ତୁ ଅଲଗା ସ୍ଥାନରେ ହୋଇଛି। ଯେଉଁଥ୍ ପାଇଁ ଜମି ମାଲିକ ଦୁଇଟିଯାକ ଯାଗାକୁ ବ୍ୟବହାର କରିବା ଉପରେ ବାଧା ସୃଷ୍ଟି କରୁଛନ୍ତି। ଗାଆଁ ମଝିରେ
ଯାଇଥିବା ପୁରୁଣା ରାସ୍ତା ଉପରେ ସେ ସ୍ଥାୟୀ ନିର୍ମାଣ କରାଇ ଦେଉନାହାନ୍ତି । ଠିକାଦାର ବା ବିଭାଗ ଅଗୃହିତ ଜମି ଖାଲ ଥିବାରୁ ଅଧିକ ଖର୍ଜ ଆଶଙ୍କାରେ ସେଠାରେ ରାସ୍ତା ନିର୍ମାଣ କରି ନାହାନ୍ତି । ବରଂ ଯେଉଁ ୨ ଶହ ମିଟର ରାସ୍ତା ଜମି
ମାଲିକ ସ୍ଥାନ ସ୍ଥାୟୀ ନିର୍ମାଣକୁ ବିରୋଧ କରୁଛନ୍ତି ତାକୁ ଛାଡ଼ି ଦେଇ ଯାଇଛନ୍ତି। ସାମାନ୍ୟ ବର୍ଷା ହେଲେ ଏହି ପୁରୁଣା ରାସ୍ତାଟି ଆଣ୍ଠୁଏ ଲେଖା ଖାଲ ଓ କାଦୁଅ ହୋଇ ଯାଉଛି। ବିଭାଗୀୟ ରାସ୍ତା ହୋଇଥିବାରୁ ସ୍ଥାନୀୟ ସରପଞ୍ଚ ପ୍ରଜ୍ଞାପାରମିତା ପରିଡ଼ା ପଞ୍ଚାୟତ ଅର୍ଥ ଖର୍ଚ୍ଚ କରିପାରୁ ନାହାନ୍ତି ବୋଲି କହିଛନ୍ତି। ସମାଜସେବୀ ସ୍ମୃତି ରଞ୍ଜନ ପରିଡ଼ା ବ୍ୟକ୍ତିଗତ ଭାବେ ପ୍ରତିବର୍ଷ ଏହି ରାସ୍ତାକୁ ମରାମତି କରୁଥିବା ବେଳେ ସ୍ଥାୟୀ ପ୍ରତିକାର ଏଯାଏ ହୋଇ → ପାରିନାହିଁ । ଯେଉଁ ଜମି ଅଧିଗ୍ରହଣ ହୋଇଛି ସେଠାରେ ତୁରନ୍ତ ରାସ୍ତା ନିର୍ମାଣ କରିବାକୁ ସରପଞ୍ଚ ଶ୍ରୀମତୀ ପରିଡ଼ା ଦାବି କରିଛନ୍ତି । ବର୍ତ୍ତମାନ ସାମୟିକ ଭାବେ ପୁରୁଣା ରାସ୍ତା ଉପରେ ପଥର ଗୁଣ୍ଡ ବିଛାଇ ଯାତ୍ରା ଉପଯୋଗୀ କରିବାକୁ ସାଧାରଣରେ ଦାବି ହେଉଛି।