24-Jun-2025

ପାଟଣାଗଡ଼ (ପୂର୍ଣ୍ଣ ଶଶି ଶେଖର ରାଓ )ଆଜି ବଲାଙ୍ଗୀର ଜିଲ୍ଲା ବେଲପଡା ବ୍ଲକ କାର୍ଯ୍ୟାଳୟ ଠାରେ ଯୁଗ୍ମ ଜନଶୁଣାଣୀ ଶିବିର ଅନୁଷ୍ଠିତ ହୋଇଥିଲା!ଏଥିରେ ଜିଲ୍ଲାପାଳ ଗୌରବ ଶିବାଜୀ ଇସଲ୍ୱାର, ଅତିରିକ୍ତ ଆରକ୍ଷୀ ଅଧିକ୍ଷକ, ଅତିରିକ୍ତ ପ୍ରୋଜେକ୍ଟ ଡାଇରେକ୍ଟର ତରଣୀ ସୁନା, ଉପ ଜିଲ୍ଲାପାଳ ସରୋଜ କୁମାର ମେହେର ମଞ୍ଚାସିନ ଥିବା ବେଳେ ଜିଲ୍ଲାର ବିଭିନ୍ନ ପଦାଧିକାରୀ ଉପସ୍ଥିତ ଥିଲେ!ବେଲପଡା ବ୍ଲକ ରୁ ସର୍ବମୋଟ 34 ଟି ଅଭିଯୋଗ ପତ୍ର ଦାଖଲ କରାଯାଇଥିଲା!ଜନଶୁଣାଣି ରେ ଜିଲ୍ଲା ପ୍ରଶାସନ ତତ୍ପରତା ଦେଖାଉଥିବା ବେଳେ ବ୍ଲକ ପ୍ରଶାସନ ର ଅବହେଳା ଯୋଗୁଁ ଜନଶୁଣାଣୀ ଶିବିର ବିଷୟରେ ସାଧାରଣଜନତା ଅବଗତ ନଥିବା ଶୁଣିବାକୁ ମିଳୁଛି!ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକ ଙ୍କ ଜନଶୁଣାଣୀ ର 7 ଦିନ ପୂର୍ବରୁ ପ୍ରଚାର ପ୍ରସାର ହେବା କଥା କିନ୍ତୁ ବେଲପଡା ବ୍ଲକ ରେ ସେଭଳି ହେଉନଥିବା ଯୋଗୁଁ ଲୋକେ ନିଜର ଅଭିଯୋଗ ଜଣାଇବାରୁ ବଞ୍ଚିତ ରହୁଛନ୍ତି!ଯଦି ପ୍ରଚାର ପ୍ରସାର ହେବ ତାହେଲେ ଅଭିଯୋଗ ସଂଖ୍ୟା ବଢିବ ଯାହାକି ବ୍ଲକ ପ୍ରଶାସନ ର ଦୋଷ ଦୁର୍ବଳତା ଜିଲ୍ଲା ପ୍ରଶାସନ ନିକଟକୁ ପଂହଁଚିବ ସେଥିପାଇଁ ପ୍ରଚାର ପ୍ରସାର କରାଯାଉନାହିଁ ବୋଲି ଜନସାଧାରଣ ରେ ଚର୍ଚ୍ଚା ହେଉଛି!